Íslendingar aldrei eytt meiru erlendis

Kortavelta innlendra greiðslukorta jókst alls um 16,5% á milli ára í maí, að raunvirði. Kortavelta Íslendinga erlendis jókst um 120% milli ára miðað við fast gengi. Þetta sýnir okkur að eftirspurn er mikil í hagkerfinu og það sér í lagi eftir ferðalögum. Vöxtur einkaneyslu mun að öllum líkindum vera innfluttur í formi aukinna ferðalaga næstu misserin.

21. júní 2022 - Hagfræðideild

Seðlabanki Íslands birti nýverið gögn um veltu innlendra greiðslukorta í maí. Þar kom fram að heildarvelta innlendra greiðslukorta nam 111,7 mö.kr. í maí 2022. Velta innlendra greiðslukorta í verslunum innanlands nam 88,8 mö.kr. sem er 3,3 ma.kr. hækkun milli ára, núvirt með vísitölu neysluverðs án húsnæðis, sem gerir um 4% hækkun á milli ára. Að sama skapi nam velta greiðslukorta erlendis um 22,9 mö.kr. og hækkaði veltan, núvirt með gengisvísitölu, um 12,5 mö.kr. - nærri 120% hækkun frá maí í fyrra. Þetta er mesta neysla Íslendinga erlendis frá upphafi gagnasöfnunar, raunvirt með gengisvísitölu, en um er að ræða tvo metmánuði í röð þar sem sl. aprílmánuður sló einnig met.

Brottfarir Íslendinga um Keflavíkurflugvöll slógu met í maí, samanborið við aðra maímánuði. Alls töldu brottfarir Íslendinga um 65 þúsund en fyrir það hafði maímánuðurinn 2018 verið sá umsvifamesti, þegar 63 þúsund Íslendingar flugu frá Keflavíkurflugvelli. Íslendingar eyða meiru erlendis nú en fyrir faraldur, bæði vegna þess að netverslun hefur færst í aukana en einnig vegna þess að fólk virðist gera betur við sig en áður.

Lesa Hagsjána í heild:

Hagsjá: Íslendingar aldrei eytt meiru erlendis

Þú gætir einnig haft áhuga á

8. júlí 2024

Vikubyrjun 8. júlí 2024

Hátt vaxtastig hefur hvatt til sparnaðar og hægt á eftirspurn í hagkerfinu. Innlán heimila voru 20% meiri í maí síðastliðnum en í maí í fyrra, samkvæmt nýbirtum Hagvísum Seðlabanka Íslands. Óbundin innlán hafa aukist langmest.

1. júlí 2024

Fréttabréf Hagfræðideildar 1. júlí 2024

Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.

1. júlí 2024

Vikubyrjun 1. júlí 2024

Vísitala neysluverðs hækkaði um 0,48% í júní. Verðbólga mældist því 5,8% og lækkaði úr 6,2%. Velta samkvæmt virðisaukaskattsskýrslum í mars og apríl dróst saman um 4,6% að raunvirði og launavísitalan hækkaði um 0,2% í maí, samkvæmt tölum sem Hagstofan birti í síðustu viku.

27. júní 2024

Verðbólga í takt við væntingar – lækkar í 5,8%

Vísitala neysluverðs hækkaði um 0,48% á milli mánaða í júní og við það lækkaði ársverðbólga úr 6,2% í 5,8%. Reiknuð húsaleiga, hækkandi flugfargjöld til útlanda og verðhækkun á hótelgistingu höfðu mest áhrif til hækkunar á vísitölunni. Á móti lækkaði verð á fötum og skóm, húsgögnum og heimilisbúnaði og ökutækjum á milli mánaða í júní.

25. júní 2024

Velta í hagkerfinu minnkar á milli ára

Velta samkvæmt virðisaukaskattsskýrslum dróst saman um 4,6% að raunvirði í mars og apríl og um 2% í janúar og febrúar samkvæmt nýbirtum gögnum Hagstofunnar. Þróunin er ólík eftir útflutningsgreinum. Ferðaþjónusta eykst lítillega á milli ára, velta í sjávarútvegi og álframleiðslu minnkar en velta í lyfjaframleiðslu eykst til muna.

25. júní 2024

Merki um lítilsháttar kólnun á vinnumarkaði

Atvinnuleysi er nú aðeins meira en á sama tíma í fyrra og laun hækka minna. Nýbirt launavísitala sýnir 0,2% hækkun á milli mánaða í maí og hafa laun nú hækkað um 6,7% á síðustu tólf mánuðum. Allar líkur eru á að á þessu ári hækki laun mun minna en á síðasta ári, enda hafa nýir kjarasamningar minni hækkanir í för með sér en þeir síðustu.

24. júní 2024

Vikubyrjun 24. júní 2024

Vísitala íbúðaverðs hækkaði um 1,4% í maí og vísitala leiguverðs um 3,2% samkvæmt gögnum sem bárust í síðustu viku. Englandsbanki hélt vöxtum óbreyttum á meðan svissneski seðlabankinn lækkaði vexti um 0,25 prósentustig. Eftirtektarverðasta innlenda hagtalan sem birtist í þessari viku er eflaust vísitala neysluverðs sem Hagstofan birtir á fimmtudaginn.

19. júní 2024

Vísitala íbúðaverðs á hraðri uppleið

Vísitala íbúðaverðs hækkaði um 1,4% á milli mánaða í maí. Nafnverð íbúða er 8,4% hærra en á sama tíma í fyrra og raunverð íbúða er 4% hærra. Undirritaðir kaupsamningar um íbúðir á höfuðborgarsvæðinu voru 150% fleiri í maí á þessu ári en í maí í fyrra.

18. júní 2024

Vikubyrjun 18. júní 2024

Í síðustu viku fengum við tölur um atvinnuleysi, fjölda ferðamanna og greiðslukortaveltu hér á landi í maí. Seðlabanki Bandaríkjanna hélt vöxtum óbreyttum. Síðar í dag birtir HMS vísitölu íbúðaverðs.

14. júní 2024

Óvæntur kraftur í kortaveltu í maí

Kortavelta íslenskra heimila jókst á milli ára í maí, bæði innanlands og erlendis. Síðustu mánuði hefur kortavelta nær alltaf dregist saman á milli ára en eykst nú meira en hún hefur gert frá því í janúar 2023. Þessi aukna kortavelta vekur athygli í þrálátu hávaxtastigi og samdrætti í hagkerfinu á fyrsta ársfjórðungi.

Ís­lend­ing­ar aldrei eytt meiru er­lend­is

Lesa Hagsjána í heild:

Íslendingar aldrei eytt meiru erlendis