16. maí 2022 - Greiningardeild
Vikan framundan
- Á mánudaginn birta Reitir ársfjórðungsuppgjör.
- Á þriðjudaginn birtir Þjóðskrá vísitölu íbúðaverðs á höfuðborgarsvæðinu auk þess sem Iceland Seafood birtir ársfjórðungsuppgjör.
- Á miðvikudag birtir Seðlabankinn fundargerð Peningastefnunefndar og vísitala leiguverðs verður birt.
Mynd vikunnar
Mikil umferð var um Keflavíkurflugvöll í apríl, en alls fóru um 103 þúsund erlendir farþegar um flugvöllinn og 58 þúsund Íslendingar samkvæmt talningu Ferðamálastofu. Um er að ræða fjórða fjölmennasta aprílmánuð frá því mælingar hófust en brottfarir erlendra farþega í apríl nú eru um 8 þúsund fleiri en í apríl 2016. Frá áramótum hafa 347 þúsund erlendir farþegar farið frá Keflavíkurflugvelli. Þó er enn langt í land að ná þeim fjölda sem var fyrir Covid-faraldurinn en á sama tímabili árið 2019 höfðu 578 þúsund erlendir farþegar flogið frá Keflavíkurflugvelli.
Efnahagsmál
- Skráð atvinnuleysi í apríl var 4,5% og dróst saman milli mánaða, úr 4,9% í mars. Alls voru 9.076 atvinnulausir í lok apríl, 5.051 karlar og 4.025 konur, en atvinnuleysi mælist lægra nú en fyrir faraldurinn. Vinnumálastofnun spáir því að atvinnuleysi muni minnka í maí og verða á bilinu 4,0% til 4,3%.
- Ferðamálastofa birti talningu á fjölda erlends ferðafólks um Keflavíkurflugvöll í apríl, en samkvæmt talningunni töldu brottfarir erlendra farþega í apríl um 103 þúsund.
- Heildarvelta innlendra greiðslukorta jókst um 4,8% á milli mánaða sem skiptist þannig að velta debetkorta nam 45,0 mö.kr. og velta kreditkorta nam 57,1 ma.kr.
- Við spáum tæplega 0,8% hækkun vísitölu neysluverðs (VNV) milli apríl og maí, gangi spáin eftir fer 12 mánaða verðbólga úr 7,2% í 7,6%.
Fjármálamarkaðir
- Sýn, Kvika banki og Eimskip birtu árshlutauppgjör fyrir fyrsta ársfjórðung.
- PLAY birti flutningstölur fyrir apríl.
- Lánamál ríkisins gáfu út markaðsupplýsingar í maí.
- Íslandsbanki lauk útboði sértryggðra skuldabréfa.
Hagtölur og markaðsupplýsingar
Þú gætir einnig haft áhuga á
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.
28. sept. 2026
Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.
21. sept. 2026
Þrátt fyrir minna flugframboð til og frá landinu hefur ferðamönnum aðeins fækkað um 1%, það sem af er ári. Tengifarþegum hefur aftur á móti fækkað og Íslendingar hafa farið í færri utanlandsferðir í ár en í fyrra. Nýlegar kortaveltutölur benda til þess að neysla ferðamanna hafi tekið við sér yfir sumarið og að áhrif sólmyrkvans hafi fremur birst í aukinni neyslu en fjölgun gesta.
21. sept. 2026
Greiðslukortavelta heimilanna dróst saman um 1,2% á milli ára í ágúst, að teknu tilliti til verðlags og gengis. Íbúðaverð hækkaði lítillega í ágúst, en leiguverð lækkaði eftir að hafa hækkað sex mánuði í röð.
18. sept. 2026
Kortavelta Íslendinga, að teknu tilliti til verðlags og gengis, dróst saman í ágúst og samdrátturinn hefur ekki mælst meiri síðan á síðari hluta árs 2023. Innanlands eyddu Íslendingar minna en á sama tíma í fyrra og vöxturinn í neyslu erlendis var minni en á síðustu mánuðum.
17. sept. 2026
Við spáum því að vísitala neysluverðs hækki um 0,23% í september og að ársverðbólga aukist úr 5,6% í 5,8%. Eldsneytisverð hækkaði skarpt um mánaðamótin þegar tímabundin lækkun virðisaukaskatts féll úr gildi. Á móti kemur að flugfargjöld til útlanda lækka í takt við árstíðasveiflu. Hærri komugjöld á heilsugæslu og gjöld vegna skimunar munu svo einnig hafa áhrif í mánuðinum.
14. sept. 2026
Fjöldi erlendra ferðamanna sem komu til landsins í ágúst stóð nánast í stað á milli ára, en utanlandsferðum Íslendinga fækkaði um 10% á sama tíma. Í síðustu viku birti fjármálaráðherra fjárlagafrumvarp fyrir næsta ár. Í vikunni fáum við vísitölu íbúðaverðs og gögn um kortaveltu í ágúst.
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.