27. júlí 2026
Vikan framundan
- Á morgun birtir Festi uppgjör.
- Á miðvikudag birta Arion banki og Íslandsbanki uppgjör. Seðlabanki Bandaríkjanna tekur ákvörðun um vexti.
- Á fimmtudaginn birtir Hagstofan fjölda gistinótta í júní, Englandsbanki tekur ákvörðun um vexti og það verða birtar verðbólgutölur í Bretlandi.
Mynd vikunnar
Áfram virðist vera að hægja á fasteignamarkaði. Fjölda kaupsamninga um íbúðarhúsnæði hefur fækkað á milli ára, átta mánuði í röð. Á sama tíma hefur fjöldi íbúða til sölu verið að aukast og í byrjun júlí voru 6.400 íbúðir auglýstar til sölu. Fjöldi nýbygginga til sölu hefur haldist nokkuð stöðugur það sem af er ári og skýrist því aukinn fjöldi íbúða til sölu af fjölgun eldri íbúða á söluskrá.
Það helsta frá vikunni sem leið
- Vísitala neysluverðs hækkaði um 0,36% á milli mánaða í júlí og verðbólga hækkar því úr 5,2% í 5,3%. Júlí er sjöundi mánuðurinn í röð sem verðbólga mælist yfir 5%. Við höfðum spáð því að vísitalan myndi hækka um 0,34% og að verðbólga yrði óbreytt í 5,2%. Það var mjög lítill munur á spá okkar og mælingu Hagstofunnar og enginn undirliður sem kom mikið á óvart. Þetta er síðasta mælingin sem birtist fyrir vaxtaákvörðun Peningastefnunefndar þann 19. ágúst og teljum við líkur á að nefndin hækki vexti þá.
- Í síðustu viku birti HMS vísitölu íbúðaverðs, vísitölu leiguverðs og mánaðarskýrslu. Vísitala íbúðaverðs hækkaði um 0,09% á milli mánaða í júní, en ársbreyting hennar lækkaði úr 2,2% í 1,8%. Vísitala leiguverðs hækkaði um 0,39% og er árshækkun hennar 5,7%.
- Seðlabanki Evrópu hélt vöxtum bankans óbreyttum. Allir nefndarmenn peningastefnunefndar bankans voru sammála um ákvörðunina, en nokkrir nefndarmenn ræddu þó möguleikann á að hækka vexti.
- Verðbólga í Bretlandi lækkaði úr 2,8% í 2,6% í júní. Mælingin var aðeins lægri en búist var við. Lækkunin byggði á lægra olíuverði, lækkun á matvælaverði og sterkum útsöluáhrifum á fatnaði.
- Icelandair (fjárfestakynning) og Landsbankinn birtu uppgjör.
- Lánamál ríkisins birtu niðurstöðu úr viðbótarútgáfu.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.
7. sept. 2026
Hagkerfið dróst saman um 1,1% á milli ára á öðrum ársfjórðungi. Samkvæmt fundargerð peningastefnunefndar ræddi nefndin að hækka vexti um 0,25 prósentustig eða halda þeim óbreyttum á fundi sínum í ágúst.
1. sept. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. ágúst 2026
Landsframleiðsla dróst saman um 1,1% á milli ára á öðrum ársfjórðungi. Samdráttur í vöruútflutningi, sér í lagi áli og sjávarafurðum skýrir samdráttinn að mestu. Minni vöxtur var í einkaneyslu. Fjárfesting, önnur en atvinnuvega, dróst saman.
31. ágúst 2026
Verðbólga mældist 5,6% í ágúst. Samkvæmt VSK-skýrslum jókst velta í helstu útflutningsgreinum í maí og júní, að ferðaþjónustu undanskilinni. Mörg félög í kauphöllinni birtu uppgjör í síðustu viku. Í dag birtir Hagstofan þjóðhagsreikninga fyrir annan ársfjórðung.
27. ágúst 2026
Vísitala neysluverðs hækkaði um 0,20% á milli mánaða í ágúst og verðbólga hækkar því úr 5,3% í 5,6%. Við spáðum 5,5% verðbólgu í ágúst. Áhrif sólmyrkvans á verðmælingar í mánuðinum voru hóflegri en við höfðum spáð. Verðhækkanir í mánuðinum voru því á breiðari grunni en við gerðum ráð fyrir í spánni. Það er óheppileg þróun, haldi hún áfram.
26. ágúst 2026
Velta í flestum útflutningsreinum jókst í maí og júní að ferðaþjónustu undanskilinni, samkvæmt nýjum VSK-skýrslum. Aukna veltu útflutningsgreina má að miklu leyti rekja til hagfelldrar þróunar á heimsmarkaðsverði frekar en meiri framleiðslu. Á sama tíma sjást merki um kólnun í innlenda hagkerfinu, einkum í greinum sem reiða sig meira á innlenda eftirspurn.
24. ágúst 2026
Peningastefnunefnd hækkaði vexti um 0,25 prósentustig í síðustu viku, eins og við spáðum. Á fimmtudag birtir Hagstofan verðbólgutölur fyrir ágúst, en við spáum því að verðbólga hækki í 5,5%.
21. ágúst 2026
Vísitala íbúðaverðs hækkaði um 0,09% á milli mánaða í júlí. Árshækkun vísitölunnar mælist nú 1,6%, hefur ekki mælst lægri í þrjú ár og er töluvert minni en hækkun á almennu verðlagi. Raunverð íbúða hefur lækkað um 3% á milli ára. Umsvif á íbúðamarkaði hafa einnig dregist saman og velta það sem af er ári hefur verið töluvert minni en á sama tímabili í fyrra.
19. ágúst 2026
Peningastefnunefnd hækkaði meginvexti um 0,25 prósentustig þriðja fundinn í röð og standa þeir nú í 8%. Hægt hefur á efnahagsumsvifum og vísbendingar eru um að undirliggjandi verðbólga sé tekin að hjaðna að mati nefndarinnar. Tónninn var því mun mildari en á síðustu tveimur fundum.