Vikubyrjun 11. september 2017
Á öðrum ársfjórðungi var 73 milljón dollara afgangur af þáttatekjujöfnuði við útlönd. Samfelldur afgangur hefur mælst á þáttatekjujöfnuði í tvö ár en sögulega hafa tekjur Íslendinga af erlendum eignum nánast alltaf verið minni en tekjur erlendra aðila af innlendum eignum hér á landi.
11. september 2017
Vikan framundan
- Eftir lokun markaða í dag birta Lánamál ríkisins markaðsupplýsingar.
- Á miðvikudag birtir Seðlabankinn tölur um kortaveltu.
- Á fimmtudag birtir Hagstofan upplýsingar um fjármál hins opinbera.
- Á föstudag birtir Vinnumálastofnun tölur um skráð atvinnuleysi.
Mynd vikunnar
Á öðrum ársfjórðungi var 73 milljón dollara afgangur af þáttatekjujöfnuði við útlönd, en í stuttu máli er þáttatekjujöfnuður munur á ávöxtun af erlendum eignum þjóðarbúsins og ávöxtun innlendra eigna erlendra aðila hér á landi. Samfelldur afgangur hefur mælst á þáttatekjujöfnuði í tvö ár. Þetta er nýlunda, en sögulega hafa tekjur Íslendinga af erlendum eignum nánast alltaf verið minni en tekjur erlendra aðila af innlendum eignum hér á landi.
Það helsta frá vikunni sem leið
- Mikill vöxtur var í einkaneyslu á öðrum ársfjórðungi. Alls mældist 3,4% hagvöxtur á öðrum ársfjórðungi.
- Hagstofan uppfærði mat sitt á hagvexti 2016 úr 7,2% í 7,4%.
- Fátt kom á óvart í tölum um viðskiptajöfnuð á öðrum ársfjórðungi sem Seðlabankinn birti í vikunni, en alls var 16,3 ma.kr. afgangur á öðrum ársfjórðungi.
- Afgangur af þjónustujöfnuði við útlönd árið 2016 var 257,1 ma.kr. samkvæmt uppfærðum tölum frá Hagstofunni. Þetta var óveruleg breyting frá bráðabirgðamati Hagstofunnar frá því í mars.
- Að mati Hagstofunnar er að hægja á fjölgun launþega og launagreiðenda.
- Samkvæmt bráðabirgðatölum var 9,6 ma.kr. halli á vöruskiptum við útlönd í ágúst.
- Í ágúst flutti Icelandair 530 þúsund farþega (+10% milli ára). Fjöldi seldra gistinátta á hótelum Icelandair dróst hins vegar saman um 5% í ágúst miðað við sama tímabil í fyrra.
- Landsbankinn hélt víxlaútboð, Lánasjóður sveitarfélaga hélt skuldabréfaútboð, Íslandsbanki lauk víxlaútboði, Arion lauk útboði sértryggðra skuldabréfa, Lánamál Ríkisins luku útboði óverðtryggðra ríkisbréfa.
- Miklar hækkanir hafa verið á fasteignaverði í stærri bæjum utan höfuðborgarsvæðisins.
- Íbúðalánasjóður birti mánaðarskýrslu um húsnæðismarkaðinn.
- Kópavogsbær og Hafnarfjarðarkaupstaður birtu árshlutareikning.
Hagtölur og markaðsupplýsingar
Þú gætir einnig haft áhuga á
16. apríl 2026
Við spáum því að vísitala neysluverðs hækki um 1,05% á milli mánaða í apríl. Gangi spáin eftir mun verðbólga hækka úr 5,4% í 5,5%. Hærra eldsneytisverð og hækkun flugfargjalda hafa mest áhrif á hækkun á milli mánaða samkvæmt spánni. Lægri virðisaukaskattur á eldsneyti mun skila tímabundinni lækkun á eldsneytisverði, en áfram er töluverð óvissa um þróun olíuverðs og heildaráhrifa á verðbólgu hér á landi.
