Vikubyrjun 2. mars
Samkvæmt bráðabirgðamati Hagstofu Íslands mældist 1,9% hagvöxtur á síðasta ári. Skýrist hagvöxturinn fyrst og fremst af því að innflutningur dróst verulega saman milli ára. Bæði þjóðarútgjöld (sem er samtala einkaneyslu, samneyslu og fjármunamyndunar) og hagvöxtur á mann stóðu hins vegar nokkurn veginn í stað milli ára.
2. mars 2020
Vikan framundan
- Klukkan 9 í dag birtir Seðlabankinn greiðslujöfnuð á 4. ársfj. og erlenda stöðu þjóðarbúsins í lok fjórðungsins.
- Á fimmtudag birtir Seðlabankinn fjármálareikninga fjármálafyrirtækja.
- Á föstudag birtir Seðlabankinn útreikning á raungengi.
Mynd vikunnar
Samkvæmt bráðabirgðatölum Hagstofu Íslands mældist 1,9% hagvöxtur á síðasta ári. Þrátt fyrir töluverðan hagvöxt voru umsvif í hagkerfinu engu að síður að dragast saman sem sést á að þjóðarútgjöld lækkuðu um 0,1% milli ára og hagvöxtur á hvern íbúa var neikvæður um 0,3%. Hagvöxturinn á síðasta ári skýrist því fyrst og fremst af miklum samdrætti í innflutningi.
Það helsta frá vikunni sem leið
- Vísitala neysluverðs hækkaði um 0,92% milli mánaða í febrúar og mælist verðbólgan nú 2,4% samanborið við 1,7% í janúar.
- Samkvæmt fyrsta bráðabirgðamati Hagstofunnar mældist 1,9% hagvöxtur á síðasta ári.
- Afgangur af vöru- og þjónustuviðskiptum nam 43,9 mö. kr. á 4. ársfjórðungi 2019. Þetta er metafgangur af vöru- og þjónustuviðskiptum á fjórða ársfjórðungi hvort sem hann er mældur á föstu gengi krónunnar eða gengi hvers tíma.
- Eftirfarandi félög birtu ársuppgjör:
- Ferðamálastofa birti mánaðarlega skýrslu sína um ferðaþjónustuna í tölum.
- Íslendingar virðast hafa eytt örlítið meiru í janúar í ár en í fyrra. Alls jókst greiðslukortavelta um 2,1% að raunvirði milli ára.
- Greiðslukortavelta erlendra ferðamanna dróst saman um 2,8% milli ára í fyrra.
- Þrátt fyrir mun minni launabreytingar en á síðustu árum er kaupmáttur enn að aukast.
- Húsnæðisverð og krónan voru helstu áhrifaþættir verðbólgunnar síðustu ár.
- Samkvæmt vinnumarkaðsrannsókn Hagstofu Íslands var atvinnuleysi 3,4% í janúar.
- Lykill lauk skuldabréfaútboði, Lánamál ríkisins luku útboði ríkisvíxla og Reitir luku stækkun á skuldabréfaflokki.
Hagtölur og markaðsupplýsingar
Þú gætir einnig haft áhuga á
30. maí 2025
2,6% hagvöxtur mældist á fyrsta ársfjórðungi þessa árs, samkvæmt fyrsta mati Hagstofunnar sem var birt í morgun. Samkvæmt endurskoðuðum þjóðhagsreikningum mældist 0,7% samdráttur á síðasta ári en ekki 0,5% hagvöxtur eins og áður var áætlað.
28. maí 2025
Verðbólga mældist 3,8% í maí og hjaðnar úr 4,2% frá því í apríl. Verðbólga var örlítið undir okkar spá, einkum vegna þess að flugfargjöld til útlanda lækkuðu nokkuð á milli mánaða. Við eigum von á að verðbólga fari lægst í 3,6% í júlí, en hækki síðan aftur upp í 3,8% í ágúst.
