Samkvæmt nýbirtum tölum Þjóðskrár Íslands hækkaði íbúðaverð á höfuðborgarsvæðinu að meðaltali um 0,8% milli október og nóvember. Verð á fjölbýli hækkaði um 0,9% og verð á sérbýli um 0,5%. 12 mánaða hækkun íbúðaverðs mælist nú 7,2% og hefur ekki verið hærri síðan í mars 2018. Frá því í júlí hafa verðhækkanir mælst nokkuð miklar milli mánaða, nálægt 1%, en voru til samanburðar 0,4% að jafnaði milli mánaða á fyrri hluta árs. Þessi umskipti á fasteignamarkaði má að líkindum rekja til vaxtalækkana sem gripið var til við upphaf Covid-19-faraldursins.
Almennt verðlag, án húsnæðiskostnaðar, hækkaði um 0,1% milli mánaða í nóvember og hækkaði raunverð íbúða því um 0,7% milli mánaða. Raunverð hefur hækkað stöðugt síðan í júlí og mælist 12 mánaða hækkun þess nú 2,9%. Íbúðaverð er því farið að hækka hraðar en verðlag annarra vara, þó munurinn sé minni en oft á árum áður.
Tölur síðustu mánaða benda til þess að eftirspurn hafi aukist verulega eftir íbúðarhúsnæði, enda lánskjör hagstæðari nú en oft áður. Mikið hefur verið byggt á síðustu árum af nýju húsnæði sem kemur sér vel þegar eftirspurn tekur jafn hressilega við sér og nú.
Við gerum ráð fyrir því að eftirspurn haldist áfram nokkuð mikil á meðan hagstæð lánskjör fást og því er mikilvægt að framboð íbúða til sölu sé einnig tryggt. Staðan virðist nokkuð góð sem stendur, en gæti breyst á næstu misserum með minni fjárfestingu.
Lesa Hagsjána í heild
![Evrópsk verslunargata](https://images.prismic.io/landsbankinn/e83ba1d5-c520-4007-8926-cb75f4fd86b8_iStock-1388039756-Holland-verslunargata.jpg?fit=max&w=3840&&q=50)
![Hús í Reykjavík](https://images.prismic.io/landsbankinn/5024e55f-16d3-43f9-b606-ab01dbe5921f_hus-reykjavik-1920.jpg?fit=max&w=3840&&q=50)
![Gönguleið](https://images.prismic.io/landsbankinn/33cdc5f2-10ba-4d29-a88e-3db117f83c02_Gullfoss-gonguleid.jpg?fit=max&w=3840&&q=50)
![Fataverslun](https://images.prismic.io/landsbankinn/1da63ef3-f754-4e33-85b0-ae3d774b3971_Fataverslun.jpg?fit=max&w=3840&&q=50)
![](https://images.prismic.io/landsbankinn/a923b976-0b6c-45a6-b7b7-b7efbe46320a_Landsbankinn_Irma_Abstrakt_016.jpg?fit=max&w=3840&rect=397,396,745,559&q=50)
![](https://images.prismic.io/landsbankinn/028a0757-28f9-4183-b615-499104716808_Landsbankinn_Irma_Abstrakt_018.jpg?fit=max&w=3840&rect=0,140,1168,876&q=50)
![Litríkir bolir á fataslá](https://images.prismic.io/landsbankinn/0715ffd5-f0a2-446e-bbf1-561d88cd1730_Fataverslun-bolir-varasamt-kortagengi.jpg?fit=max&w=3840&rect=240,0,1440,1080&q=50)
![Flugvél á flugvelli](https://images.prismic.io/landsbankinn/c68d10e5-e50c-4447-8778-bd06a35cab8f_Jet-Brussels-iStock-1161966623.jpg?fit=max&w=3840&rect=1119,770,2455,1841&q=50)
![](https://images.prismic.io/landsbankinn/2fffc01a-44b7-44ee-bdc1-b8bd2c29c1ea_5.jpg?fit=max&w=3840&rect=55,0,1708,1281&q=50)
![Bílar](https://images.prismic.io/landsbankinn/135415c5-fb94-4d8d-8130-b0c165cf7c82_LB_Brimborg_Festi_V4A9178_1920.jpg?fit=max&w=3840&rect=94,295,1305,979&q=50)