Vikubyrjun 27. maí
Hagvaxtarhorfur fyrir 2019 versnuðu nokkuð hratt í vetur í kjölfar gjaldþrots WOW air og loðnubrests. Fyrir um ári síðan spáðum við, Seðlabankinn og Hagstofan öll yfir 2% hagvexti á árinu 2019. Ný þjóðhagsspá frá okkur og þessum aðilum núna í maí gerir hins vegar ráð fyrir samdrætti í ár. Allar þrjár spárnar gera ráð fyrir að samdrátturinn verði lítill og skammvinnur.
24. maí 2019
Vikan framundan
- Klukkan 9 birtir Hagstofan vöru- og þjónustujöfnuð fyrir 1. ársfjórðung.
- Á morgun birtir Hagstofan vísitölu neysluverðs. Við búumst við 0,1% hækkun milli mánaða.
- Á föstudag birtir Hagstofan síðan þjóðhagsreikninga fyrir 1. ársfjórðung.
Mynd vikunnar
Hagvaxtarhorfur fyrir 2019 versnuðu nokkuð hratt í vetur í kjölfar gjaldþrots WOW air og loðnubrests. Fyrir um ári síðan spáðum við, Seðlabankinn og Hagstofan öll yfir 2% hagvexti á árinu 2019. Ný þjóðhagsspá frá okkur og þessum aðilum núna í maí gerir hins vegar ráð fyrir samdrætti í ár. Allar þrjár spárnar gera ráð fyrir að samdrátturinn verði lítill og skammvinnur.
Það helsta frá vikunni sem leið
- Peningastefnunefnd Seðlabanka Íslands ákvað að lækka vexti bankans um 0,5 prósentustig. Meginvextir bankans, vextir á sjö daga bundnum innlánum, verða því 4,0%. Þetta var brattari lækkun en við bjuggumst við, en við höfðum gert ráð fyrir 0,25 prósentustigs lækkun núna og aftur sömu lækkun í júní.
- Samhliða ákvörðuninni birti bankinn Peningamál 2019/2 með nýrri verðbólgu- og þjóðhagsspá. Í stað 1,8% hagvaxtar í ár gerir bankinn núna ráð fyrir 0,4% samdrætti. Þetta er svipað og okkar spá, en við gerum ráð fyrir 0,5% samdrætti í ár.
- Verð á fjölbýli hækkaði nokkuð í apríl.
- Atvinnuleysi er að aukast, en þó minna en ætla mætti.
- Skeljungur, Festi og Eimskip birtu árshlutauppgjör.
- Marel tilkynnti að félagið hyggur á skráningu í Euronext kauphöllina í Amsterdam á öðrum ársfjórðungi.
- Icelandair tilkynnti um breytingu á flugáætlun vegna kyrrsetningar Boeing 737 MAX flugvéla.
- Moody’s staðfesti A3 lánshæfismat Íslands með jákvæðum horfum, Fitch staðfesti A lánshæfismat Íslands með stöðugum horfum.
- Landsvirkjun birti árshlutauppgjör.
- Ferðamálastofa birti ferðaþjónustu í tölum.
- Landsbankinn lauk víxlaútboði, Lánasjóður sveitarfélaga lauk skuldabréfaútboði og Lánamál ríkisins luku útboði verðtryggðra ríkisbréfa.
Hagtölur og markaðsupplýsingar
Þú gætir einnig haft áhuga á
21. okt. 2026
Framboð íbúða hefur aukist og dregið hefur úr eftirspurn. Við gerum ráð fyrir að íbúðamarkaður verði rólegur og að verðhækkanir verða hóflegar á næstu misserum. Raunverð íbúða hefur lækkað ellefu mánuði í röð miðað við vísitölu neysluverðs án húsnæðis. Við gerum ráð fyrir samdrætti í íbúðafjárfestingu í ár og á næsta ári.
19. okt. 2026
Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.