15. nóvember 2021 - Greiningardeild
Vikan framundan
- Í dag birta Reitir uppgjör.
- Á þriðjudag birtir Seðlabankinn tölur um greiðslukortaveltu og Þjóðskrá birtir vísitölu íbúðaverðs á höfuðborgarsvæðinu.
- Á miðvikudag er vaxtákvörðun hjá Seðlabanka Íslands og við eigum von á 0,25 prósentustiga hækkun. Samhliða ákvörðuninni birtir Seðlabankinn nóvemberhefti Peningamála með nýrri þjóðhags- og verðbólguspá.
- Á fimmtudag birta Brim og Iceland Seafood uppgjör.
- Á föstudag birtir Hagstofan þjóðhagsspá.
Mynd vikunnar
Samkvæmt útreikningum Orkuskiptanefndarinnar (e. Energy Transition Commission) mun losun Co2 nema 43-45 gígatonnum árið 2030 miðað við óbreytt ástand. Framkomin loforð einstakra ríkja ættu að duga til að losunin verði 40 gígatonn 2030. Til þess að markmiðið um takmörkun hitastigs á jörðinni náist þarf losunin hins vegar að fara niður í 19-24 gígatonn. Það vantar því um 17 gígatonna minnkun til þess að markmið náist árið 2030.
Orkuskiptanefnd hefur lagt fram tillögu um hvernig hægt er að ná þessum markmiðum, en tillagan er sambland af samkomulagi um að stöðva eyðingu skóga og endurreisn ýmissa þátta í náttúrunni, minni notkun á kolum, minni umferð á vegum, minni losun vegna framleiðslu og aukna skilvirkni og hagkvæmni í orkunotkun. Sjá nánar Hagsjá: Árangur í loftslagsmálum – leiðin er til og möguleg en dýr og flókin.
Efnahagsmál
- Í síðustu viku fóru fram verðmælingar vegna nóvembermælingar vísitölu neysluverðs, en Hagstofan birtir hana fimmtudaginn 25. nóvember. Við spáum því að vísitalan hækki um 0,5% milli mánaða og að ársverðbólgan hækki úr 4,5% í 5%.
- Skráð atvinnuleysi var 4,9% í október og lækkaði um 0,1 prósentustig milli mánaða. Atvinnuleysið náði hámarki í janúar þegar það var 11,6% og hefur því lækkað um 6,7 prósentustig síðan. Sem fyrr var atvinnuleysi hæst á Suðurnesjum og lægst á Norðurlandi vestra.
- Alls fóru 103 þúsund erlendir ferðamenn um Leifsstöð í október sem eru 37% færri en í október 2019. Það sem af er ári hafa 548 þúsund erlendir farþegar farið um Leifsstöð sem er fækkun um 68% miðað við sama tímabil 2019.
- Seðlabankinn birti niðurstöður úr væntingakönnun markaðaðila sem fór fram í byrjun mánaðarins. Miðað við miðgildi svara vænta markaðsaðilar þess að verðbólga nái hámarki núna á 4F 2021 en lækki strax á næsta fjórðungi og verði komin í 3,0% á 4F 2022. Engin breyting var frá könnuninni fyrir þremur mánuðum á miðgildi væntinga á meðalverðbólgu fyrir næstu fimm ár eða næstu tíu ár.
- Hagdeild HMS birti mánaðarskýrslu.
- Hagstofan birti tilraunatölfræði um gistinætur í október og eldsneytissölu á 3. ársfjórðungi.
Fjármálamarkaðir
- Eimskip og Kvika banki (fjárfestakynning) birtu uppgjör í síðustu viku.
- Icelandair birti flutningstölur fyrir október.
- Landsbankinn og Reykjavíkurborg héldu skuldabréfaútboð.
- Við birtum mánaðarlegt yfirlit yfir gjaldeyrismarkaðinn í október.
- Lánamál ríkisins birtu mánaðarlega rit sitt Markaðsupplýsingar.
Hagtölur og markaðsupplýsingar
Þú gætir einnig haft áhuga á
17. nóv. 2025
Skráð atvinnuleysi var 3,9% í október, 0,5 prósentustigum meira en í sama mánuði í fyrra. Brottförum erlendra ferðamanna um Keflavíkurflugvöll fækkaði um 6,2% í október en utanlandsferðum Íslendinga fjölgaði um 3%. Peningastefnunefnd kemur saman á miðvikudaginn og við búumst við að stýrivöxtum verði haldið óbreyttum.
