15. desember 2025
Vikan framundan
- Á þriðjudag birtir HMS vísitölu íbúðaverðs í nóvember.
- Á miðvikudag birtir Seðlabankinn greiðslumiðlun og HMS birtir vísitölu leiguverðs.
- Á fimmtudaginn birtir Hagstofan gistinætur og veltu skv. VSK-skýrslum, HMS birtir mánaðarskýrslu og Ölgerðin birtir afkomutilkynningu.
- Á föstudag birtir Hagstofan vísitölu launa.
Mynd vikunnar
Skráð atvinnuleysi var 4,3% í nóvember, 0,6 prósentustigum meira en á sama tíma í fyrra. Frá febrúar 2024 til september 2025 var atvinnuleysi 0,2-0,4 prósentustigum hærra en atvinnuleysi á sama tíma árið áður, en tók svo að aukast hraðar í október og nóvember. Samkvæmt könnun meðal stjórnenda 400 stærstu fyrirtækja landsins, sem fór fram í nóvember, býst þriðjungur stjórnenda við að fækka starfsfólki næsta hálfa árið en einungis 11% sjá fram á að fjölga starfsfólki. Þetta bendir til þess að atvinnuleysi kunni að aukast áfram á næstu mánuðum.
Það helsta frá vikunni sem leið
- Um 141 þúsund erlendir ferðamenn fóru um Keflavíkurflugvöll í nóvember, um 13% færri en í nóvember í fyrra. Í sumar var töluverður kraftur í ferðaþjónustunni og á tímabilinu frá maí til september fjölgaði ferðamönnum um 7% frá sama tímabili í fyrra. Í kjölfar falls Play í október tók erlendum ferðamönnum að fækka á milli ára. Frá ársbyrjun hefur ferðamönnum nú fjölgað um 0,7%. Íslendingar halda áfram að ferðast til útlanda eins og enginn sé morgundagurinn, samkvæmt talningu Ferðamálastofu, og utanlandsferðir voru tæplega 20% fleiri en í nóvember í fyrra. Það sem af er ári hafa Íslendingar farið í um 18% fleiri utanlandsferðir en á sama tímabili í fyrra.
- Icelandair flutti 347 þúsund farþega í nóvember sem er 15% fjölgun á milli ára. Þar af fjölgaði farþegum frá Íslandi um 25%, farþegum til Íslands fjölgaði um 7% og tengifarþegum fjölgaði um 18%.
- Hæstiréttur dæmdi skilmála verðtryggðs íbúðaláns hjá Arion banka löglega, stjórn Íslandsbanka barst krafa um hluthafafund og stjórnarkjör og Amaroq birti niðurstöður borrannsókna.
- Heimar, HS Veitur, Íslandsbanki, Landsbankinn, Lánasjóður sveitarfélaga og Reykjastræti seldu skuldabréf.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
11. des. 2025
Við spáum því að vísitala neysluverðs hækki um 0,56% á milli mánaða í desember. Gangi spáin eftir mun verðbólga hækka úr 3,7% í 3,9% í desember. Flugfargjöld til útlanda, reiknuð húsaleiga og lok tilboðsdaga í nóvember verða til hækkunar en bensínverð til lækkunar. Við gerum ráð fyrir að verðbólga verði á bilinu 3,9% til 4,0% næstu mánuði.
8. des. 2025
Talsvert minni afgangur mældist af viðskiptum við útlönd á þriðja ársfjórðungi þessa árs en þess síðasta. Í síðustu viku gaf Seðlabankinn út yfirlýsingu fjármálastöðugleikanefndar og fundargerð peningastefnunefndar. Í þessari viku verða birtar ferðamannatölur og skráð atvinnuleysi fyrir nóvembermánuð.
1. des. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. des. 2025
Óhætt er að segja að verðbólgumælingin í síðustu viku hafi komið á óvart. Verðbólga mældist 3,7% í nóvember og hefur ekki mælst minni í fimm ár. Hagstofan áætlar að landsframleiðsla hafi aukist um 1,2% á þriðja ársfjórðungi. Gistinóttum fjölgaði alls um 1,8% á milli ára í október.
28. nóv. 2025
Landsframleiðsla jókst um 1,2% á þriðja ársfjórðungi og um 1,5% á fyrstu níu mánuðum ársins. Hagvöxtur á þriðja ársfjórðungi var drifinn áfram af innlendri eftirspurn og þjóðarútgjöld jukust um heil 4,7%. Áfram er kraftur í einkaneyslu og fjárfestingu, en auknar birgðir hafa einnig sitt að segja. Innflutningur vegur þungt á móti og framlag utanríkisviðskipta er neikvætt, líkt og á síðustu fjórðungum.
27. nóv. 2025
Verðbólga hjaðnaði úr 4,3% í 3,7% í nóvember og hefur ekki verið minni frá því í desember 2020. Áhrif af afsláttardögum í nóvember komu mun skýrar fram í mælingu Hagstofunnar nú en síðustu ár og flugfargjöld til útlanda lækkuðu mun meira en við bjuggumst við.
24. nóv. 2025
Seðlabankinn lækkaði vexti í síðustu viku með það fyrir augum að stemma stigu við því aukna peningalega aðhaldi sem hefur hlotist af breyttu lánaframboði í kjölfar vaxtadómsins. Auk þess spáir Seðlabankinn nú auknum slaka í hagkerfinu, minni hagvexti og minni verðbólgu en í síðustu spá. Hagstofan birtir verðbólgumælingu nóvembermánaðar á fimmtudaginn og þjóðhagsreikninga fyrir þriðja ársfjórðung á föstudaginn.
21. nóv. 2025
Brottfarir erlendra ferðamanna frá Keflavíkurflugvelli voru 6,2% færri í október en í sama mánuði í fyrra og erlend kortavelta dróst þó nokkuð saman. Líklega hefur fall Play sett mark sitt á mánuðinn. Ef horft er yfir árið í heild hefur gangurinn í ferðaþjónustu verið mun meiri á þessu ári en því síðasta.
17. nóv. 2025
Skráð atvinnuleysi var 3,9% í október, 0,5 prósentustigum meira en í sama mánuði í fyrra. Brottförum erlendra ferðamanna um Keflavíkurflugvöll fækkaði um 6,2% í október en utanlandsferðum Íslendinga fjölgaði um 3%. Peningastefnunefnd kemur saman á miðvikudaginn og við búumst við að stýrivöxtum verði haldið óbreyttum.
14. nóv. 2025
Við spáum því að peningastefnunefnd haldi stýrivöxtum óbreyttum í næstu viku. Verðbólga jókst umfram væntingar í október og verðbólgumælingin bar þess merki að undirliggjandi verðþrýstingur hefði aukist. Í ljósi breytts lánaframboðs og óviðbúinna áfalla í útflutningsgeirunum má líkast til búast við mildari tón frá peningastefnunefnd.