22. nóvember 2019
Vikan framundan
- Klukkan 9 í dag birtir Hagstofan þjónustujöfnuð við útlönd ásamt völdum liðum vöru- og þjónustuviðskipta fyrir 3. ársfj.
- Á miðvikudag birtir Hagstofan vísitölu neysluverðs, við gerum ráð fyrir óbreyttu gildi vísitölunnar milli mánaða.
- Á föstudag birtir Hagstofan þjóðhagsreikninga fyrir 3. ársfj. 2019.
Mynd vikunnar
Miklar sviptingar hafa verið í fjölda launþega sem starfa við íbúðabyggingu og í ferðaþjónustu síðustu ár. Þannig fjölgaði launþegum í íbúðabyggingu mjög hratt á árunum 2013 til 2017. Síðan hefur mjög dregið úr þessari fjölgun, en launafólki við íbúðabyggingu fækkaði í fyrsta sinn milli ára síðan 2012 í ágúst og september á þessu ári. Launþegum í einkennandi greinum ferðaþjónustu fjölgaði einnig mjög hratt á árunum 2010 til 2016, en frá upphafi ársins 2017 hefur dregið stöðugt úr fjölguninni í þessum greinum. Launafólki í ferðaþjónustu tók að fækka milli ára strax í febrúar 2019. Þróunin í öðrum greinum hefur verið öllu jafnari.
Það helsta frá vikunni sem leið
- Samkvæmt fundargerð peningastefnunefndar voru allir nefndarmenn sammála um að lækka vexti um 0,25 prósentustig á síðasta fundi nefndarinnar.
- Fitch staðfesti óbreytta lánshæfiseinkunn ríkissjóðs.
- Reitir og Eimskip birtu árshlutauppgjör.
- Vísitala íbúðaverðs hækkaði um 0,5% milli mánaða í október.
- Vísitala leiguverðs lækkaði um 0,3% milli mánaða í október.
- Í október var mesti fjöldi viðskipta með íbúðarhúsnæði síðan 2007.
- Ferðamálastofa birti Ferðaþjónustuna í tölum.
- Tölur um kortanotkun benda til að verslun sé aftur að færast inn fyrir landsteinana.
- Við birtum umfjöllun um fjárlagafrumvarpið.
- Verð íslenskra sjávarafurða er núna í sögulegu hámarki.
- Hagstofan birti:
- skammtímahagvísa ferðaþjónustu.
- vísitölu byggingarkostnaðar.
- vinnumarkaðsrannsókn fyrir 3. ársfj.
- útgjöld til rannsóknar og þróunar 2018.
- mannfjöldaspá til 2068.
- Íslandsbanki gaf út almennt skuldabréf í ISK, Lánasjóður sveitarfélaga lauk skuldabréfaútboði og Lánamál ríkisins héldu skiptiútboð.
Hagtölur og markaðsupplýsingar
Hagtölur 18. nóvember 2019 (PDF)
Þú gætir einnig haft áhuga á
23. apríl 2025
Við teljum horfur á tiltölulega hófstilltum verðhækkunum á íbúðamarkaði næstu árin, 5,9% hækkun á þessu ári, 4,8% hækkun á næsta ári og 6,4% hækkun árið 2027. Til samanburðar hefur íbúðaverð hækkað um 9% á ári að jafnaði frá aldamótum, og að meðaltali um 13% á ári frá árinu 2021.
22. apríl 2025
Leiguverð hefur hækkað um 11,3% á síðustu tólf mánuðum, þó nokkuð meira en íbúðaverð sem hefur hækkað um 8% á sama tímabili. Hækkanir á íbúða- og leigumarkaði eru þó nokkuð umfram almennar verðhækkanir í landinu, en verðbólga mældist 3,8% í mars. Áfram er kraftur í innlendri neyslu, greiðslukortavelta heimila hefur aukist statt og stöðugt síðustu mánuði og var 1,8% meiri í mars síðastliðnum en í mars í fyrra.
16. apríl 2025
Sviptingar í alþjóðaviðskiptum gætu haft margvísleg áhrif á ferðaþjónustu hér á landi. Tollar gætu rýrt kaupmátt Bandaríkjamanna og haft áhrif á komur þeirra hingað til lands. Auk þess eru merki um að áhugi Evrópubúa á að heimsækja Bandaríkin fari dvínandi, sem gæti haft áhrif hingað heim, enda hafa Evrópubúar gjarnan komið við á Íslandi á leið sinni vestur um haf. Í nýrri hagspá gerum við ráð fyrir samdrætti í ferðaþjónustu á þessu ári, en að hún taki aftur við sér á næstu tveimur árum.
14. apríl 2025
Í síðustu viku birtum við hagspá til næstu ára þar sem við spáum 1,4% hagvexti í ár og um 2% hagvexti næstu árin. Ferðamönnum fækkaði um 13,8% milli ára í mars. Skráð atvinnuleysi í mars var 0,4 prósentustigum hærra en í mars í fyrra. Þau tíðindi bárust einnig að skuldabréfaeigendur ÍL-sjóðs hefðu samþykkt að breyta skilmálum bréfanna sem heimilar útgefanda að gera upp bréfin. Í þessari viku birtir svo HMS vísitölu íbúðaverðs og leiguverðs.
10. apríl 2025
Við spáum því að vísitala neysluverðs hækki um 0,77% á milli mánaða í apríl og að verðbólga hækki úr 3,8% í 4,0%. Hækkunin á milli mánaða skýrist meðal annars af tímasetningu páskanna í ár.
9. apríl 2025
Hagkerfið hefur kólnað eftir kröftugt vaxtarskeið fyrstu árin eftir Covid-faraldurinn og við teljum að nú fari það hægt af stað á ný.
7. apríl 2025
Í síðustu viku kynnti Bandaríkjaforseti umfangsmikla tolla á allan innflutning til landsins, þ. á m. 10% tolla á vörur frá Íslandi, sem hafa þegar tekið gildi. Fundargerð peningastefnunefndar var birt og þar kemur fram að nefndin taldi svigrúm til 0,25 eða 0,50 prósentustiga vaxtalækkunar við síðustu vaxtaákvörðun. Samkvæmt nýrri ríkisfjármálaáætlun er markmið ríkisstjórnarinnar að tryggja hallalausan ríkisrekstur árið 2027.
1. apríl 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. mars 2025
Verðbólga lækkaði úr 4,2% í 3,8% í mars. Lækkun á verðbólgu skýrist að langstærstum hluta af því að reiknuð húsaleiga hækkaði minna en í sama mánuði í fyrra. Undirliggjandi verðbólga hjaðnaði líka sem sést á því að VNV án húsnæðis og allar kjarnavísitölur lækkuðu á milli mánaða. Fjármálastöðugleikanefnd telur fjármálakerfið standa traustum fótum en segir mikla óvissu í alþjóðamálum geta reynt á viðnámsþrótt þjóðarbúsins.
27. mars 2025
Vísitala neysluverðs hækkaði um 0,37% á milli mánaða í mars, samkvæmt nýbirtum tölum Hagstofu Íslands. Ársverðbólga lækkar úr 4,2% í 3,8% og er komin undir efri vikmörk verðbólgumarkmiðs Seðlabanka Íslands, í fyrsta skipti frá því í lok árs 2020. Verðmælingin var nokkuð góð en við teljum að á næstunni hægi á hjöðnuninni.