Þriðjungsaukning í inn- og útflutningi á öðrum ársfjórðungi
Útflutningur vöru og þjónustu nam 287,1 ma.kr. á öðrum ársfjórðungi og jókst um 68,9 ma.kr., eða 31,5%, miðað við sama tímabil í fyrra. Innflutningur vöru og þjónustu nam 317,7 mö.kr. og jókst einnig verulega mikið - um 82,2 ma.kr., eða 34,9%. Halli af vöru- og þjónustuviðskiptum nam 30,5 mö.kr. og jókst um 13,3 ma.kr. sem er tæplega 80% aukning frá sama tímabili í fyrra.
26. ágúst 2021 - Greiningardeild
Þetta er mesti halli af vöru- og þjónustuviðskiptum á einum ársfjórðungi síðan á fyrsta ársfjórðungi 2008. Aukinn halli á vöru- og þjónustuviðskiptum borið saman við sama tímabil í fyrra skýrist fyrst og fremst af mikilli aukningu í vöruinnflutningi. Hann nam 239,6 mö.kr. og jókst um 70,2 ma.kr., eða 41,5%. Innflutningur þjónustu jókst einnig milli ára en þó mun minna. Innflutningur þjónustu nam 78,1 mö.kr. og jókst um 11,9 ma.kr., eða 18,1%. Það sem vann á móti auknum halla á vöru- og þjónustuviðskiptum var að aukning varð á bæði þjónustuútflutningi og vöruútflutningi. Útflutt þjónusta nam 103,3 mö.kr. og jókst um 34,8 ma.kr., eða 50,7%. Vöruútflutningur nam 183,8 mö.kr. og jókst um 34,1 ma.kr., eða 22,8%. Allar breytingar í inn- og útflutningi á fjórðungnum, borið saman við sama fjórðung í fyrra, litast af breytingu í gengi krónunnar en gengisvísitala krónunnar var 4,9% sterkari á fjórðungnum en á sama fjórðungi í fyrra.
Lesa hagsjána í heild
Hagsjá: Þriðjungsaukning í inn- og útflutningi á öðrum ársfjórðungi
Þú gætir einnig haft áhuga á
16. apríl 2025
Sviptingar í alþjóðaviðskiptum gætu haft margvísleg áhrif á ferðaþjónustu hér á landi. Tollar gætu rýrt kaupmátt Bandaríkjamanna og haft áhrif á komur þeirra hingað til lands. Auk þess eru merki um að áhugi Evrópubúa á að heimsækja Bandaríkin fari dvínandi, sem gæti haft áhrif hingað heim, enda hafa Evrópubúar gjarnan komið við á Íslandi á leið sinni vestur um haf. Í nýrri hagspá gerum við ráð fyrir samdrætti í ferðaþjónustu á þessu ári, en að hún taki aftur við sér á næstu tveimur árum.
14. apríl 2025
Í síðustu viku birtum við hagspá til næstu ára þar sem við spáum 1,4% hagvexti í ár og um 2% hagvexti næstu árin. Ferðamönnum fækkaði um 13,8% milli ára í mars. Skráð atvinnuleysi í mars var 0,4 prósentustigum hærra en í mars í fyrra. Þau tíðindi bárust einnig að skuldabréfaeigendur ÍL-sjóðs hefðu samþykkt að breyta skilmálum bréfanna sem heimilar útgefanda að gera upp bréfin. Í þessari viku birtir svo HMS vísitölu íbúðaverðs og leiguverðs.
10. apríl 2025
Við spáum því að vísitala neysluverðs hækki um 0,77% á milli mánaða í apríl og að verðbólga hækki úr 3,8% í 4,0%. Hækkunin á milli mánaða skýrist meðal annars af tímasetningu páskanna í ár.
9. apríl 2025
Hagkerfið hefur kólnað eftir kröftugt vaxtarskeið fyrstu árin eftir Covid-faraldurinn og við teljum að nú fari það hægt af stað á ný.
7. apríl 2025
Í síðustu viku kynnti Bandaríkjaforseti umfangsmikla tolla á allan innflutning til landsins, þ. á m. 10% tolla á vörur frá Íslandi, sem hafa þegar tekið gildi. Fundargerð peningastefnunefndar var birt og þar kemur fram að nefndin taldi svigrúm til 0,25 eða 0,50 prósentustiga vaxtalækkunar við síðustu vaxtaákvörðun. Samkvæmt nýrri ríkisfjármálaáætlun er markmið ríkisstjórnarinnar að tryggja hallalausan ríkisrekstur árið 2027.
1. apríl 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. mars 2025
Verðbólga lækkaði úr 4,2% í 3,8% í mars. Lækkun á verðbólgu skýrist að langstærstum hluta af því að reiknuð húsaleiga hækkaði minna en í sama mánuði í fyrra. Undirliggjandi verðbólga hjaðnaði líka sem sést á því að VNV án húsnæðis og allar kjarnavísitölur lækkuðu á milli mánaða. Fjármálastöðugleikanefnd telur fjármálakerfið standa traustum fótum en segir mikla óvissu í alþjóðamálum geta reynt á viðnámsþrótt þjóðarbúsins.
27. mars 2025
Vísitala neysluverðs hækkaði um 0,37% á milli mánaða í mars, samkvæmt nýbirtum tölum Hagstofu Íslands. Ársverðbólga lækkar úr 4,2% í 3,8% og er komin undir efri vikmörk verðbólgumarkmiðs Seðlabanka Íslands, í fyrsta skipti frá því í lok árs 2020. Verðmælingin var nokkuð góð en við teljum að á næstunni hægi á hjöðnuninni.
24. mars 2025
Peningastefnunefnd lækkaði vexti um 0,25 prósentustig á miðvikudaginn í síðustu viku. Ákvörðunin var í takt við væntingar. Vísitala íbúðaverðs hélst nokkurn veginn óbreytt á milli mánaða í febrúar. Til samanburðar hækkaði verðið mun meira í febrúar í fyrra, um tæp 2%. Kortavelta landsmanna innanlands hélt áfram að aukast á milli ára í febrúar en jókst þó aðeins minna en undanfarna mánuði.
17. mars 2025
Við búumst við að peningastefnunefnd lækki vexti um 0,25 prósentustig á miðvikudaginn. Í síðustu viku fóru fram verðmælingar vegna marsmælingar vísitölu neysluverðs og við spáum því að verðbólga lækki úr 4,2% í 3,9%. Atvinnuleysi var 4,3% í febrúar og hækkaði um 0,4 prósentustig á milli ára. 147 þúsund erlendir ferðamenn fóru um Keflavíkurflugvöll í febrúar, 5,6% færri en í sama mánuði í fyrra.