12. apríl 2021 - Greiningardeild
Vikan framundan
- Í dag birtir Ferðamálastofa talningu á fjölda ferðamanna um Leifsstöð í mars og Vinnumálastofnun birtir skráð atvinnuleysi í mars.
- Á miðvikudag birtir Seðlabankinn fyrri fjármálastöðugleikaskýrslu ársins.
- Á fimmtudag birtir Seðlabankinn tölur um greiðslumiðlun fyrir mars.
- Í þessari viku fara fram verðmælingar vegna aprílgildis vísitölu neysluverðs.
Mynd vikunnar
Í síðustu viku birti AGS spá um þróun heimshagkerfisins næstu ár. Sjóðurinn gerir ráð fyrir að heimshagkerfið hafi dregist saman um 3,3% í fyrra en stækki um 6,0% í ár. Sjóðurinn hækkaði spá sína um hagvöxt í Bretlandi og Bandaríkjunum í ár. Hins vegar gerði sjóðurinn óverulega breytingu á spá sinni um hagvöxt á evrusvæðinu. Þetta endurspeglar bæði að bólusetningar hafa gengið mun hraðar fyrir sig í þeim tveimur löndum en á evrusvæðinu og mótvægisaðgerðir hafa gengið betur.
Það helsta frá síðustu viku
- Samkvæmt væntingarvísitölu Gallup hefur bjartsýni aukist meðal landsmanna.
- Munur á atvinnutekjum eftir menntun hefur farið minnkandi.
- Seðlabankinn birti fundargerð peningastefnunefndar vegna vaxtaákvörðunar 24. mars.
- Seðlabankinn birti ársskýrslu 2020 ásamt ávarpi formanns bankaráðs, ávarpi forsætisráðherra og ræðu seðlabankastjóra frá ársfundi bankans.
- Evrópska ferðamálaráðið birti niðurstöður úr könnun um ferðaáform helstu ferðamannaþjóða Evrópu.
- Hagstofan birti tilraunatölfræði um staðgreiðsluskyldar greiðslur og tölfræði um laus störf á 1. ársfj.
- Seðlabankinn birti útreikning á raungengi og veltutölur á gjaldeyrismarkaði fyrir mars.
- Icelandair birti flutningstölur fyrir mars.
- Sýn undirritaði samning um sölu og endurleigu á hluta af farsímainnviðum félagsins.
- Orkuveita Reykjavíkur lauk útboði grænna skuldabréfa og Lánamál ríkisins luku útboði ríkisbréfa.
Hagtölur og markaðsupplýsingar
Þú gætir einnig haft áhuga á
29. maí 2026
Landsframleiðsla jókst um 2,7% á milli ára að raunvirði á fyrsta fjórðungi ársins. Mest var framlag utanríkisviðskipta til hagvaxtar sem skýrist að mestu af auknum umsvifum gagnavera. Einkaneysla jókst einnig á fjórðungnum þó hægt hafi á vexti hennar.
28. maí 2026
Vísitala neysluverðs hækkaði um 0,07% á milli mánaða og verðbólga lækkar því úr 5,2% í 5,1%. Við höfðum spáð því að verðbólga myndi lækka í 4,9%. Hækkun á flugfargjöldum hafði mest áhrif til hækkunar á ársverðbólgu í mánuðinum en lækkun á virðisaukaskatti á eldsneyti hafði mest áhrif til lækkunar. Án lækkunarinnar á virðisaukaskatti hefði verðbólga mælst 5,5%. Athygli vekur að verð á mat og drykk lækkaði á milli mánaða, annan mánuðinn í röð.
27. maí 2026
Þrátt fyrir minna flugframboð um Keflavíkurflugvöll hafa jafn margir erlendir ferðamenn farið um flugvöllinn fyrstu fjóra mánuði ársins í ár og í fyrra. Á móti fara færri tengifarþegar um flugvöllinn og utanlandsferðir Íslendinga hafa dregist verulega saman. Þó sumarið líti ágætlega út er meiri óvissa um haustið.
26. maí 2026
Peningastefnunefnd hækkaði vexti bankans um 0,25 prósentustig í síðustu viku, líkt og við höfðum spáð. Nú í vikunni koma verðbólgutölur og þjóðhagsreikningar.
20. maí 2026
Peningastefnunefnd hækkaði stýrivexti um 0,25 prósentustig annað skiptið í röð og segist tilbúin til að hækka vexti enn frekar. Efnahagshorfur hafa þó versnað verulega að mati bankans, en verðbólguspá var hækkuð í nýútgefnum Peningamálum og hagvaxtaspá lækkuð auk þess sem gert er ráð fyrir auknu atvinnuleysi. Kólnunin í hagkerfinu mun þó gera það að verkum að hættan á aukinni verðbólgu fram á við er minni.
19. maí 2026
Kortavelta íslenskra heimila dróst verulega saman á milli ára í apríl, eða um alls 5,8% að teknu tilliti til verðlags og gengis. Svo mikill samdráttur hefur ekki mælst síðan í febrúar 2021. Peningastefnunefnd fundar í dag vegna vaxtaákvörðunar á morgun, en við gerum áfram ráð fyrir 0,25 prósentustiga hækkun vaxta.
18. maí 2026
Í vikunni fram undan er vaxtaákvörðun hjá Seðlabanka Íslands og við spáum 0,25 prósentustiga hækkun. Fjöldi ferðamanna á fyrstu fjórum mánuðum ársins var svipaður og á sama tímabil í fyrra samkvæmt tölum sem birtust í síðustu viku. Utanlandsferðum Íslendinga hefur aftur á móti fækkað töluvert. Atvinnuleysi heldur áfram að aukast á milli ára.
13. maí 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga er enn yfir markmiði og verðbólguvæntingar hafa reynst þrálátar. Að okkar mati mun það ráða mestu um að nefndin haldi áfram vaxtahækkunarferlinu sem hófst í mars.
12. maí 2026
Við spáum því að vísitala neysluverðs lækki um 0,13% á milli mánaða í maí. Gangi spáin eftir mun verðbólga lækka úr 5,2% í 4,9%. Lægra eldsneytisverð vegna lækkunar á virðisaukaskatti og lækkun flugfargjalda hafa mest áhrif til lækkunar á milli mánaða samkvæmt spánni. Við spáum að verðbólga mælist 4,9% í ágúst og kjarasamningar því mögulega í húfi.
11. maí 2026
Starfandi samkvæmt skrám fækkaði á milli ára. Frjósemi á Íslandi síðastliðin tvö ár hefur ekki mælst minni síðan mælingar hófust. Í þessari viku fáum við m.a. ferðamannatölur og atvinnuleysi ásamt uppgjörum frá félögum.