Við­snún­ing­ur í korta­veltu

Neysla Íslendinga jókst verulega milli ára í mars, eða um 24% innanlands, og dróst einungis saman um 2% erlendis. Samanlagt jókst kortavelta um 20% milli ára miðað við fast verðlag og gengi og er þetta í fyrsta sinn sem aukning mælist á heildarkortaveltunni milli ára frá upphafi faraldursins.
Verslun
16. apríl 2021 - Hagfræðideild

Seðlabanki Íslands birti í gær gögn um veltu innlendra greiðslukorta í mars. Alls nam velta tengd verslun og þjónustu innanlands 74 mö.kr. og jókst um 24% milli ára miðað við fast verðlag. Kortavelta Íslendinga erlendis nam alls 9 mö.kr. og dróst saman um 2% milli ára miðað við fast gengi. Samanlagt jókst kortavelta um 20% milli ára í mars miðað við fast gengi og fast verðlag sem er mikil breyting frá því sem verið hefur síðustu mánuði.

Það mátti búast við því að viðsnúningur á 12 mánaða þróun myndi mælast nokkur í mars þar sem nú er verið að bera saman tímabil þar sem takmarkanir á neyslu fólks vegna Covid-faraldursins voru við lýði bæði fyrir og eftir. Ef við berum tölur marsmánaðar í ár saman við marsmánuð 2019, þegar engin áhrif voru af Covid-faraldrinum, sést að kortavelta innanlands eykst um 15% miðað við fast verðlag en dregst saman um 44% erlendis miðað við fast gengi.

Á fyrsta ársfjórðungi mældist kortavelta Íslendinga alls 2% meiri en í fyrra, mæld á föstu verðlagi. Kortavelta innanlands jókst um 11% en dróst saman um 35% erlendis. Þetta er í fyrsta sinn síðan á fjórða ársfjórðungi árið 2019 sem aukning mælist milli ára í kortaveltu Íslendinga á stökum ársfjórðungi. Miðað við þetta má gera ráð fyrir því að við sjáum einnig lítils háttar aukningu í einkaneyslu milli ára á fjórðungnum en einkaneysla hefur fylgt þróun kortaveltu nokkuð náið frá því að faraldurinn hófst.

Lesa Hagsjána í heild

Hagsjá: Viðsnúningur í kortaveltu

Þú gætir einnig haft áhuga á
Valtari
11. maí 2021

Töluverð minnkun atvinnuleysis í apríl – þróunin á réttri leið

Samkvæmt tölum Vinnumálastofnunar var almennt skráð atvinnuleysi í apríl 10,4% af áætluðum fjölda fólks á vinnumarkaði og hafði minnkað úr 11,0% frá því í mars. Atvinnuleysi sem tengist hlutabótaleið var 1,1% og var óbreytt milli mánaða. Heildaratvinnuleysi í apríl var því 11,5% samanborið við 12,1% í mars og minnkaði þannig um 0,6 prósentustig. Almennt atvinnuleysi minnkaði alls staðar á landinu milli mars og apríl. Mest dró úr atvinnuleysi á Austurlandi, um 2,6 prósentustig, og á Suðurnesjum um 1,6 prósentustig.
Dollarar og Evrur
10. maí 2021

Krónan veiktist á móti evrunni í apríl, en styrktist á móti Bandaríkjadal

Í lok mánaðarins stóð evran í 149,6 krónum í samanburði við 148,1 í lok mars og Bandaríkjadalur stóð í 123,8 krónum í samanburði við 126,3 í lok mars.
Seðlabanki
10. maí 2021

Vikubyrjun 10. maí 2021

Seðlabanki Íslands hefur aðallega verið á söluhliðinni á millibankamarkaði með gjaldeyri frá því heimsfaraldurinn skall á fyrir rúmlega ári síðan, enda minnkaði innflæði gjaldeyris mikið við hrun í komum erlendra ferðamanna.
Þjóðvegur
4. maí 2021

