28. september 2018
Vikan framundan
- Á miðvikudag er vaxtaákvörðunardagur í Seðlabankanum, við gerum ráð fyrir óbreyttum stýrivöxtum.
- Á föstudag birtir Seðlabankinn tölur um gjaldeyrismarkaðinn og krónumarkaðinn í september ásamt útreikningi á raungengi í september.
Mynd vikunnar
Í kjölfar fjármálakreppunnar fyrir um 10 árum lækkuðu bæði bandaríski og evrópski seðlabankinn vexti. Bandaríski seðlabankinn hóf vaxtahækkunarferli í nóvember 2015. Í síðustu viku hækkaði Seðlabanki Bandaríkjanna vexti um 0,25 prósentustig og kom með framsýna leiðsögn um aðra 25 punkta hækkun í desember. Evrópski seðlabankinn hefur hins vegar ekki breytt vöxtum síðan að hann lækkaði þá (útlánavexti) niður í 0% í mars 2016. Reyndar eru innlánsvextir evrópska seðlabankans neikvæðir, eða -0,4%.
Það helsta frá vikunni sem leið
- Vísitala neysluverðs hækkaði um 0,24% milli mánaða í september og mælist 12 mánaða verðbólga nú 2,7%, samanborið við 2,6% í ágúst.
- Seðlabankinn birti ársfjórðungslega Hagvísa.
- Lánamál ríkisins birtu ársfjórðungsáætlun fyrir fjórða ársfjórðung.
- Launavísitalan hækkaði um 0,1% milli mánaða.
- Samkvæmt vinnumarkaðsrannsókn Hagstofunnar var atvinnuleysi 2,6% í ágúst.
- Gistinóttum fjölgaði um 10% milli ára í ágúst.
- Hagstofan birti lífskjararannsókn heimilanna fyrir 2016.
- Lánamál ríkisins héldu útboð ríkisvíxla, Reitir skuldabréfaútboð.
Hagtölur og markaðsupplýsingar
Hagtölur 1. október 2018 (PDF)
Þú gætir einnig haft áhuga á
30. júní 2025
Verðbólga jókst úr 3,8% og mældist 4,2% í júní. Aukin verðbólga skýrist aðallega af auknum þrýstingi á innfluttum vörum en einnig af hækkandi flugfargjöldum og verðhækkun á þjónustu. Þá jókst velta samkvæmt virðisaukaskattsskýrslum um 1,5% að raunvirði í mars og apríl.
27. júní 2025
Verðbólga mældist 4,2% í júní og jókst úr 3,8% frá því í maí. Verðlag hækkaði umfram spár, en við höfðum spáð 3,9% verðbólgu. Aukin verðbólga skýrist aðallega af auknum verðþrýstingi á innfluttum vörum, einkum fötum, skóm og tómstundarvörum, en einnig af hækkandi flugfargjöldum og verðhækkun á þjónustu.
27. júní 2025
Sumarhúsum á Íslandi hefur fjölgað um 45% á síðustu 20 árum. Viðskipti með sumarhús færðust verulega í aukana á tímum faraldursins. Fyrst eftir faraldurinn hægðist um en nú virðist aftur hafa glaðnað yfir markaðnum.
25. júní 2025
Velta samkvæmt virðisaukaskattsskýrslum jókst um 1,5% að raunvirði í mars og apríl og um 5,2% í janúar og febrúar, samkvæmt nýbirtum gögnum Hagstofunnar. Veltugögnin bera þess merki að hagkerfið standi vaxtastigið vel af sér sem er í takt við aukinn hagvöxt í byrjun árs. Það sem af er ári hefur velta aukist mest í sölu og viðhaldi á bílum en einnig má greina aukin umsvif í helstu útflutningsgreinunum: álframleiðslu, sjávarútvegi og ferðaþjónustu.
23. júní 2025
Færri ferðamenn hafa heimsótt Ísland það sem af er ári en á sama tíma í fyrra. Þrátt fyrir það hefur erlend kortavelta aukist á milli ára og það sama má segja um útflutningstekjur af ferðaþjónustu. Við teljum ýmislegt benda til þess að erlendir ferðamenn hafi verið fleiri síðustu mánuði en talning Ferðamálastofu segir til um.
23. júní 2025
Vísitala íbúðaverðs lækkaði um 0,45% á milli mánaða í maí. Vísitalan lækkaði þar með í fyrsta sinn á þessu ári og ársbreytingin hefur ekki verið jafn lítil frá því í byrjun síðasta árs. Áfram er kraftur í kortaveltu Íslendinga, ekki síst erlendis.
19. júní 2025
Kortavelta jókst um 6,8% á milli ára í maí að raunvirði þar af jókst hún um 21% erlendis. Það sem af er ári hefur kortavelta aukist um 5,5% frá sama tímabili í fyrra, að teknu tilliti til verðlags og gengis. Íslendingar hafa aldrei farið í fleiri utanlandsferðir í maímánuði en nú í ár. Greiðslukortajöfnuður var neikvæður um 4,2 ma.kr. sem er töluvert meiri halli en í maí í fyrra.
16. júní 2025
Í síðustu viku fór fram uppgjör við eigendur HFF-bréfa. Erlendum ferðamönnum fjölgaði aðeins á milli ára í maí og atvinnuleysi jókst á milli ára. Í vikunni fram undan birtir HMS vísitölu íbúðaverðs, vísitölu leiguverðs og mánaðarskýrslu.
12. júní 2025
Við spáum því að verðbólga aukist lítillega í júní og mælist 3,9%. Verðbólga helst líklega nær óbreytt í sumar en eykst svo aðeins með haustinu, þegar einskiptisliðir vegna skólagjalda og skólamáltíða detta út úr tólf mánaða taktinum. Við gerum áfram ráð fyrir 4,0% verðbólgu í árslok.
11. júní 2025
Eftir hægagang í bílaviðskiptum á síðasta ári virðast þau hafa færst í aukana í byrjun þessa árs. Um 53% fleiri fólksbílar hafa verið nýskráðir til einkanota á fyrstu fimm mánuðum ársins en á sama tíma í fyrra. Um 21% þeirra bíla sem hafa verið nýskráðir á þessu ári eru hreinir rafmagnsbílar.