29. mars 2021 - Hagfræðideild
Vikan framundan
- Á þriðjudag halda TM og Kvika banki hluthafafundi um fyrirhugaðan samruna þessara tveggja félaga.
- Á miðvikudag birtir Ferðamálastofa skýrslu sína Ferðaþjónusta í tölum.
Mynd vikunnar
Það kemur ekki á óvart þegar borin er saman þróun stýrivaxta hér á landi, Evrusvæðinu, Bandaríkjunum og Bretlandi frá 2000 að stýrivextir hafa verið mun hærri hér en á hinum efnahagssvæðunum allt tímabilið. Að meðaltali voru stýrivextir u.þ.b. 6,5 prósentustigum hærri hér á landi en á evrusvæðinu á árunum 2000 til 2018 og fór þessi munur hæst upp í 16 prósentur 2009. Frá því að núverandi vaxtalækkunarferli hófst 2019 hefur þessi munur hins vegar minnkað og er munurinn á stýrivöxtum hér á landi og á evrusvæðinu núna einungis 1,5 prósentustig.
Það helsta frá síðustu viku
- Peningastefnunefnd hélt vöxtum bankans óbreyttum á miðvikudag.
- Vísitala neysluverðs hækkaði um 0,49% milli mánaða í mars og mælist verðbólga 4,3% í samanburði við 4,1% í febrúar.
- Fitch Ratings staðfesti óbreytta A lánshæfiseinkunn ríkissjóðs með neikvæðum horfum.
- Vísitala launa hækkaði um 0,3% milli mánaða í febrúar.
- Samtök Iðnaðarins birtu talningu á fjölda íbúða í byggingu á höfuðborgarsvæðinu.
- Fjármála- og efnahagsráðherra kynnti fjármálaáætlun fyrir 2022-2026.
- Seðlabankinn birti Hagvísa.
- Hagstofan birti þjóðhagsspá, fjölda starfandi samkvæmt skrám, niðurstöður úr vinnumarkaðsrannsókn sinni og mannfjölda 1. jan í 2020.
- Þjóðskrá birti mánaðarlega fasteignaveltu.
- Festi, Landsbankinn, Brim og Eimskip héldu aðalfundi.
- Orkuveita Reykjavíkur tilkynnti um fyrirhugaða skuldabréfaútgáfu í ár.
- Íslandsbanki lauk útboði sértryggðra skuldabréfa, Iceland Seafood lauk víxlaútboði, Reitir lauk skuldabréfaútboði.
Hagtölur og markaðsupplýsingar
Þú gætir einnig haft áhuga á
7. okt. 2024
Peningastefnunefnd Seðlabankans lækkaði vexti í síðustu viku, í fyrsta sinn í fjögur ár. Stýrivextir eru nú 9% eftir að hafa staðið í 9,25% í meira en ár. Verðbólga á evrusvæðinu er enn á niðurleið og mældist 1,8% í september, undir 2% verðbólgumarkmiði. Verðbólgutölur í Bandaríkjunum verða birtar í þessari viku.
1. okt. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
30. sept. 2024
Verðbólga í september var nokkuð undir væntingum og lækkaði úr 6,0% niður í 5,4%. Þrátt fyrir það teljum við að peningastefnunefnd vilji sýna varkárni þegar hún hittist í byrjun vikunnar og haldi vöxtum óbreyttum á miðvikudaginn.
27. sept. 2024
Vísitala neysluverðs lækkaði um 0,24% á milli mánaða í september, samkvæmt nýbirtum tölum Hagstofu Íslands. Ársverðbólga lækkar því úr 6,0% í 5,4%, eða um 0,6 prósentustig. Verðbólga hefur ekki mælst lægri síðan í desember 2021.
27. sept. 2024
Ýmis merki eru um nokkuð kröftuga eftirspurn í hagkerfinu þótt verðbólga sé á niðurleið og landsframleiðsla hafi dregist saman það sem af er ári. Kortavelta eykst statt og stöðugt á milli ára, íbúðaverð er á hraðri uppleið, velta á íbúðamarkaði er meiri en í fyrra og atvinnuleysi hefur ekki aukist að ráði. Við teljum að peningastefnunefnd haldi stýrivöxtum áfram óbreyttum í 9,25% í næstu viku, sjöunda skiptið í röð.
23. sept. 2024
Í vikunni birtir Seðlabankinn yfirlýsingu fjármálastöðugleikanefndar og fjármálastöðugleikaskýrslu. Þá gefur Hagstofan út verðbólgumælingu fyrir septembermánuð á föstudag. Í síðustu viku gaf HMS út vísitölu íbúðaverðs sem hækkaði talsvert á milli mánaða og vísitölu leiguverðs sem lækkaði á milli mánaða. Kortaveltugögn sem Seðlabankinn birti í síðustu viku benda til þess að þó nokkur kraftur sé í innlendri eftirspurn eftir vörum og þjónustu.
16. sept. 2024
Í vikunni birtist meðal annars vísitala íbúðaverðs, vísitala leiguverðs og tölur um veltu greiðslukorta í ágúst. Í síðustu viku birtust tölur um fjölda ferðamanna sem hingað komu í ágúst, en þeir voru svipað margir og í ágúst í fyrra. Atvinnuleysi jókst lítillega á milli mánaða í ágúst. Fjárlög fyrir 2025 voru kynnt.
12. sept. 2024
Við spáum því að vísitala neysluverðs hækki um 0,08% á milli mánaða í september og að verðbólga lækki úr 6,0% niður í 5,7%. Við eigum von á áframhaldandi lækkun næstu mánuði og að ársverðbólga verði komin niður í 4,9% í lok árs.
9. sept. 2024
Í þessari viku ber hæst útgáfa á tölum um fjölda ferðamanna í ágúst og skráð atvinnuleysi á morgun. Í síðustu viku birtist fundargerð peningastefnunefndar þar sem fram kom að allir nefndarmenn voru sammála um að halda vöxtum óbreyttum á síðasta fundi, ólíkt því sem var síðustu þrjá fundi þar áður þar sem einn nefndarmaður vildi lækka vexti um 0,25 prósentustig.
6. sept. 2024
Meðfylgjandi er mánaðarlegt yfirlit sértryggðra skuldabréfa.