20. maí 2019
Vikan framundan
- Á þriðjudaginn birtir Þjóðskrá vísitölu íbúðaverðs á höfuðborgarsvæðinu. Skeljungur birtir árshlutauppgjör.
- Við teljum að peningastefnunefnd Seðlabankans ákveði að lækka vexti um 0,25 prósentur á næsta fundi nefndarinnar, en ákvörðun nefndarinnar verður birt á miðvikudag. Samhliða ákvörðuninni verða Peningamál 2019/2, með uppfærðri verðbólgu- og þjóðhagsspá, birt. Þennan dag birtir Festi árshlutauppgjör.
- Á fimmtudag birtir Eimskip árshlutauppgjör. Hagstofan birtir niðurstöður úr mánaðarlegri vinnumarkaðsrannsókn sinni.
Mynd vikunnar
Eftir samfelldan hagvöxt frá og með árinu 2011 er komið að tímamótum í hagsveiflunni. Í kjölfar áfalla í ferðaþjónustu og sjávarútvegi er nú útlit fyrir efnahagssamdrátt á yfirstandandi ári. Samdrátturinn verður að okkar mati lítill og skammvinnur.
Sjá nánar um þjóðhags- og verðbólguspá Landsbankans
Það helsta frá síðustu viku
- Seðlabankinn birti könnun á væntingum markaðsaðila.
- Reitir, Sýn, TM, Sjóvá, Hagar og Heimavellir birtu árshlutauppgjör.
- Vinnumálastofnun birti skráð atvinnuleysi í apríl.
- Hagstofan birti veltu í virðisaukaskattskyldri starfsemi, aflamagn í apríl og skammtímahagvísa í ferðaþjónustu.
- Seðlabankinn birti talnaefni um greiðslumiðlun í apríl.
- Ferðmálastofa hélt hádegiskynningu um fjölda og dreifingu ferðamanna 2018.
- Arion banki lauk víxlaútboð, Íslandsbanki lauk víxlaútboði, Íslandsbanki lauk útboði sértryggðra skuldabréfa, Landsbankinn lauk útboði sértryggðra skuldabréfa
- Matsfyrirtækið S&P staðfesti A/A-1 lánshæfiseinkunnir ríkissjóðs í erlendri mynt.
Hagtölur og markaðsupplýsingar
Þú gætir einnig haft áhuga á
1. júlí 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. júní 2025
Verðbólga jókst úr 3,8% og mældist 4,2% í júní. Aukin verðbólga skýrist aðallega af auknum þrýstingi á innfluttum vörum en einnig af hækkandi flugfargjöldum og verðhækkun á þjónustu. Þá jókst velta samkvæmt virðisaukaskattsskýrslum um 1,5% að raunvirði í mars og apríl.
27. júní 2025
Verðbólga mældist 4,2% í júní og jókst úr 3,8% frá því í maí. Verðlag hækkaði umfram spár, en við höfðum spáð 3,9% verðbólgu. Aukin verðbólga skýrist aðallega af auknum verðþrýstingi á innfluttum vörum, einkum fötum, skóm og tómstundarvörum, en einnig af hækkandi flugfargjöldum og verðhækkun á þjónustu.
27. júní 2025
Sumarhúsum á Íslandi hefur fjölgað um 45% á síðustu 20 árum. Viðskipti með sumarhús færðust verulega í aukana á tímum faraldursins. Fyrst eftir faraldurinn hægðist um en nú virðist aftur hafa glaðnað yfir markaðnum.
25. júní 2025
Velta samkvæmt virðisaukaskattsskýrslum jókst um 1,5% að raunvirði í mars og apríl og um 5,2% í janúar og febrúar, samkvæmt nýbirtum gögnum Hagstofunnar. Veltugögnin bera þess merki að hagkerfið standi vaxtastigið vel af sér sem er í takt við aukinn hagvöxt í byrjun árs. Það sem af er ári hefur velta aukist mest í sölu og viðhaldi á bílum en einnig má greina aukin umsvif í helstu útflutningsgreinunum: álframleiðslu, sjávarútvegi og ferðaþjónustu.
23. júní 2025
Færri ferðamenn hafa heimsótt Ísland það sem af er ári en á sama tíma í fyrra. Þrátt fyrir það hefur erlend kortavelta aukist á milli ára og það sama má segja um útflutningstekjur af ferðaþjónustu. Við teljum ýmislegt benda til þess að erlendir ferðamenn hafi verið fleiri síðustu mánuði en talning Ferðamálastofu segir til um.
23. júní 2025
Vísitala íbúðaverðs lækkaði um 0,45% á milli mánaða í maí. Vísitalan lækkaði þar með í fyrsta sinn á þessu ári og ársbreytingin hefur ekki verið jafn lítil frá því í byrjun síðasta árs. Áfram er kraftur í kortaveltu Íslendinga, ekki síst erlendis.
19. júní 2025
Kortavelta jókst um 6,8% á milli ára í maí að raunvirði þar af jókst hún um 21% erlendis. Það sem af er ári hefur kortavelta aukist um 5,5% frá sama tímabili í fyrra, að teknu tilliti til verðlags og gengis. Íslendingar hafa aldrei farið í fleiri utanlandsferðir í maímánuði en nú í ár. Greiðslukortajöfnuður var neikvæður um 4,2 ma.kr. sem er töluvert meiri halli en í maí í fyrra.
16. júní 2025
Í síðustu viku fór fram uppgjör við eigendur HFF-bréfa. Erlendum ferðamönnum fjölgaði aðeins á milli ára í maí og atvinnuleysi jókst á milli ára. Í vikunni fram undan birtir HMS vísitölu íbúðaverðs, vísitölu leiguverðs og mánaðarskýrslu.
12. júní 2025
Við spáum því að verðbólga aukist lítillega í júní og mælist 3,9%. Verðbólga helst líklega nær óbreytt í sumar en eykst svo aðeins með haustinu, þegar einskiptisliðir vegna skólagjalda og skólamáltíða detta út úr tólf mánaða taktinum. Við gerum áfram ráð fyrir 4,0% verðbólgu í árslok.