26. október 2026
Vikan framundan
- Á morgun birtir Hagstofan veltu samkvæmt VSK-skýrslum og Ásar birta uppgjör.
- Á miðvikudag birta Arion banki, Festi og Skagi uppgjör. Þá er einnig vaxtaákvörðun í Bandaríkjunum.
- Á fimmtudag birtir Hagstofan verðbólgutölur og við eigum von á að verðbólgan verði óbreytt í 5,9%. Hagstofan birtir einnig fjölda gistinótta þann sama dag. Þá birta Íslandsbanki, Landsbankinn og Nova klúbburinn uppgjör. Sama dag er einnig vaxtaákvörðun á evrusvæðinu.
Mynd vikunnar
Íslenska krónan hefur styrkst verulega undanfarið á sama tíma og verðbólga hefur verið nokkuð hærri hér á landi en í helstu viðskiptalöndum okkar. Þetta þýðir að raungengi hefur hækkað og Ísland því orðið sífellt dýrara. Á þriðja ársfjórðungi var raungengi íslensku krónunnar tæplega 20% hærra en að meðaltali frá 1980 og hefur einungis tvisvar á síðustu áratugum mælst hærra, á 1. ársfjórðungi 1988 og á 4. ársfjórðungi 2005. Í hagspá sem við birtum í síðustu viku gerum við ráð fyrir að krónan muni veikjast lítillega á næstu árum, en það mun þó ekki duga til þess að vega upp á móti þeirri styrkingu sem þegar er komin og meiri verðbólgu hér en í helstu viðskiptalöndum okkar. Það þýðir að raungengið mun halda áfram að hækka á næsta ári og muni fara yfir hæsta gildi sem hefur sést frá 1980.
Það helsta frá vikunni sem leið
- Vísitala íbúðaverðs hækkaði um 1,1% á milli mánaða í september, sem er mesta hækkun síðan í janúar. Vísitala leiguverðs lækkaði aftur á móti um 0,9% á milli mánaða í september, en þetta er annar mánuðurinn í röð þar sem vísitalan lækkar. Ársbreyting vísitölu íbúðaverðs er 1,8% og vísitölu leiguverðs 1,1%. HMS birti einnig mánaðarskýrslu.
- Seðlabankinn birti fundargerð peningastefnunefndar vegna fundarins 5.-6. október. Þar kemur fram að nefndarmenn voru sammála um að halda vöxtum óbreyttum og virðast ekki hafa rætt að breyta þeim.
- Verðbólga í Bretlandi jókst úr 3,1% í 3,5% í september. Helsta skýringin á hækkuninni var eldsneytisverð. Mælingin var aðeins yfir væntingum markaðsaðila.
- Vísitala launa hækkaði um 0,7% á milli mánaða. Ársbreyting vísitölunnar mælist nú 5,6%.
- Sjóvá og Icelandair (fjárfestakynning) birtu uppgjör. Lyfjastofnun Bandaríkjanna samþykkti nýja framleiðsluaðferð Alvotech. Icelandair lauk kaupum á 49% hlut í Fly Play Europe Holdco ehf.
- Reykjavíkurborg og Lánamál ríkisins heldu skuldabréfaútboð.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
21. okt. 2026
Framboð íbúða hefur aukist og dregið hefur úr eftirspurn. Við gerum ráð fyrir að íbúðamarkaður verði rólegur og að verðhækkanir verða hóflegar á næstu misserum. Raunverð íbúða hefur lækkað ellefu mánuði í röð miðað við vísitölu neysluverðs án húsnæðis. Við gerum ráð fyrir samdrætti í íbúðafjárfestingu í ár og á næsta ári.
19. okt. 2026
Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.