24. janúar 2022 - Greiningardeild
Vikan framundan
- Í dag birtir Hagstofan launavísitöluna fyrir desember.
- Á fimmtudag birtir Hagstofan niðurstöður úr mánaðarlegri vinnumarkaðsrannsókn sinni.
- Á föstudag birtir Hagstofan síðan janúarmælingu vísitölu neysluverðs. Við spáum því að vísitalan lækki um 0,2% milli mánaða og að verðbólgan lækki úr 5,1% í 5,0%.
Mynd vikunnar
Fyrir helgi seldi ríkissjóður verðtryggð ríkisskuldabréf á gjalddaga 2037 (15 ár) á ávöxtunarkröfunni 1,11%. Óhætt er að segja að kjör ríkissjóðs hafa stórbatnað síðan aldamót, en til samanburðar var ávöxtunarkrafan á verðtryggðum ríkisbréfum á gjalddaga 2015 (15 ár) rúmlega 5% árið 2000 og fyrri hluta árs 2010 var ávöxtunarkrafan á bréf á gjalddaga 2021 (11 ár) yfir 3,5%.
Efnahagsmál
- Vísitala íbúðaverðs hækkaði um 1,8% milli mánaða í desember. Árshækkun fjölbýlis mælist 17,6%, sérbýlis 21% og vegin hækkun íbúðarhúsnæðis alls 18,4%. Vísitala leiguverðs hækkaði um 0,7% milli mánaða og er árshækkunin leiguverðs 4%.
- Bankasýsla ríkisins lagði fram tillögu til ráðherra um að stofnunin fái heimild til að selja allan eignarhluta ríkisins í Íslandsbanka.
- Í síðustu viku birti Hagstofan tilraunatölfræði um látna eftir vikum og skammtímahagvísa ferðaþjónustu.
- Seðlabankinn birti skýrslu peningastefnunefndar til Alþingis um störf nefndarinnar á fyrri árshelmingi 2021.
- Hagdeild HMS birti mánaðarskýrslu.
Fjármálamarkaðir
- Eimskip, Kvika banki, Sýn og Sjóvá birtu afkomuviðvaranir.
- Seðlabankinn birti samantekt um gjaldeyrismarkaðinn, gengisþróun og gjaldeyrisforða fyrir árið 2021.
- Lánamál ríkisins luku útboði ríkisbréfa. Boðinn var til sölu nýr verðtryggður flokkur á gjalddaga 2037. Seld voru bréf að nafnvirði 14.855 m. kr. á ávöxtunarkröfunni 1,11%.
- Íslandsbanki gaf út sjálfbært skuldabréf í evrum og tilkynnti um endurkaupatilboð á skuldabréfaútgáfu í evrum. Kvika banki gaf út skuldabréf í sænskum krónum.
- Reykjavíkurborg birti útgáfuáætlun fyrir fyrri hluta 2022.
Hagtölur og markaðsupplýsingar
Þú gætir einnig haft áhuga á
21. ágúst 2026
Vísitala íbúðaverðs hækkaði um 0,09% á milli mánaða í júlí. Árshækkun vísitölunnar mælist nú 1,6%, hefur ekki mælst lægri í þrjú ár og er töluvert minni en hækkun á almennu verðlagi. Raunverð íbúða hefur lækkað um 3% á milli ára. Umsvif á íbúðamarkaði hafa einnig dregist saman og velta það sem af er ári hefur verið töluvert minni en á sama tímabili í fyrra.
19. ágúst 2026
Peningastefnunefnd hækkaði meginvexti um 0,25 prósentustig þriðja fundinn í röð og standa þeir nú í 8%. Hægt hefur á efnahagsumsvifum og vísbendingar eru um að undirliggjandi verðbólga sé tekin að hjaðna að mati nefndarinnar. Tónninn var því mun mildari en á síðustu tveimur fundum.
18. ágúst 2026
Kortavelta Íslendinga, að teknu tillit til verðlags og gengis, jókst lítillega í júlí. Íslendingar eyddu þó minna innanlands en í fyrra en kortavelta erlendis jókst. Aldrei hefur hærra hlutfall af kortaveltu Íslendinga farið fram erlendis.
17. ágúst 2026
Á miðvikudag tilkynnir Seðlabankinn um vaxtaákvörðun og við spáum því að stýrivextir verði hækkaðir um 0,25 prósentustig. Um 3,1% færri ferðamenn komu til landsins í júlí en í sama mánuði í fyrra. Utanlandsferðum Íslendinga fjölgaði aftur á móti á milli ára í fyrsta sinn á árinu. Skráð atvinnuleysi mældist 4,0% í júlí.
13. ágúst 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga hefur reynst þrálát og verðbólguhorfur versnað. Á sama tíma hefur hagkerfið sýnt merki um kólnun, en þau eru að okkar mati ekki nægilega skýr til að koma í veg fyrir vaxtahækkun.
13. ágúst 2026
Við spáum því að verðbólga mælist 5,5% í ágúst. Heimsmarkaðsverð á olíu hefur hækkað aftur síðastliðinn mánuð og við gerum því ekki ráð fyrir lækkun á eldsneytisverði eins og áður. Við gerum jafnframt ráð fyrir að aukin eftirspurn í tengslum við sólmyrkvan hafi áhrif á flugfargjöld til útlanda, gistiþjónustu og á bílaleiguverð. Hækkun skráningargjalda í opinbera háskóla hefur einnig áhrif til hækkunar í mánuðinum.
10. ágúst 2026
Störfum í Bandaríkjunum fækkaði á milli mánaða í júlí. Í þessari viku verða meðal annars birtar tölur um brottfarir um Keflavíkurflugvöll og skráð atvinnuleysi í júlí. Þá munu nokkur félög einnig birta uppgjör.
4. ágúst 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
4. ágúst 2026
Gistinóttum á hótelum fækkaði um 0,4% á milli ára í júní. Seðlabanki Bandaríkjanna og Englandsbanki héldu báðir vöxtum óbreyttum í síðustu viku.
27. júlí 2026
Verðbólga jókst úr 5,2% í 5,3% í júlí. Áfram sjást merki um hægagang á fasteignamarkaði en fjölda kaupsamninga um íbúðarhúsnæði hefur fækkað á milli ára á sama tíma og fjöldi íbúða til sölu hefur aukist.