14. nóv. 2025
Við spáum því að peningastefnunefnd haldi stýrivöxtum óbreyttum í næstu viku. Verðbólga jókst umfram væntingar í október og verðbólgumælingin bar þess merki að undirliggjandi verðþrýstingur hefði aukist. Í ljósi breytts lánaframboðs og óviðbúinna áfalla í útflutningsgeirunum má líkast til búast við mildari tón frá peningastefnunefnd.
13. nóv. 2025
Við spáum því að verðbólga standi óbreytt á milli mánaða og mælist 4,3% í nóvember. Flugfargjöld til útlanda verða til lækkunar á vísitölunni, en reiknuð húsaleiga og matarkarfan verða til hækkunar. Við búumst við aukinni verðbólgu á næstu mánuðum.
10. nóv. 2025
Raungengi krónunnar er mjög hátt í sögulegu samhengi en hefur gefið lítillega eftir á allra síðustu dögum. Horfur í álútflutningi eru dræmar eftir bilun hjá Norðuráli og aflaheimildir gefa fyrirheit um samdrátt í útflutningi sjávarafurða. Ferðaþjónusta hefur vaxið umfram væntingar það sem af er ári og telja má horfur á vexti í nýjustu útflutningsstoðum Íslands. Velta samkvæmt VSK-skýrslum hefur þróast með svipuðum hætti í útflutningsgeiranum og í innlenda hagkerfinu, en ávöxtun hlutabréfa félaga í kauphöllinni með tekjur í erlendri mynt er mun lakari en fyrirtækja með tekjur í íslenskum krónum.
10. nóv. 2025
Fáar áhugaverðar hagtölur voru birtar í síðustu viku, en í þessari viku birtir Vinnumálastofnun skráð atvinnuleysi og Ferðamálastofa birtir ferðamannatölur. Uppgjörstímabilið fyrir þriðja ársfjórðung er í fullum gangi.
6. nóv. 2025
Hátt vaxtastig og ströng lánþegaskilyrði hafa slegið verulega á verðhækkanir á íbúðamarkaði. Á sama tíma hefur fjöldinn allur af nýjum íbúðum risið og sölutími þeirra lengst til muna. Eftir að dómur Hæstaréttar í vaxtamálinu féll hafa viðskiptabankarnir tekið lánaframboð til endurskoðunar og það sama má segja um suma lífeyrissjóðina. Seðlabankinn ákvað í síðustu viku að slaka lítillega á lánþegaskilyrðum.
3. nóv. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. nóv. 2025
Verðbólga jókst umfram væntingar í október og mældist 4,3%. Svo mikil hefur verðbólga ekki verið síðan í febrúar síðastliðnum. Telja má áhyggjuefni að aukin verðbólga skýrist ekki af tilfallandi sveiflukenndum liðum heldur virðist undirliggjandi verðþrýstingur hafa aukist. Í þessari viku halda félög áfram að birta uppgjör og hugsanlega má búast við fleiri púslum í breytta mynd af framboði íbúðalána í kjölfar vaxtamálsins.
31. okt. 2025
Eftirspurn eftir vinnuafli hefur minnkað og dregið hefur úr hækkun launa. Atvinnuleysi hefur aukist smám saman og rólegri taktur í atvinnulífinu hefur endurspeglast í hægari fólksfjölgun. Kaupmáttur hefur aukist jafnt og þétt og við teljum að þótt hægi á launahækkunum komi kaupmáttur til með að aukast áfram á næstu árum. Mikill kraftur er í neyslu landsmanna, kortavelta eykst sífellt og Íslendingar hafa aldrei farið í fleiri utanlandsferðir.
30. okt. 2025
Vísitala neysluverðs hækkaði um 0,47% á milli mánaða í október og verðbólga jókst úr 4,1% í 4,3%. Vísitala neysluverðs hækkaði meira en við bjuggumst við, ekki síst reiknuð húsaleiga og verð á mat og drykk. Skammtímaspá okkar gerir nú ráð fyrir að verðbólga haldist í 4,3% út árið, en aukist svo í janúar og mælist 4,5%.