Yfirlit yfir sértryggð skuldabréf

Landsbankinn seldi sértryggð bréf að nafnvirði 4.220 m.kr. og Íslandsbanki að nafnvirði 4.100 m.kr. í apríl. Arion banki hélt ekki útboð í mánuðinum.
Smiður
4. maí 2021

Vinnumarkaður – botninum væntanlega náð og meiri styrkur framundan

Samkvæmt niðurstöðum vinnumarkaðsrannsóknar Hagstofu Íslands er áætlað að um 202.900 manns hafi verið á vinnumarkaði í mars 2020, sem jafngildir 77% atvinnuþátttöku. Af fólki á vinnumarkaði voru um 186.200 starfandi og um 16.700 atvinnulausir og í atvinnuleit, eða um 8,2% af vinnuaflinu. Starfandi fólki fækkaði um 3.600 milli ára og atvinnulausum fjölgaði um 11.200. Hlutfall starfandi var 70,8% í mars og hafði minnkað um 2,6% prósentustig frá mars 2020.
Fasteignir
3. maí 2021

Vikubyrjun 3. maí 2021

Á fyrsta ársfjórðungi var um þriðjungur allra fasteignaviðskipta á höfuðborgarsvæðinu fyrstu kaup. Þetta hlutfall hefur aukist nær stöðugt frá upphafi gagnasöfnunar. Þetta er vísbending um að vel hafi tekist að auka framboð og mæta þörfum þeirra sem vilja komast inn á eigendamarkað.
Siglufjörður
30. apríl 2021

Gistinóttum fjölgaði á Norðurlandi í mars

Gistinætur á heilsárshótelum voru tæplega 49 þúsund í mars borið saman við 175 þúsund á sama tímabili í fyrra. Gistinóttum fækkaði því um 72% milli ára. Þetta er nokkuð minni fækkun gistinátta en verið hefur en samdrátturinn nam á bilinu 88-90% í janúar og febrúar.
Frosnir ávextir og grænmeti
29. apríl 2021

4,6% verðbólga í apríl – fasteignaverð dreif hækkunina milli mánaða

Vísitala neysluverðs (VNV) hækkaði um 0,71% milli mánaða í apríl og mælist verðbólga nú 4,6% samanborið við 4,3% í mars. Óhætt er að segja að þetta hafi komið mikið á óvart, en þetta var mun meiri hækkun milli mánaða en við áttum von á. Það sem kom mest á óvart var að fasteignaverð hækkaði mun meira en við gerðum ráð fyrir.
Byggingakrani og fjölbýlishús
29. apríl 2021

Framboð af íbúðum virðist mæta þörf – óvíst með eftirspurn

Opinber gögn benda til þess að nú sé mögulega verið að byggja umfram árlega þörf á íbúðamarkaði út frá mannfjöldaþróun. Hvort verið sé að byggja í takt við eftirspurn er hins vegar óvíst. Eftirspurn hefur aðallega aukist eftir stærri og dýrari sérbýliseignum sem eru sjaldgæfari í byggingu.
Fasteignir
27. apríl 2021

Lítil þörf en mikil eftirspurn

Miðað við stöðuga mannfjöldaþróun þurfa um 1.700 íbúðir að komast á það byggingarstig að verða fokheldar á ári hverju til þess að mæta þörf. Á síðustu tveimur árum hafa yfir 3.000 íbúðir komist á það stig á ári hverju. Við sjáum ekki merki um mikla uppsafnaða þörf fyrir nýjar íbúðir um þessar mundir þó íbúðasala sé mikil og verð hækki. Það er vegna þess að eftirspurn, sem er ekki það sama og þörf, hefur aukist mikið m.a. vegna vaxtalækkana. Sú eftirspurn getur þó allt eins horfið jafn fljótt og hún birtist ef aðstæður breytast eða aðrir fjárfestingakostir verða ákjósanlegri fyrir einstaklinga.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur