Vikubyrjun 28. október
Samkvæmt tölum frá Samgöngustofu voru bílar sem knúnir eru af grænum orkugjöfum að öllu leyti eða að hluta 26% nýrra skráninga það sem af er ári. Árið 2016 var sama hlutfall 10%. Í nýju hlaðvarpi hagfræðideildar Landsbankans, Markaðsumræðunni, er meðal annars fjallað um yfirvofandi orkuskipti og áhrif þeirra á skráð félög á hlutabréfamarkaði.
26. október 2019
Vikan framundan
- Klukkan 9 birtir Hagstofan vísitölu neysluverðs. Brim birtir uppgjör eftir lokun markaða.
- Á þriðjudaginn birta Hagar og Síminn uppgjör.
- Á miðvikudag birtir Hagfræðideild nýja þjóðhags- og verðbólguspá á morgunfundi í Hörpu. Seðlabankinn birtir niðurstöður úr síðustu könnun á væntingum markaðsaðila þennan dag.
- Á fimmtudaginn birta Icelandair, Eik, Origo og Sjóvá uppgjör.
- Á föstudag birtir Hagstofan þjóðhagsspá.
Mynd vikunnar
Samkvæmt tölum frá Samgöngustofu voru bílar sem knúnir eru af grænum orkugjöfum að öllu leyti eða að hluta 26% nýrra skráninga það sem af er ári. Árið 2016 var sama hlutfall 10%. Í nýju hlaðvarpi hagfræðideildar Landsbankans, Markaðsumræðunni, er meðal annars fjallað um yfirvofandi orkuskipti og áhrif þeirra á skráð félög á hlutabréfamarkaði.
Það helsta frá vikunni sem leið
- VÍS (uppgjör, fjárfestakynning), TM (uppgjör), Marel (uppgjör, fjárfestakynning) og Landsbankinn (uppgjör) birtu uppgjör.
- Brim gerði samning um kaup á tveimur sjávarútvegsfyrirtækjum.
- Icelandair breytti flugáætlun sinni fyrir fyrstu tvo mánuði næsta árs.
- Hagstofan birti niðurstöður úr mánaðarlegri vinnumarkaðsrannsókn sinni auk þess að birta launavísitölu fyrir september.
- Ekkert skuldabréfaútboð var í vikunni, en bæði Lánasjóður sveitarfélaga og Lánamál ríkisins hættu við fyrirhuguð skuldabréfútboð í vikunni.
Hagtölur og markaðsupplýsingar
Hagtölur 28. október 2019 (PDF)
Þú gætir einnig haft áhuga á
29. maí 2026
Landsframleiðsla jókst um 2,7% á milli ára að raunvirði á fyrsta fjórðungi ársins. Mest var framlag utanríkisviðskipta til hagvaxtar sem skýrist að mestu af auknum umsvifum gagnavera. Einkaneysla jókst einnig á fjórðungnum þó hægt hafi á vexti hennar.
28. maí 2026
Vísitala neysluverðs hækkaði um 0,07% á milli mánaða og verðbólga lækkar því úr 5,2% í 5,1%. Við höfðum spáð því að verðbólga myndi lækka í 4,9%. Hækkun á flugfargjöldum hafði mest áhrif til hækkunar á ársverðbólgu í mánuðinum en lækkun á virðisaukaskatti á eldsneyti hafði mest áhrif til lækkunar. Án lækkunarinnar á virðisaukaskatti hefði verðbólga mælst 5,5%. Athygli vekur að verð á mat og drykk lækkaði á milli mánaða, annan mánuðinn í röð.
27. maí 2026
Þrátt fyrir minna flugframboð um Keflavíkurflugvöll hafa jafn margir erlendir ferðamenn farið um flugvöllinn fyrstu fjóra mánuði ársins í ár og í fyrra. Á móti fara færri tengifarþegar um flugvöllinn og utanlandsferðir Íslendinga hafa dregist verulega saman. Þó sumarið líti ágætlega út er meiri óvissa um haustið.
26. maí 2026
Peningastefnunefnd hækkaði vexti bankans um 0,25 prósentustig í síðustu viku, líkt og við höfðum spáð. Nú í vikunni koma verðbólgutölur og þjóðhagsreikningar.
20. maí 2026
Peningastefnunefnd hækkaði stýrivexti um 0,25 prósentustig annað skiptið í röð og segist tilbúin til að hækka vexti enn frekar. Efnahagshorfur hafa þó versnað verulega að mati bankans, en verðbólguspá var hækkuð í nýútgefnum Peningamálum og hagvaxtaspá lækkuð auk þess sem gert er ráð fyrir auknu atvinnuleysi. Kólnunin í hagkerfinu mun þó gera það að verkum að hættan á aukinni verðbólgu fram á við er minni.
19. maí 2026
Kortavelta íslenskra heimila dróst verulega saman á milli ára í apríl, eða um alls 5,8% að teknu tilliti til verðlags og gengis. Svo mikill samdráttur hefur ekki mælst síðan í febrúar 2021. Peningastefnunefnd fundar í dag vegna vaxtaákvörðunar á morgun, en við gerum áfram ráð fyrir 0,25 prósentustiga hækkun vaxta.
18. maí 2026
Í vikunni fram undan er vaxtaákvörðun hjá Seðlabanka Íslands og við spáum 0,25 prósentustiga hækkun. Fjöldi ferðamanna á fyrstu fjórum mánuðum ársins var svipaður og á sama tímabil í fyrra samkvæmt tölum sem birtust í síðustu viku. Utanlandsferðum Íslendinga hefur aftur á móti fækkað töluvert. Atvinnuleysi heldur áfram að aukast á milli ára.
13. maí 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga er enn yfir markmiði og verðbólguvæntingar hafa reynst þrálátar. Að okkar mati mun það ráða mestu um að nefndin haldi áfram vaxtahækkunarferlinu sem hófst í mars.
12. maí 2026
Við spáum því að vísitala neysluverðs lækki um 0,13% á milli mánaða í maí. Gangi spáin eftir mun verðbólga lækka úr 5,2% í 4,9%. Lægra eldsneytisverð vegna lækkunar á virðisaukaskatti og lækkun flugfargjalda hafa mest áhrif til lækkunar á milli mánaða samkvæmt spánni. Við spáum að verðbólga mælist 4,9% í ágúst og kjarasamningar því mögulega í húfi.
11. maí 2026
Starfandi samkvæmt skrám fækkaði á milli ára. Frjósemi á Íslandi síðastliðin tvö ár hefur ekki mælst minni síðan mælingar hófust. Í þessari viku fáum við m.a. ferðamannatölur og atvinnuleysi ásamt uppgjörum frá félögum.