Vikubyrjun 25. júní 2018
Í vikunni sem leið birti Hagstofan nánari tölur fyrir landsframleiðsluna 2017. Landsframleiðsla á mann á Íslandi jókst um 2.356 Bandaríkjadali reiknað á jafnvirðisgildi (PPP) milli áranna 2016 og 2017 og er það sjöunda árið í röð þar sem hún eykst. Landsframleiðsla mæld á hvern íbúa hefur einungis þrisvar sinnum dregist saman milli ára frá 1980 og var það árin 1992, 2009 og 2010.
25. júní 2018
Vikan framundan
- Í dag er útboð ríkisvíxla Lánamála ríkisins.
- Á miðvikudag birtir Hagstofan vísitölu neysluverðs fyrir júní.
- Á fimmtudaginn birtir Hagstofan vísitölu framleiðsluverðs í maí.
- Á föstudag birtir Hagstofan tölur um vöruviðskipti við útlönd fyrir janúar til maí.
- Á föstudag birtir Hagstofan tölur um fjölda gistinátta og gestakomur í maí.
Mynd vikunnar
Ísland var 30% yfir meðaltali Evrópusambandsríkjanna 28 (ESB28) árið 2017 hvað varðar umfang landsframleiðslu á hvern íbúa og sat í 5. sæti af Evrópuríkjunum 37. Lúxemborg bar þar höfuð og herðar yfir önnur lönd þar sem landsframleiðsla á mann var þar 153% meiri en meðaltalið. Af Norðurlöndunum var Ísland í öðru sæti á eftir Noregi sem var 50% yfir ESB28. Albanía rak lestina af Evrópuríkjunum þar sem landsframleiðsla á mann var einungis 29% af meðaltali ESB28.
Það helsta frá vikunni sem leið
- Þjóðskrá birti vísitölu íbúðaverðs og leiguverðs á höfuðborgarsvæðinu.
- Hagstofan birti launavísitölu fyrir maí.
- Hagstofan birti vísitölu byggingarkostnaðar fyrir júní.
- Hagstofan birti tölur um brotthvarf og brautskráningarhlutfall 2014-2016.
- Hagstofan birti tölur um landsframleiðslu á mann á Íslandi 2017.
- Lánamál ríkisins hættu við útboð ríkisbréfa sem fyrirhugað var 22. júní.
- VÍS gaf frá sér afkomuviðvörun fyrir annan ársfjórðung.
- Kvika banki hf. gaf frá sér viljayfirlýsingu um kaup á öllu útgefnu hlutafé GAMMA Capital Management hf.
- Forsætisráðherra skipaði nýjan aðstoðarseðlabankastjóra frá og með 1. júlí.
- HB Grandi hf. sendi frá sér tilkynningu um breytingu á yfirstjórn.
- Við birtum Hagsjá um fasteignamarkaðinn og hlut ferðaþjónustu í landsframleiðslu.
- Tryggingamiðstöðin hf. setti fram skuldbindandi kauptilboð í alla hluti í Lykil fjármögnun hf.
Hagtölur og markaðsupplýsingar
Þú gætir einnig haft áhuga á
7. maí 2025
Ætla má að um þriðjungur íslenskra vara sem fluttar eru frá Íslandi til Bandaríkjanna sé undanþeginn þeim tollum sem nú eru í gildi, til dæmis lyf og flestar lækningavörur. Óvissa um framvindu mála í alþjóðaviðskiptum getur samt ein og sér leitt til þess að fyrirtæki halda að sér höndum og ráðast síður í nýjar fjárfestingar. Á síðasta ári fór um 12% af vöruútflutningi Íslands til Bandaríkjanna.
5. maí 2025
Í apríl jókst verðbólga úr 3,8% í 4,2%, nokkuð umfram okkar spá um 4,0% verðbólgu. Velta samkvæmt VSK-skýrslum jókst á milli ára í flestum atvinnugreinum á fyrstu tveimur mánuðum ársins. Á fyrsta ársfjórðungi mældist hagvöxtur á evrusvæðinu en samdráttur í Bandaríkjunum. Í þessari viku er vaxtaákvörðun í Bandaríkjunum og einnig í Bretlandi.
2. maí 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. maí 2025
Ör fólksfjölgun og hækkun húsnæðisverðs hefur aukið eftirspurn eftir leiguíbúðum. Stærstur hluti Airbnb-íbúða er nú leigður út af leigusölum með fleiri en tvær íbúðir í útleigu. Frumvarp um hert skilyrði um skammtímaleigu hefur verið sett í samráðsgátt. Hömlur á skammtímaleigu gætu aukið framboð leiguíbúða og jafnvel söluframboð.
29. apríl 2025
Verðbólga mældist 4,2% í apríl og hækkaði úr 3,8% frá því í mars. Verðbólga var umfram okkar spá, einkum vegna þess að reiknuð húsaleiga og verð á matvörum hækkaði meira en við bjuggumst við.
28. apríl 2025
Alþjóðagjaldeyrissjóðurinn (AGS) birti nýja efnahagsspá um páskana. Hagvaxtarhorfur í heiminum hafa verið færðar niður og AGS telur að spenna í alþjóðaviðskiptum og veruleg óvissa komi til með að draga úr umsvifum í heimshagkerfinu.
28. apríl 2025
Hagstofan birtir verðbólgutölur fyrir aprílmánuð á morgun og við búumst við að verðbólga hækki tímabundið upp í 4%. Í vikunni fáum við fyrstu uppgjör fyrir fyrsta ársfjórðung og fyrsta mat á hagvexti í Bandaríkjunum og á evrusvæðinu á fyrsta ársfjórðungi.
23. apríl 2025
Við teljum horfur á tiltölulega hófstilltum verðhækkunum á íbúðamarkaði næstu árin, 5,9% hækkun á þessu ári, 4,8% hækkun á næsta ári og 6,4% hækkun árið 2027. Til samanburðar hefur íbúðaverð hækkað um 9% á ári að jafnaði frá aldamótum, og að meðaltali um 13% á ári frá árinu 2021.
22. apríl 2025
Leiguverð hefur hækkað um 11,3% á síðustu tólf mánuðum, þó nokkuð meira en íbúðaverð sem hefur hækkað um 8% á sama tímabili. Hækkanir á íbúða- og leigumarkaði eru þó nokkuð umfram almennar verðhækkanir í landinu, en verðbólga mældist 3,8% í mars. Áfram er kraftur í innlendri neyslu, greiðslukortavelta heimila hefur aukist statt og stöðugt síðustu mánuði og var 1,8% meiri í mars síðastliðnum en í mars í fyrra.
16. apríl 2025
Sviptingar í alþjóðaviðskiptum gætu haft margvísleg áhrif á ferðaþjónustu hér á landi. Tollar gætu rýrt kaupmátt Bandaríkjamanna og haft áhrif á komur þeirra hingað til lands. Auk þess eru merki um að áhugi Evrópubúa á að heimsækja Bandaríkin fari dvínandi, sem gæti haft áhrif hingað heim, enda hafa Evrópubúar gjarnan komið við á Íslandi á leið sinni vestur um haf. Í nýrri hagspá gerum við ráð fyrir samdrætti í ferðaþjónustu á þessu ári, en að hún taki aftur við sér á næstu tveimur árum.