Loðnuveiðar hefjast á ný eftir tveggja ára hlé
Gefinn hefur verið út loðnukvóti upp á 61 þúsund tonn á núverandi vertíð og er þetta í fyrsta sinn síðan árið 2018 að veiða má loðnu hér við land. Enn verður haldið áfram að mæla stofninn og því ekki ólíklegt að þessari ráðgjöf verði breytt. Í þjóðhagsspá okkar frá því í október gerðum við ráð fyrir 100 þúsund tonna kvóta og verður hagvöxtur á þessu ári samkvæmt spá okkar því ögn lægri, að öðru óbreyttu.
27. janúar 2021 - Greiningardeild
Síðustu ár hefur staðan í loðnuveiðum verið mjög sérstök. Engar veiðar voru heimilaðar undanfarin tvö ár en frá árinu 1963, þegar loðnuveiðar hófust hér við land og til ársins 2018, hafði það aldrei gerst áður. Árið 2018 veiddu íslensk skip rúmlega 186 þúsund tonn. Loðnuveiði hefur farið minnkandi síðasta aldarfjórðunginn. Þegar mest var voru veiddar um 1,3 milljónir tonna árið 1997. Árin 2016-2018 voru veiðar á bilinu 101-197 þúsund tonn.
Hagvöxtur úr 3,4% niður í 3,3%
Í þjóðhagsspá okkar frá því í október gerðum við ráð fyrir að loðnuveiðar á þessu ári yrðu um 100 þúsund tonn og byggðum það á góðri nýliðun síðustu ára. Nú stefnir hins vegar í að veiðar verði minni og hagvöxtur sömuleiðis. Við spáðum 3,4% hagvexti á þessu ári í þjóðhagsspánni. Verði veiðar í samræmi við núverandi ráðgjöf fer vöxtur útflutnings samkvæmt spá okkar úr 7,4% niður í 7% og hagvöxtur úr 3,4% í 3,3%, að öðru óbreyttu.
Lesa Hagsjána í heild
Þú gætir einnig haft áhuga á
26. júní 2026
Vísitala neysluverðs hækkaði um 0,94% á milli mánaða og verðbólga hækkar því úr 5,1% í 5,2%. Við spáðum því að verðbólga myndi standa í stað. Hækkun á flugfargjöldum hafði mest áhrif til hækkunar á milli mánaða og skýrir sífellt stærri hluta ársverðbólgunnar. Vísbendingar um kólnun í hagkerfinu og minni eftirspurn verða sífellt skýrari.
22. júní 2026
Í vikunni fáum við verðbólgutölur fyrir júnímánuð, en við spáum því að verðbólga mælist 5,1% og standi í stað á milli mánaða. Í liðinni viku komu nýjar kortaveltutölur frá Seðlabankanum sem sýna að það hægir á vexti neyslunnar, en þó eru ekki merki um snöggkólnun líkt og fyrri gögn, sem nú hafa verið leiðrétt, höfðu bent til.
18. júní 2026
Vísitala íbúðaverðs lækkaði um 0,4% á milli mánaða í maí. Árshækkun vísitölunnar mælist nú 2,2% og er talsvert lægri en hækkanir á almennu verðlagi. Raunverð íbúða hefur því lækkað um 2,4% á milli ára og maí er sjötti mánuðurinn í röð þar sem raunverð lækkar á þann mælikvarða. Velta á íbúðamarkaði hefur jafnframt verið talsvert minni það sem af er ári en á sama tímabili í fyrra.
16. júní 2026
Kortavelta íslenskra heimila stóð nokkurn veginn í stað á milli ára í maí, að teknu tillit til verðlags og gengis. Tölur fyrir apríl voru jafnframt leiðréttar upp á við en þær höfðu sýnt töluverðan samdrátt. Gömlu apríltölurnar voru birtar daginn fyrir ákvörðun peningastefnunefndar og hafa mögulega haft áhrif á ákvörðunina. Uppfærðar tölur benda til þess að áfram hægi á vexti einkaneyslu, en ekki til snöggkólnunar eins og apríltölurnar gáfu til kynna.
15. júní 2026
Erlendum ferðamönnum fjölgaði í maí þrátt fyrir minna flugframboð en utanlandsferðir Íslendinga eru færri. Skráð atvinnuleysi mældist 4,2% í maí.
12. júní 2026
Fjölgun sumarhúsa hér á landi hefur haldist nokkuð stöðug síðasta áratug, en rúmlega helmingur sumarhúsa landsins er staðsettur á Suðurlandi. Kaupsamningum hefur fækkað lítillega frá því í fyrra og verðhækkanir hafa verið hóflegar.
11. júní 2026
Við spáum því að verðbólga standi í stað í júní og mælist aftur 5,1%. Ferðaþjónustutengdir liðir hækka alla jafna í júní og mun verð á flugfargjöldum til útlanda hafa mest áhrif til hækkunar, gangi spáin eftir. Við gerum einnig ráð fyrir hækkun á hótelum og veitingastöðum í júnímælingunni. Við gerum ráð fyrir að verðbólga aukist næstu mánuði og teljum nánast öruggt að forsendur kjarasamninga bresti í ágúst.
8. júní 2026
Á fyrsta ársfjórðungi mældist minni halli á viðskiptum við útlönd en á sama tíma í fyrra. Í síðustu viku birti HMS fasteignamat fyrir 2027, en fasteignamat lækkaði að raunvirði á milli ára.
1. júní 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. júní 2026
Samkvæmt fyrsta mati Hagstofunnar mældist 2,7% hagvöxtur á fyrsta ársfjórðungi. Vísitala neysluverðs hækkaði um 0,07% á milli mánaða og verðbólga lækkaði því úr 5,2% í 5,1%.