Vikubyrjun 23. mars 2026
Peningastefnunefnd hækkaði vexti um 0,25 prósentustig í síðustu viku. Mun harðari tónn var í yfirlýsingu nefndarinnar en við síðustu ákvörðun í febrúar. Heildarkortavelta heimilanna jókst um 1,5% á milli ára, en kortavelta innanlands dróst saman. Vísitala íbúðaverðs hækkaði lítillega eftir mikla hækkun í janúar.
23. mars 2026
Vikan framundan
- Í dag birtir Hagstofan vísitölu launa í febrúar.
- Á miðvikudag birtir Seðlabanki Íslands yfirlýsingu fjármálastöðugleikanefndar ásamt ritinu Fjármálastöðugleiki. Sama dag birtir Ísfélagið uppgjör og verðbólgutölur verða birtar í Bandaríkjunum.
- Á fimmtudag birtir Hagstofan vísitölu neysluverðs í mars og við spáum 5,4% verðbólgu. Einnig birtir Amaroq uppgjör.
- Á föstudag birtir Seðlabankinn Hagvísa.
Mynd vikunnar
Á síðustu mánuðum hafa komið í ljós skýr merki um að ró hafi færst yfir íbúðamarkaðinn. Framboð íbúða hefur aukist hratt á sama tíma og sölutími hefur lengst. Samkvæmt nýrri mánaðarskýrslu HMS hefur hlutfall íbúða sem selst yfir ásettu verði lækkað talsvert seinustu mánuði. Í janúar voru einungis í kringum 7% íbúða sem seldust yfir auglýstu verði, en svo lágt hefur hlutfallið ekki verið síðan í júní 2019. Þessi þróun endurspeglar að íbúðamarkaðurinn hefur færst yfir í kaupendamarkað. Þetta er ólíkt árunum 2021 og 2022, þegar meðalhlutfall íbúða sem seldist yfir ásettu verði var um 33%.
Það helsta frá vikunni sem leið
- Peningastefnunefnd ákvað að hækka vexti bankans um 0,25 prósentustig. Tveir af fimm nefndarmönnum vildu hækka vexti um 0,50 prósentustig. Meginvextir bankans, vextir á sjö daga bundnum innlánum, standa nú í 7,50%. Óhætt er að segja að tónninn í yfirlýsingu nefndarinnar hafi verið mun harðari en við síðustu ákvörðun.
- Alls var greiðslukortavelta heimilanna um 105 ma.kr. í febrúar og jókst um 1,5% á milli ára, að teknu tilliti til verðlags og gengis. Kortavelta erlendis jókst verulega eins og síðustu mánuði (13,8% á milli ára) en kortavelta innanlands dróst saman (-2,0% á milli ára). Þetta er í fyrsta skipti síðan í ágúst í fyrra sem kortavelta innanlands dregst saman.
- Vísitala íbúðaverðs hækkaði um 0,09% á milli mánaða í febrúar. Árshækkun vísitölunnar mælist nú 2,4% og er óbreytt á milli mánaða. Síðustu fjóra mánuði hafa íbúðaverðshækkanir á ársgrundvelli verið minni en hækkanir á almennu verðlagi. Vísitala leiguverðs hækkaði um 1,2% á milli mánaða í febrúar. Ársbreyting vísitölunnar mælist nú 5,2%.
- S&P staðfesti A- lánshæfiseinkunn Landsvirkjunar. Jafnframt hækkaði matsfyrirtækið horfur úr stöðugum í jákvæðar.
- Seðlabankar Bandaríkjanna, Evrópu, Englands, Svíþjóðar og Sviss héldu vöxtum óbreyttum.
- Íþaka fasteignir, Reykjastræti og Alvotech birtu uppgjör.
- Lánamál ríkisins og Festi luku sölu á víxlum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
4. ágúst 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
4. ágúst 2026
Gistinóttum á hótelum fækkaði um 0,4% á milli ára í júní. Seðlabanki Bandaríkjanna og Englandsbanki héldu báðir vöxtum óbreyttum í síðustu viku.
27. júlí 2026
Verðbólga jókst úr 5,2% í 5,3% í júlí. Áfram sjást merki um hægagang á fasteignamarkaði en fjölda kaupsamninga um íbúðarhúsnæði hefur fækkað á milli ára á sama tíma og fjöldi íbúða til sölu hefur aukist.
23. júlí 2026
Vísitala neysluverðs hækkaði um 0,36% á milli mánaða og verðbólga hækkar því úr 5,2% í 5,3%. Við spáðum því að verðbólga myndi standa í stað. Að þessu sinni kom enginn undirliður mikið á óvart. Við búumst við að verðbólgan verði áfram yfir 5% næstu þrjá mánuði.
20. júlí 2026
Greiðslukortavelta íslenskra heimila jókst á milli ára, bæði innanlands og erlendis. Verðbólga í Bandaríkjunum lækkaði á milli mánaða, aðallega vegna lægra bensínsverðs.
13. júlí 2026
Ferðamannafjöldinn í júní dróst saman um 4,8% á milli ára og atvinnuleysi mældist 0,6 prósentustigum meira en fyrir ári síðan. Við spáum því að verðbólga í júlí muni mælast óbreytt á milli mánaða og standa í 5,2%.
8. júlí 2026
Við spáum því að verðbólga mælist 5,2% í júlí. Sumarútsölur og lægra bensínverð hafa áhrif til lækkunar í mánuðinum. Flugfargjöld til útlanda munu aftur á móti hafa mest áhrif til hækkunar gangi spá okkar eftir. Við teljum líklegt að verðbólga mælist yfir forsenduákvæði kjarasamninga í næsta mánuði.
6. júlí 2026
Gistinóttum erlendra ferðamanna fjölgaði milli ára í maí, en gistinóttum Íslendinga fækkaði. Færri ný störf urðu til í Bandaríkjunum í júní en búist var við og verðbólga á evrusvæðinu í júní var lægri en búist var við.
1. júlí 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
29. júní 2026
Verðbólga jókst úr 5,1% í 5,2% í júní. Flugfargjöld til útlanda hækkuðu töluvert meira en við gerðum ráð fyrir, en þau eru nú 28% hærri en á sama tíma í fyrra.