14. febrúar 2022 - Greiningardeild
Vikan framundan
- Í dag birta Reitir ársuppgjör.
- Á þriðjudag birtir Seðlabankinn tölur um greiðslumiðlun fyrir janúar, Þjóðskrá birtir vísitölu íbúðaverðs fyrir janúar og Síminn birtir ársuppgjör.
- Á miðvikudag birtir Sýn ársuppgjör.
- Á fimmtudag birta Eik, Eimskip og Kvika banki ársuppgjör.
Mynd vikunnar
Í síðustu viku birti Seðlabankinn Peningamál með uppfærði þjóðhags- og verðbólguspá. Án efa er stærsta fréttin sú að Seðlabankinn hækkaði spá sína um verðbólgu hér á landi verulega. Í nóvember spáði Seðlabankinn að verðbólga yrði 3,5% í ár en nú spáir bankinn 5,3% verðbólgu. Þetta er ekki séríslenskt, en Alþjóðagjaldeyrissjóðurinn hækkaði líka spár sínar um verðbólgu í iðnríkjum töluvert mikið milli október og janúar.
Efnahagsmál
- Peningastefnunefnd Seðlabanka Íslands hækkaði vexti bankans um 0,75 prósentustig í síðustu viku og eru meginvextir bankans, innlánsvextir á 7 daga bundnum innlánum, 2,75% eftir ákvörðunina. Ákvörðunin var í samræmi við væntingar okkar.
- Í síðustu viku fóru fram verðmælingar vegna febrúarmælingar vísitölu neysluverðs. Við eigum von á að vísitalan hækki um 0,8% milli mánaða og að ársverðbólgan hækki úr 5,7% í 5,8%.
- Samhliða vaxtaákvörðuninni í síðustu viku birti Seðlabankinn febrúarhefti Peningamála með uppfærðri þjóðhags- og verðbólguspá. Stærsta breytingin frá síðustu spá (nóvember 2021) er að í stað þess að gera ráð fyrir að verðbólgan hafi náð hámarki í 4,8% á 4. ársfjórðungi 2021 spáir bankinn nú að verðbólgan nái hámarki í 5,8% á 1. ársfjórðungi 2022 og haldist yfir 5% út 3. ársfjórðung.
- Skráð atvinnuleysi mældist 5,2% í janúar og hækkaði um 0,3 prósentustig milli mánaða. Þetta var í samræmi við væntingar, en atvinnuleysi hækkar alla jafna milli desember og janúar.
- Alls fóru 68 þúsund erlendir ferðamenn um Leifsstöð í janúar. Fjöldinn var tæplega helmingurinn af fjöldanum í janúar 2020, áður en Covid-19 faraldurinn skall á. Fjölmennasti hópurinn voru Bretar (24% brottfara) og Bandaríkjamenn (21% brottfara).
- Samkvæmt bráðabirgðatölum voru gistinætur á hótelum í janúar um 170 þúsund. Þar af voru gistinætur útlendinga 136 þúsund sem er rúmlega helmingur af fjöldi gistinótta í janúar 2020. Gistinætur Íslendinga voru 32 þúsund, sem er mjög svipað og janúar 2020.
- Hagdeild HMS birti mánaðarskýrslu.
- Seðlabankinn birti eftirfarandi hagtölur: Raungengi, krónumarkaður, gjaldeyrismarkaður, efnahagur Seðlabanka Íslands og erlend staða Seðlabankans.
- Hagstofan birti: Laus störf á 4. ársfjórðungi og vöruskiptajöfnuð í janúar.
Fjármálamarkaðir
- Arion banki, Festi (fjárfestakynning), Íslandsbanki, Reginn, Sjóvá og Skeljungur birtu ársuppgjör í síðustu viku.
Íslandsbanki birti árs- og sjálfbærniskýrslu, áhættuskýrslu (Pillar 3) og áhrifaskýrslu. - Fjármála- og efnahagsráðherra fólst á tillögu Bankasýslu ríkisins um sölu frekari eignarhluta í Íslandsbanka.
- Lánamál ríkisins birtu Markaðsupplýsingar.
- Arion banki lauk útboði sértryggðra skuldabréfa.
Hagtölur og markaðsupplýsingar
Þú gætir einnig haft áhuga á
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.
28. sept. 2026
Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.
21. sept. 2026
Þrátt fyrir minna flugframboð til og frá landinu hefur ferðamönnum aðeins fækkað um 1%, það sem af er ári. Tengifarþegum hefur aftur á móti fækkað og Íslendingar hafa farið í færri utanlandsferðir í ár en í fyrra. Nýlegar kortaveltutölur benda til þess að neysla ferðamanna hafi tekið við sér yfir sumarið og að áhrif sólmyrkvans hafi fremur birst í aukinni neyslu en fjölgun gesta.
21. sept. 2026
Greiðslukortavelta heimilanna dróst saman um 1,2% á milli ára í ágúst, að teknu tilliti til verðlags og gengis. Íbúðaverð hækkaði lítillega í ágúst, en leiguverð lækkaði eftir að hafa hækkað sex mánuði í röð.
18. sept. 2026
Kortavelta Íslendinga, að teknu tilliti til verðlags og gengis, dróst saman í ágúst og samdrátturinn hefur ekki mælst meiri síðan á síðari hluta árs 2023. Innanlands eyddu Íslendingar minna en á sama tíma í fyrra og vöxturinn í neyslu erlendis var minni en á síðustu mánuðum.
17. sept. 2026
Við spáum því að vísitala neysluverðs hækki um 0,23% í september og að ársverðbólga aukist úr 5,6% í 5,8%. Eldsneytisverð hækkaði skarpt um mánaðamótin þegar tímabundin lækkun virðisaukaskatts féll úr gildi. Á móti kemur að flugfargjöld til útlanda lækka í takt við árstíðasveiflu. Hærri komugjöld á heilsugæslu og gjöld vegna skimunar munu svo einnig hafa áhrif í mánuðinum.
14. sept. 2026
Fjöldi erlendra ferðamanna sem komu til landsins í ágúst stóð nánast í stað á milli ára, en utanlandsferðum Íslendinga fækkaði um 10% á sama tíma. Í síðustu viku birti fjármálaráðherra fjárlagafrumvarp fyrir næsta ár. Í vikunni fáum við vísitölu íbúðaverðs og gögn um kortaveltu í ágúst.
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.