Vikubyrjun 10. september 2018
Vöxtur einkaneyslu á yfirstandandi hagvaxtarskeiði náði hámarki á öðrum fjórðungi síðasta árs. Stöðugt hefur dregið úr vextinum frá þeim tíma. Eitt af athyglisverðum einkennum þessarar uppsveiflu er að vöxtur einkaneyslu var minni en aukning kaupmáttar stærsta hluta tímabilsins.
7. september 2018
Vikan framundan
- Klukkan 16:00 í dag birta Lánamál ríkisins markaðsupplýsingar.
- Á miðvikudag birtir Seðlabankinn fundargerð peningastefnunefndar vegna seinustu vaxtaákvörðunar.
- Á föstudag birtir Vinnumálastofnun tölur um skráð atvinnuleysi í ágúst.
Mynd vikunnar
Vöxtur einkaneyslu á yfirstandandi hagvaxtarskeiði náði hámarki í 9,8% á öðrum fjórðungi síðasta árs. Stöðugt hefur dregið úr vextinum frá þeim tíma og nam hann 5,1% á öðrum ársfjórðungi. Eitt af athyglisverðum einkennum núverandi uppsveiflu er að vöxtur einkaneyslu hefur verið minni en aukning kaupmáttar mest allt tímabilið. Það er fyrst nú á síðustu sex ársfjórðungum sem vöxtur einkaneyslu hefur reynst meiri en aukning kaupmáttar launa.

Það helsta frá vikunni sem leið
- Kröftugur hagvöxtur á mældist fyrri árshelmingi ársins.
- Afgangur af viðskiptum við útlönd dróst saman milli ára, aðallega vegna þess að afgangur af vöru- og þjónustuviðskiptum fer stöðugt minnkandi.
- Viðskipti með fasteignir voru með líflegasta móti í sumar.
- Erlendum ferðamönnum fækkaði um 2,8% milli ára í ágúst.
- Icelandair birti flutningstölur fyrir ágúst.
- Arion banki hélt hluthafafund.
- Seðlabankinn birti glærur frá kynningu aðstoðarseðlabankastjóra á efni Peningamála.
- Fjöldi gistinátta í júlí stóð í stað milli ára.
- Landsbankinn hélt víxlaútboð, Íslandsbanki víxlaútboð, Lykill fjármögnun skuldabréfaútboð, Arion útboð sértryggðra skuldabréfa, Félagsbústaðir skuldabréfaútboð og Lánamál ríkisins útboð óverðtryggðra ríkisbréfa.
Hagtölur og markaðsupplýsingar
Hagtölur 10. september 2018 (PDF)
Þú gætir einnig haft áhuga á

7. maí 2025
Ætla má að um þriðjungur íslenskra vara sem fluttar eru frá Íslandi til Bandaríkjanna sé undanþeginn þeim tollum sem nú eru í gildi, til dæmis lyf og flestar lækningavörur. Óvissa um framvindu mála í alþjóðaviðskiptum getur samt ein og sér leitt til þess að fyrirtæki halda að sér höndum og ráðast síður í nýjar fjárfestingar. Á síðasta ári fór um 12% af vöruútflutningi Íslands til Bandaríkjanna.

5. maí 2025
Í apríl jókst verðbólga úr 3,8% í 4,2%, nokkuð umfram okkar spá um 4,0% verðbólgu. Velta samkvæmt VSK-skýrslum jókst á milli ára í flestum atvinnugreinum á fyrstu tveimur mánuðum ársins. Á fyrsta ársfjórðungi mældist hagvöxtur á evrusvæðinu en samdráttur í Bandaríkjunum. Í þessari viku er vaxtaákvörðun í Bandaríkjunum og einnig í Bretlandi.

2. maí 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.

2. maí 2025
Ör fólksfjölgun og hækkun húsnæðisverðs hefur aukið eftirspurn eftir leiguíbúðum. Stærstur hluti Airbnb-íbúða er nú leigður út af leigusölum með fleiri en tvær íbúðir í útleigu. Frumvarp um hert skilyrði um skammtímaleigu hefur verið sett í samráðsgátt. Hömlur á skammtímaleigu gætu aukið framboð leiguíbúða og jafnvel söluframboð.

29. apríl 2025
Verðbólga mældist 4,2% í apríl og hækkaði úr 3,8% frá því í mars. Verðbólga var umfram okkar spá, einkum vegna þess að reiknuð húsaleiga og verð á matvörum hækkaði meira en við bjuggumst við.

28. apríl 2025
Alþjóðagjaldeyrissjóðurinn (AGS) birti nýja efnahagsspá um páskana. Hagvaxtarhorfur í heiminum hafa verið færðar niður og AGS telur að spenna í alþjóðaviðskiptum og veruleg óvissa komi til með að draga úr umsvifum í heimshagkerfinu.

28. apríl 2025
Hagstofan birtir verðbólgutölur fyrir aprílmánuð á morgun og við búumst við að verðbólga hækki tímabundið upp í 4%. Í vikunni fáum við fyrstu uppgjör fyrir fyrsta ársfjórðung og fyrsta mat á hagvexti í Bandaríkjunum og á evrusvæðinu á fyrsta ársfjórðungi.

23. apríl 2025
Við teljum horfur á tiltölulega hófstilltum verðhækkunum á íbúðamarkaði næstu árin, 5,9% hækkun á þessu ári, 4,8% hækkun á næsta ári og 6,4% hækkun árið 2027. Til samanburðar hefur íbúðaverð hækkað um 9% á ári að jafnaði frá aldamótum, og að meðaltali um 13% á ári frá árinu 2021.

22. apríl 2025
Leiguverð hefur hækkað um 11,3% á síðustu tólf mánuðum, þó nokkuð meira en íbúðaverð sem hefur hækkað um 8% á sama tímabili. Hækkanir á íbúða- og leigumarkaði eru þó nokkuð umfram almennar verðhækkanir í landinu, en verðbólga mældist 3,8% í mars. Áfram er kraftur í innlendri neyslu, greiðslukortavelta heimila hefur aukist statt og stöðugt síðustu mánuði og var 1,8% meiri í mars síðastliðnum en í mars í fyrra.

16. apríl 2025
Sviptingar í alþjóðaviðskiptum gætu haft margvísleg áhrif á ferðaþjónustu hér á landi. Tollar gætu rýrt kaupmátt Bandaríkjamanna og haft áhrif á komur þeirra hingað til lands. Auk þess eru merki um að áhugi Evrópubúa á að heimsækja Bandaríkin fari dvínandi, sem gæti haft áhrif hingað heim, enda hafa Evrópubúar gjarnan komið við á Íslandi á leið sinni vestur um haf. Í nýrri hagspá gerum við ráð fyrir samdrætti í ferðaþjónustu á þessu ári, en að hún taki aftur við sér á næstu tveimur árum.