Það hægir á neysluaukningu erlendra ferðamanna

Neyslumynstur erlendra ferðamanna breyttist mikið eftir að faraldurinn skall á. Þannig hafa ferðamenn að meðaltali eytt töluvert meira í sínum eigin gjaldmiðli í Íslandsferðinni en fyrir faraldur. Að einhverju leyti endurspeglar þetta breytta samsetningu ferðamanna sem hingað koma og er ef til vill vísbending um að hingað hafi komið efnaðri ferðamenn eftir faraldur.

18. janúar 2022 - Hagfræðideild

Aukin neysla skýrist þó einnig að töluverðu leyti af aukinni dvalarlengd. Samfara minni takmörkunum á ferðalög hefur fjöldi erlendra ferðamanna aukist á síðustu misserum og hefur meðalneysla á hvern ferðamann minnkað frá því sem var þegar mest lét. Þetta er vísbending í þá átt að samsetning ferðamanna sé aftur að færast nær því sem var fyrir faraldur.

Sé horft á kortaveltu 17 mikilvægustu viðskiptavina íslenskrar ferðaþjónustu eftir þjóðerni nam hún 100,1 ma. kr. á síðasta ári. Fjöldi erlendra ferðamanna sem hingað kom á síðasta ári nam 567 þúsund sé einungis horft til þessara 17 þjóða. Neysla á hvern ferðamann nam því 176,5 þúsund krónum að meðaltali. Til samanburðar var þessi upphæð 146 þúsund árið 2020 og 131 þúsund árið 2019, síðasta heila ár fyrir faraldur. Neysla þeirra var því ríflega þriðjungi meiri í fyrra en fyrir faraldur. Flestar þjóðir eyddu meiru í fyrra en af þessum 17 þjóðum juku 13 neyslu sína milli ára. Mesta neysluaukningin var hjá Svisslendingum en neysla þeirra mæld í þeirra eigin mynt jókst um 216% milli ára. Þar á eftir komu Finnar með 159% aukningu. Síðan komu Kanadamenn með 105% og Norðmenn með 104%. Neysluaukning Bandaríkjamanna var 39% og 31% hjá Bretum. Aukningin hjá Þjóðverjum var 26%.

Lesa Hagsjána í heild:

Hagsjá: Það hægir á neysluaukningu erlendra ferðamanna

Þú gætir einnig haft áhuga á

29. nóv. 2023

Húsnæðisverð lyftir verðbólgu aftur í 8,0%

Vísitala neysluverðs hækkaði um 0,38% milli mánaða í nóvember og við það hækkaði ársverðbólga úr 7,9% í 8,0%. Verð á mat og drykkjarvöru hækkaði minna en við gerðum ráð fyrir en kostnaður við búsetu í eigin húsnæði hækkaði umfram spá okkar. Verð á flugfargjöldum lækkaði meira en við spáðum.

27. nóv. 2023

Vikubyrjun 27. nóvember 2023

Fyrstu kaupendum á íbúðamarkaði fjölgaði verulega á þriðja fjórðungi ársins og voru 1.123 talsins, 33% allra kaupenda. Til samanburðar voru fyrstu kaupendur 789 talsins á öðrum fjórðungi, 26% allra kaupenda.

24. nóv. 2023

Vísitala íbúðaverðs hækkar enn og kaupsamningum fjölgar

Vísitala íbúðaverðs hækkaði um 0,9% milli mánaða í október. Undirritaðir kaupsamningar á höfuðborgarsvæðinu voru 19% fleiri en í október í fyrra og fjölgaði einnig í september eftir að hafa fækkað viðstöðulaust milli ára frá miðju ári 2021. Vísitalan er hærri en við gerðum ráð fyrir við gerð verðbólguspár fyrir nóvembermánuð og því færum við hana örlítið upp og spáum nú 8,1% ársverðbólgu í stað 8,0%.

20. nóv. 2023

Vikubyrjun 20. nóvember 2023

Í nýjustu könnun á væntingum markaðsaðila, sem fór fram fyrir um tveimur vikum, töldu fleiri svarendur að taumhald peningastefnu væri of þétt en of laust. Þetta er viðsnúningur frá því sem verið hefur, en allt frá janúar árið 2020 hafa fleiri talið taumhaldið of laust.

17. nóv. 2023

Spáum óbreyttum stýrivöxtum í næstu viku

Við spáum því að peningastefnunefnd Seðlabanka Íslands haldi meginvöxtum bankans óbreyttum í 9,25% í næstu viku. Við teljum að óvissa og viðkvæm staða í tengslum við jarðhræringar á Reykjanesskaga spili stóran þátt í ákvörðuninni og vegi þyngra en vísbendingar um þrálátan verðbólguþrýsting og viðvarandi háar verðbólguvæntingar.

16. nóv. 2023

Spáum 8,0% verðbólgu í nóvember

Við spáum því að vísitala neysluverðs hækki um 0,37% milli mánaða í nóvember og að ársverðbólga aukist úr 7,9% í 8,0%. Þeir liðir sem vega þyngst til hækkunar á vísitölunni eru reiknuð húsaleiga og verð á mat og drykkjarvöru, en flugfargjöld til útlanda vega þyngst til lækkunar. Við gerum ráð fyrir að verðbólga aukist svo lítillega í desember, í 8,1%, en hjaðni eftir áramót og verði 7,3% í janúar og 6,7% í febrúar.

14. nóv. 2023

Laun hækkað langmest í veitinga- og gistigeiranum

Laun hafa hækkað langmest í veitinga- og gistigeiranum á síðustu árum og mest meðal verka- og þjónustufólks. Frá því rétt áður en lífskjarasamningarnir voru samþykktir árið 2019 hafa laun þjónustu-, sölu- og afgreiðslufólks hækkað um að meðaltali 48,5% og verkafólks um 48,2%. Laun stjórnenda hafa á sama tímabili hækkað um 27,4% og laun sérfræðinga um 33,4%. Kaupmáttur hefur aukist um að meðaltali 10% á tímabilinu, en þróunin er ólík eftir hópum.

13. nóv. 2023

Vikubyrjun 13. nóvember 2023

Netverslun Íslendinga er að jafnaði langmest í nóvember. Það skýrist af stórum netútsöludögum í mánuðinum eins og makalausa deginum (e. Singles’ Day), svörtum föstudegi (e. Black Friday) og stafrænum mánudegi (e. Cyber Monday).

10. nóv. 2023

Aldrei fleiri ferðamenn í október

Um 205 þúsund erlendir ferðamenn fóru frá Keflavíkurflugvelli í október og hafa aldrei verið fleiri í mánuðinum. Alls hafa um 1.940 þúsund erlendir ferðamenn farið um Leifsstöð það sem af er ári, örlítið fleiri en árið 2017 og lítillega færri en metárið 2018.

6. nóv. 2023

Vikubyrjun 6. nóvember 2023

Velta í byggingariðnaði dróst saman á milli ára í júlí og ágúst, samkvæmt gögnum Hagstofunnar sem byggja á virðisaukaskattsskýrslum. Þetta er í fyrsta skipti í rúm tvö ár sem veltan minnkar og til samanburðar jókst hún um rúm 15% milli ára á VSK-tímabilinu maí-júní.

Það hæg­ir á neyslu­aukn­ingu er­lendra ferða­manna

Lesa Hagsjána í heild:

Það hægir á neysluaukningu erlendra ferðamanna