Vikubyrjun 16. apríl 2018
Seðlabankinn birti í síðustu viku úttekt á stöðu fjármálakerfisins. Að mati Seðlabankans er áhætta í fjármálakerfinu innan hóflegra marka og staða lántakenda hefur ekki verið betri í langan tíma. Skuldir heimila og fyrirtækja eru þó farnar að vaxa en skuldir heimilanna jukust um 3% að raunvirði á árinu 2017. Skuldir með veði í íbúðahúsnæði jukust um 3,4% að raunvirði, en aðrar skuldir drógust saman. Skuldir með veði í fasteignum hafa aukist milli ára í fimm samfellda fjórðunga, en þessar skuldir höfðu áður dregist saman frá árinu 2010.
16. apríl 2018
Vikan framundan
- Á morgun birtir Þjóðskrá vísitölu íbúðaverðs á höfuðborgarsvæðinu.
Mynd vikunnar
Skuldir heimilanna jukust um 3% að raunvirði á árinu 2017. Skuldir með veði í íbúðahúsnæði jukust nokkuð meira, eða 3,4% að raunvirði, en aðrar skuldir drógust saman. Skuldir með veði í fasteignum hafa aukist milli ára í fimm samfellda fjórðunga, en þessar skuldir höfðu áður dregist saman frá árinu 2010.
Það helsta frá vikunni sem leið
- Seðlabankinn birti fyrri fjármálastöðugleikaskýrslu ársins.
- Við búumst við því að verðbóga fari aftur undir markmið þegar Hagstofan birtir aprílmælingu vísitölu neysluverðs.
- Fjöldi erlendra ferðamanna um Leifsstöð jókst um 3% milli ára í mars.
- Skráð atvinnuleysi var 2,4% í mars
- VÍS birti afkomuviðvörun.
- Mikil hækkun hefur verið á fasteignaverði í stærri bæjum á landsbyggðinni.
- Flest viðskipti með íbúðarhúsnæði innan ársins milli 2003 og 2017 voru í október.
- Fjárfesting í ferðaþjónustu síðustu ár er margföld á við meðalár.
- Verslunarmannafélag Reykjavíkur birti efnahagsyfirlit.
- Hagstofan birti fjármálareikninga fyrir 2016.
- Akureyrarbær og Snæfellsbær birtu ársreikninga.
- Lánamál ríkisins birtu mánaðarlegt markaðsupplýsingarit sitt.
- Lánamál ríkisins luku útboði óverðtryggðra ríkisbréfa.
Hagtölur og markaðsupplýsingar
Þú gætir einnig haft áhuga á
21. okt. 2026
Framboð íbúða hefur aukist og dregið hefur úr eftirspurn. Við gerum ráð fyrir að íbúðamarkaður verði rólegur og að verðhækkanir verða hóflegar á næstu misserum. Raunverð íbúða hefur lækkað ellefu mánuði í röð miðað við vísitölu neysluverðs án húsnæðis. Við gerum ráð fyrir samdrætti í íbúðafjárfestingu í ár og á næsta ári.
19. okt. 2026
Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.