Vikubyrjun 14. apríl
Skuldir heimila og fyrirtækja sem hlutfall af landsframleiðslu lækkuðu verulega á árunum 2008 til 2015. Síðan hafa skuldir heimila hækkað aðeins. Skuldsetning í erlendum gjaldmiðlum er mun lægri núna en þegar alþjóðlega fjármálakreppan skall á 2008, sem þýðir að fyrirtæki og heimili eru ekki jafn berskjölduð ef gengi krónunnar gefur eftir. Einnig þýðir þetta að miðlun peningastefnunnar ætti að vera skilvirkari.
14. apríl 2020
Vikan framundan
- Á fimmtudag birtir Seðlabankinn tölur um greiðslumiðlun í mars.
- Á föstudag birtir Vinnumálastofnun tölur um skráð atvinnuleysi í mars.
Mynd vikunnar
Skuldir heimila og fyrirtækja sem hlutfall af landsframleiðslu lækkuðu verulega á árunum 2008 til 2015. Síðan hafa skuldir heimila hækkað aðeins. Skuldsetning í erlendum gjaldmiðlum er mun lægri núna en þegar alþjóðlega fjármálakreppan skall á 2008, sem þýðir að fyrirtæki og heimili eru ekki jafn berskjölduð ef gengi krónunnar gefur eftir. Einnig þýðir þetta að miðlun peningastefnunnar ætti að vera skilvirkari. Hins vegar þarf að hafa í huga að meðaltalstölur fela margs konar aðstæður og að staða einstakra heimila og fyrirtækja er nokkuð misjöfn.
Það helsta frá vikunni sem leið
- Erlendum ferðamönnum um Leifsstöð fækkaði um 53% milli ára í mars.
- Farþegum með Icelandair Group fækkaði um 54% milli ára í mars.
- Seðlabankinn birti fundargerð frá fundum peningastefnunefndar 22. og 23. mars þar sem ákveðið var að Seðlabankinn myndi hefja bein kaup á ríkisskuldabréfum.
- Fjármálaeftirlits-, fjármálastöðugleika- og peningastefnunefndir Seðlabanka Íslands sendu frá sér yfirlýsingar í kjölfar funda nefndanna.
- Moody’s birti álit á lánshæfi ríkissjóðs(https://www.stjornarradid.is/library/02-Rit--skyrslur-og-skrar/Credit Opinion - Government-of-Iceland-A2-stable - 07Apr20.pdf).
- Seðlabankinn birti útreikning á raungengi.
- Fyrirhuguð stórkaup hafa ekki mælst lægri síðan í lok árs 2014.
- Alþjóðaferðamálastofnunin gerir ráð fyrir 20-30% samdrætti í ferðalögum í heiminum á þessu ári.
- Hagstofan birti skammtímagögn um greiðslukortaveltu og gistinætur í mars.
- Alþingi hefur samþykkt auknar ábyrgðir ríkissjóðs vegna vanda fyrirtækja.
- Við gerum ráð fyrir lítilli breytingu á VNV í apríl.
- Rannsóknarsetur verslunarinnar birti greiningu á erlendri og innlendri kortaveltu í mars.
- Icelandair birti tilkynningu þess efnis að félagið ætlaði að hefja vinnu við að styrkja fjárhagsstöðu félagsins.
- Fjármála- og efnahagsráðherra ákvað að auka við hlutafé Isavia ohf.
- Reginn hf. birti greinargerð um áhrif Covid-19 á félagið.
- Orkuveita Reykjavíkur ákvað aðgerðir sem fyrirtækið hyggst grípa til vegna Covid-19 faraldursins.
- Ekkert skuldabréfaútboð var í síðustu viku.
Hagtölur og markaðsupplýsingar
Þú gætir einnig haft áhuga á
8. júlí 2024
Hátt vaxtastig hefur hvatt til sparnaðar og hægt á eftirspurn í hagkerfinu. Innlán heimila voru 20% meiri í maí síðastliðnum en í maí í fyrra, samkvæmt nýbirtum Hagvísum Seðlabanka Íslands. Óbundin innlán hafa aukist langmest.
1. júlí 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
1. júlí 2024
Vísitala neysluverðs hækkaði um 0,48% í júní. Verðbólga mældist því 5,8% og lækkaði úr 6,2%. Velta samkvæmt virðisaukaskattsskýrslum í mars og apríl dróst saman um 4,6% að raunvirði og launavísitalan hækkaði um 0,2% í maí, samkvæmt tölum sem Hagstofan birti í síðustu viku.
27. júní 2024
Vísitala neysluverðs hækkaði um 0,48% á milli mánaða í júní og við það lækkaði ársverðbólga úr 6,2% í 5,8%. Reiknuð húsaleiga, hækkandi flugfargjöld til útlanda og verðhækkun á hótelgistingu höfðu mest áhrif til hækkunar á vísitölunni. Á móti lækkaði verð á fötum og skóm, húsgögnum og heimilisbúnaði og ökutækjum á milli mánaða í júní.
25. júní 2024
Velta samkvæmt virðisaukaskattsskýrslum dróst saman um 4,6% að raunvirði í mars og apríl og um 2% í janúar og febrúar samkvæmt nýbirtum gögnum Hagstofunnar. Þróunin er ólík eftir útflutningsgreinum. Ferðaþjónusta eykst lítillega á milli ára, velta í sjávarútvegi og álframleiðslu minnkar en velta í lyfjaframleiðslu eykst til muna.
25. júní 2024
Atvinnuleysi er nú aðeins meira en á sama tíma í fyrra og laun hækka minna. Nýbirt launavísitala sýnir 0,2% hækkun á milli mánaða í maí og hafa laun nú hækkað um 6,7% á síðustu tólf mánuðum. Allar líkur eru á að á þessu ári hækki laun mun minna en á síðasta ári, enda hafa nýir kjarasamningar minni hækkanir í för með sér en þeir síðustu.
24. júní 2024
Vísitala íbúðaverðs hækkaði um 1,4% í maí og vísitala leiguverðs um 3,2% samkvæmt gögnum sem bárust í síðustu viku. Englandsbanki hélt vöxtum óbreyttum á meðan svissneski seðlabankinn lækkaði vexti um 0,25 prósentustig. Eftirtektarverðasta innlenda hagtalan sem birtist í þessari viku er eflaust vísitala neysluverðs sem Hagstofan birtir á fimmtudaginn.
19. júní 2024
Vísitala íbúðaverðs hækkaði um 1,4% á milli mánaða í maí. Nafnverð íbúða er 8,4% hærra en á sama tíma í fyrra og raunverð íbúða er 4% hærra. Undirritaðir kaupsamningar um íbúðir á höfuðborgarsvæðinu voru 150% fleiri í maí á þessu ári en í maí í fyrra.
18. júní 2024
Í síðustu viku fengum við tölur um atvinnuleysi, fjölda ferðamanna og greiðslukortaveltu hér á landi í maí. Seðlabanki Bandaríkjanna hélt vöxtum óbreyttum. Síðar í dag birtir HMS vísitölu íbúðaverðs.
14. júní 2024
Kortavelta íslenskra heimila jókst á milli ára í maí, bæði innanlands og erlendis. Síðustu mánuði hefur kortavelta nær alltaf dregist saman á milli ára en eykst nú meira en hún hefur gert frá því í janúar 2023. Þessi aukna kortavelta vekur athygli í þrálátu hávaxtastigi og samdrætti í hagkerfinu á fyrsta ársfjórðungi.