13. apríl 2026
Erlendum ferðamönnum fjölgaði um 1,6% á milli ára í mars. Utanlandsferðum Íslendinga hefur fækkað á milli ára alla mánuði ársins. Skráð atvinnuleysi minnkaði um 0,1 prósentustig á milli mánaða og mælist nú 4,8% í mars. Verðbólga í Bandaríkjunum jókst úr 2,4% í 3,3% í mars.
1. apríl 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. mars 2026
Verðbólga jókst úr 5,2% í 5,4% í mars, svo há hefur verðbólga ekki mælst síðan í september 2024. Vísitala launa lækkaði um 0,1% á milli mánaða í febrúar. Í síðustu viku birti Seðlabankinn yfirlýsingu fjármálastöðugleikanefndar ásamt ritinu Fjármálastöðugleiki og fjármálaráðherra lagði fram fjármálaáætlun.
26. mars 2026
Vísitala neysluverðs hækkaði um 0,55% eins og við spáðum og mælist nú 5,4%. Svo mikil hefur verðbólga ekki mælst síðan í september 2024. Hækkun á verðbólgu á milli mánaða skýrist að langmestu leyti af hækkun á eldsneytisverði sem rekja má til átakanna við Persaflóa.
23. mars 2026
Peningastefnunefnd hækkaði vexti um 0,25 prósentustig í síðustu viku. Mun harðari tónn var í yfirlýsingu nefndarinnar en við síðustu ákvörðun í febrúar. Heildarkortavelta heimilanna jókst um 1,5% á milli ára, en kortavelta innanlands dróst saman. Vísitala íbúðaverðs hækkaði lítillega eftir mikla hækkun í janúar.
16. mars 2026
Við spáum því að peningastefnunefnd hækki vexti á miðvikudaginn. Verðbólguhorfur hafa versnað upp á síðkastið sem sést meðal annars í niðurstöðum úr könnun á verðbólguvæntingum heimila og fyrirtækja sem Seðlabankinn birti í síðustu viku. Við hækkuðum einnig verðbólguspá okkar í síðustu viku.
12. mars 2026
Við spáum því að í næstu viku muni peningastefnunefnd Seðlabanka Íslands hækka vexti um 0,25 prósentustig. Verðbólga hefur aukist meira en spár gerðu ráð fyrir og verðbólguvæntingar hafa einnig aukist. Ólga hefur aukist á alþjóðlegum mörkuðum vegnastríðsátaka í Mið-Austurlöndum sem eykur verðbólguþrýsting.
12. mars 2026
Við spáum því að vísitala neysluverðs hækki um 0,55% á milli mánaða í mars. Gangi spáin eftir mun verðbólga hækka úr 5,2% í 5,4%. Hærra eldsneytisverð, sem rekja má til átakanna í Mið-Austurlöndum, skýrir að stærstum hluta þá hækkun verðbólgu á milli mánaða sem við spáum. Óljóst er hversu lengi átökin munu standa yfir og hversu langvinn áhrifin á verðbólgu hér á landi verða. Mikið er undir verðbólgumælingum næstu mánaða en forsendur í kjarasamingum á almennum vinnumarkaði byggja á að verðbólga mælist undir 4,7% í ágúst, eða að hún mælist að meðaltali undir 4,4% sex mánuði þar á undan. Auknar líkur eru á því að þær forsendur haldi ekki.
9. mars 2026
Verulegur halli mældist á viðskiptum við útlönd í fyrra. Erlend staða þjóðarbúsins versnaði á síðasta ári, en er engu að síðar mjög sterk. Krónan veiktist á móti evru í fyrra, en styrktist á móti bandaríkjadal. Sterk staða útflutningsgreina gæti stutt við krónuna á þessu ári þó órói á alþjóðasviðinu auki óvissuna.