18. október 2021 - Greiningardeild
Vikan framundan
- Við kynnum nýja þjóðhags- og verðbólguspá á miðvikudag. Hér er hægt að skrá sig á fundinn.
- Á þriðjudag birtir Þjóðskrá vísitölu íbúðaverðs á höfuðborgarsvæðinu og Hagar birta uppgjör.
- Á miðvikudag birta Icelandair og Marel uppgjör sín og Seðlabankinn birtir fundargerð peningastefnunefndar.
- Á fimmtudag birta Origo og VÍS uppgjör.
- Á föstudag birtir Hagstofan launavísitöluna fyrir september.
Mynd vikunnar
108 þúsund erlendir ferðamenn fóru um Leifsstöð í september, sem er um 40% færri ferðamenn en í september 2019. Velta erlendra greiðslukorta hér á landi í september var hins vegar einungis 9% lægri en í september 2019 (á föstu gengi). Samkvæmt bráðabirgðatölum Hagstofunnar var heildarfjöldi gistinótta útlendinga hér á landi í september um 30% lægri en í september 2019.
Efnahagsmál
- Í síðustu viku fóru fram verðmælingar fyrir októbermælingu vísitölu neysluverðs. Við spáum því að vísitalan hækki um 0,6% milli mánaða og að verðbólgan hækki úr 4,4% í 4,5%.
- 108 þúsund erlendir ferðamenn fóru um Leifsstöð í september. Þetta eru um 40% færri ferðamenn en í september 2019. Sem fyrr voru það Bandaríkjamenn (28% af heildarfjölda) sem voru fjölmennasti hópurinn, en þar á eftir komu Þjóðverjar (13%), Bretar (6,1%) og Frakkar (6%).
- Seðlabankinn birti fyrir helgi tölur um greiðslumiðlun í september. Velta innlendra greiðslukorta jókst um 5% milli ára (fast gengi og verðlag), þar af dróst velta í verslun innanlands saman um 4,3% milli ára en velta erlendis jókst um 85% milli ára. Heildarvelta erlendra greiðslukorta hér á landi var 19,4 ma. kr. í samanburði við 2,3 ma. kr. í september 2020.
- Ferðmálastofa birti samantektina ferðaþjónustan í tölum sumar 2021.
- Hagdeild HMS birti mánaðarskýrslu fyrir október.
- Seðlabankinn birti talnaefni um gjaldeyrisforða og tengda liði.
- Hagstofan birti lokatölur um vöruviðskipti 2020, afla í september og skammtímahagvísa ferðaþjónustu.
Fjármálamarkaðir
- Landsbankinn og Reykjavíkurborg héldu skuldabréfaútboð.
- Arion banki og Íslandsbanki birtu afkomuviðvaranir.
- Lánamál ríkisins birtu Markaðsupplýsingar.
Hagtölur og markaðsupplýsingar
Þú gætir einnig haft áhuga á
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.
28. sept. 2026
Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.
21. sept. 2026
Þrátt fyrir minna flugframboð til og frá landinu hefur ferðamönnum aðeins fækkað um 1%, það sem af er ári. Tengifarþegum hefur aftur á móti fækkað og Íslendingar hafa farið í færri utanlandsferðir í ár en í fyrra. Nýlegar kortaveltutölur benda til þess að neysla ferðamanna hafi tekið við sér yfir sumarið og að áhrif sólmyrkvans hafi fremur birst í aukinni neyslu en fjölgun gesta.
21. sept. 2026
Greiðslukortavelta heimilanna dróst saman um 1,2% á milli ára í ágúst, að teknu tilliti til verðlags og gengis. Íbúðaverð hækkaði lítillega í ágúst, en leiguverð lækkaði eftir að hafa hækkað sex mánuði í röð.
18. sept. 2026
Kortavelta Íslendinga, að teknu tilliti til verðlags og gengis, dróst saman í ágúst og samdrátturinn hefur ekki mælst meiri síðan á síðari hluta árs 2023. Innanlands eyddu Íslendingar minna en á sama tíma í fyrra og vöxturinn í neyslu erlendis var minni en á síðustu mánuðum.
17. sept. 2026
Við spáum því að vísitala neysluverðs hækki um 0,23% í september og að ársverðbólga aukist úr 5,6% í 5,8%. Eldsneytisverð hækkaði skarpt um mánaðamótin þegar tímabundin lækkun virðisaukaskatts féll úr gildi. Á móti kemur að flugfargjöld til útlanda lækka í takt við árstíðasveiflu. Hærri komugjöld á heilsugæslu og gjöld vegna skimunar munu svo einnig hafa áhrif í mánuðinum.
14. sept. 2026
Fjöldi erlendra ferðamanna sem komu til landsins í ágúst stóð nánast í stað á milli ára, en utanlandsferðum Íslendinga fækkaði um 10% á sama tíma. Í síðustu viku birti fjármálaráðherra fjárlagafrumvarp fyrir næsta ár. Í vikunni fáum við vísitölu íbúðaverðs og gögn um kortaveltu í ágúst.
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.