27. maí 2025
Á síðustu mánuðum hefur smám saman hægt á hækkunartakti launa eftir ríflegar launahækkanir síðustu ár. Launahækkanir eru þó enn langt umfram verðbólgu og gera má ráð fyrir að kaupmáttur haldi áfram að aukast næstu misseri. Óvissa um launaþróun minnkaði eftir að langtímakjarasamningar náðust á stærstum hluta vinnumarkaðar, en líkt og í kjarasamningum síðustu ára eru hækkanir mismiklar eftir hópum.
26. maí 2025
Peningastefnunefnd Seðlabanka Íslands lækkaði vexti um 0,25 prósentur í síðustu viku. HMS birti vísitölu íbúðaverðs, en árshækkun vísitölunnar lækkaði úr 8,0% í 7,6%. Í þessari viku birtir Hagstofan verðbólgumælingu fyrir maí, en við spáum því að verðbólgan hjaðni úr 4,2% í 3,9%.
22. maí 2025
Vísitala íbúðaverðs hækkaði um 0,45% á milli mánaða í apríl. Árshækkun vísitölu íbúðaverðs hefur lækkað síðustu þrjá mánuði og mælist nú 7,6%. Raunverð íbúða er töluvert hærra núna en fyrir ári síðan. Undirrituðum kaupsamningum hefur fækkað á milli ára síðustu þrjá mánuði, eftir að hafa fjölgað sífellt frá september 2023, ef frá er talinn desember síðastliðinn.
19. maí 2025
Kortavelta Íslendinga jókst verulega í apríl, sérstaklega erlendis þar sem hún var 32,8% meiri en í apríl í fyrra að raunvirði. Íslendingar hafa aldrei farið í jafnmargar utanlandsferðir í einum mánuði og í apríl síðastliðnum. Nýlegar vísbendingar um aukinn eftirspurnarþrýsting draga enn frekar úr líkum á vaxtalækkun á miðvikudaginn, en við spáum því að vöxtum verði haldið óbreyttum fram í ágúst.
16. maí 2025
Kortavelta jókst um 9,4% á milli ára í apríl að raunvirði og erlendis jókst hún um 32,8%. Íslendingar hafa aldrei farið í fleiri utanlandsferðir í einum mánuði en í apríl síðastliðnum, samkvæmt gögnum Ferðamálastofu. Nýbirtar kortaveltutölur renna enn frekari stoðum undir spá um að stýrivöxtum verði haldið óbreyttum í næstu viku. Neysla landsmanna hefur haldið dampi þrátt fyrir hátt vaxtastig og við teljum horfur á að einkaneysla aukist smám saman á næstu árum.
15. maí 2025
Við spáum því að verðbólga lækki úr 4,2% í 3,9% í maí. Horfur eru á að verðbólga hjaðni lítillega í sumar en aukist aftur með haustinu þegar einskiptisliðir vegna skólagjalda og skólamáltíða detta úr 12 mánaða taktinum. Við gerum ráð fyrir 4,0% verðbólgu í árslok.
15. maí 2025
Við spáum því að peningastefnunefnd geri hlé á vaxtalækkunarferlinu og haldi stýrivöxtum óbreyttum í næstu viku. Verðbólga jókst umfram væntingar í apríl og verðbólguvæntingar hafa haldist tiltölulega stöðugar. Þá virðist hagkerfið þola vaxtastigið vel, kortavelta hefur aukist sífellt síðustu mánuði og enn er þó nokkur velta á íbúðamarkaði. Peningalegt taumhald losnaði með aukinni verðbólgu í apríl og við teljum ólíklegt að peningastefnunefnd þyki tímabært að lækka raunstýrivexti enn frekar.
12. maí 2025
Brottfarir um Keflavíkurflugvöll hafa aldrei verið jafnmargar í aprílmánuði eins og í apríl síðastliðnum og erlendir ferðamenn voru 6,5% fleiri en í apríl í fyrra. Skráð atvinnuleysi var 3,9% í apríl og minnkaði um 0,3 prósentustig frá því í mars. Seðlabanki Bandaríkjanna hélt stýrivöxtum óbreyttum en Englandsbanki lækkaði stýrivexti um 0,25 prósentustig. Báðar ákvarðanir voru í takt við væntingar.