Hag­sjá: Auk­ið fram­boð af nýju hús­næði – en minna selst

Samkvæmt síðustu mánaðarskýrslu Íbúðalánasjóðs (ÍLS) voru í kringum 1.500 nýjar íbúðir settar á söluskrá á höfuðborgarsvæðinu seinni hluta ársins 2018. Samkvæmt gögnum úr verðsjá Þjóðskrár Íslands seldust um 440 nýjar íbúðir á sama tíma. Séu tölur ÍLS og Þjóðskrár skoðaðar í samhengi verður ekki betur séð en að óseldar íbúðir á höfuðborgarsvæðinu skipti hundruðum.
14. mars 2019

Samantekt

Samkvæmt síðustu mánaðarskýrslu Íbúðalánasjóðs (ÍLS) voru í kringum 1.500 nýjar íbúðir settar á söluskrá á höfuðborgarsvæðinu seinni hluta ársins 2018. Samkvæmt gögnum úr verðsjá Þjóðskrár Íslands seldust um 440 nýjar íbúðir á sama tíma. Samkvæmt tölum ÍLS komu um 300 nýjar íbúðir í sölu í janúar 2019. Á fyrstu tveimur mánuðum ársins hafa um 80 nýjar íbúðir verið seldar, en sú tala kann að hækka.

Eins og margoft hefur verið bent á í Hagsjám er mikill skortur á áreiðanlegum upplýsingum um hversu mikið húsnæði er í byggingu. Þessar tölur frá ÍLS sýna hversu margar nýjar íbúðir eru settar inn á markaðinn og eru það mikilvægar upplýsingar.

Séu tölur ÍLS og Þjóðskrár skoðaðar í samhengi verður ekki betur séð en að óseldar íbúðir á höfuðborgarsvæðinu skipti hundruðum.

Töluverð umræða hefur verið um sölutregðu á nýbyggðum íbúðum á miðsvæðum Reykjavíkur en miðað við þessar tölur er þessi vandi væntanlega almennur. Lengi hafa verið uppi kenningar um að hér væri í miklum mæli verið að byggja tegundir íbúða sem lítil eftirspurn væri eftir. Tölurnar hér að framan benda til þess að eitthvað sé til í þessum kenningum.

Samkvæmt verðsjá Þjóðskrár voru nýjar íbúðir um 14% af sölu íbúða á höfuðborgarsvæðinu í fyrra. Þetta var töluverð aukning frá árinu áður þegar um 10% seldra íbúða voru nýjar. Sé litið til fyrstu tveggja mánaða ársins virðast um 13% af seldum íbúðum hafa verið nýjar, en þar er ekki um endanlegar tölur að ræða.

Á árinu 2018 voru nýjar seldar íbúðir á höfuðborgarsvæðinu að jafnaði 4% stærri en þær eldri sem var mikil breyting frá 2017 þegar þær nýju voru um 18% stærri. Meðalstærð nýrra íbúða minnkaði úr því að vera 116 m2 á árinu 2017 niður í að vera um 103 m2 á árinu 2018. Þessi meðalstærð er þó væntanlega mun hærri en markaðurinn vill sjá ef tekið er mið af umræðu um þessi mál.

Verð nýrra seldra íbúða á höfuðborgarsvæðinu hækkaði um 5,9% á milli áranna 2017 og 2018 en þær eldri hækkuðu um 4,2%. Þá voru nýjar íbúðir að jafnaði um 15% dýrari á fermetra en þær eldri á árinu 2017 og um 17% dýrari á árinu 2018. Sé hins vegar litið á þær tölur sem komnar eru fyrir fyrstu tvo mánuði ársins 2019 virðast eldri íbúðir nær ekkert hafa hækkað miðað við sama tíma í fyrra, en þær nýju hækkað um 6-7%. Þær tölur gætu hins vegar breyst.

Þrátt fyrir að líklega sé mikið af óseldu nýju húsnæði til á höfuðborgarsvæðinu virðist verð nýrra íbúða enn fara hækkandi, sé tekið mið af verðsjá Þjóðskrár Íslands. Markaðurinn var tiltölulega rólegur á árinu 2018 og virðast nýjar íbúðir frekar hafa haldið verðinu uppi.

Engar fastbundnar tillögur hafa komið fram af hálfu stjórnvalda um aðkomu að húsnæðismálahluta komandi kjarasamninga. Mikil ánægja ríkti með niðurstöður starfshóps um málið, sem birt var fyrir nokkrum vikum, en engar nákvæmar tímasetningar eða fjárhæðir voru settar fram á þeim tíma. Því má segja að margnefndur „húsnæðispakki stjórnvalda“ sé ekki enn kominn fram.

Fjöldi viðskipta á fasteignamarkaði hefur á síðustu mánuðum verið svipaður og verið hefur lengi. Það virðist því ekki vera þannig að mikil óvissa í tengslum við kjarasamninga og hagþróun almennt hafi haft mikil áhrif á markaðinn.

Lesa Hagsjána í heild

Hagsjá: Aukið framboð af nýju húsnæði – en minna selst (PDF)

Þú gætir einnig haft áhuga á
Fataverslun
10. júlí 2024
Spáum að verðbólga aukist lítillega og verði 5,9% í júlí 
Við spáum því að vísitala neysluverðs hækki um 0,15% á milli mánaða í júlí og að verðbólga aukist úr 5,8% í 5,9%. Við gerum ráð fyrir að júlímánuður verði nokkuð dæmigerður þar sem sumarútsölur verða til lækkunar á vísitölunni en flugfargjöld til útlanda til hækkunar. Við spáum nokkurn veginn óbreyttri verðbólgu í ágúst og september, en að verðbólga hjaðni í 5,4% í október. 
8. júlí 2024
Vikubyrjun 8. júlí 2024
Hátt vaxtastig hefur hvatt til sparnaðar og hægt á eftirspurn í hagkerfinu. Innlán heimila voru 20% meiri í maí síðastliðnum en í maí í fyrra, samkvæmt nýbirtum Hagvísum Seðlabanka Íslands. Óbundin innlán hafa aukist langmest.
1. júlí 2024
Fréttabréf Hagfræðideildar 1. júlí 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
Litríkir bolir á fataslá
1. júlí 2024
Vikubyrjun 1. júlí 2024
Vísitala neysluverðs hækkaði um 0,48% í júní. Verðbólga mældist því 5,8% og lækkaði úr 6,2%. Velta samkvæmt virðisaukaskattsskýrslum í mars og apríl dróst saman um 4,6% að raunvirði og launavísitalan hækkaði um 0,2% í maí, samkvæmt tölum sem Hagstofan birti í síðustu viku.
Flugvél á flugvelli
27. júní 2024
Verðbólga í takt við væntingar – lækkar í 5,8%
Vísitala neysluverðs hækkaði um 0,48% á milli mánaða í júní og við það lækkaði ársverðbólga úr 6,2% í 5,8%. Reiknuð húsaleiga, hækkandi flugfargjöld til útlanda og verðhækkun á hótelgistingu höfðu mest áhrif til hækkunar á vísitölunni. Á móti lækkaði verð á fötum og skóm, húsgögnum og heimilisbúnaði og ökutækjum á milli mánaða í júní.
25. júní 2024
Velta í hagkerfinu minnkar á milli ára
Velta samkvæmt virðisaukaskattsskýrslum dróst saman um 4,6% að raunvirði í mars og apríl og um 2% í janúar og febrúar samkvæmt nýbirtum gögnum Hagstofunnar. Þróunin er ólík eftir útflutningsgreinum. Ferðaþjónusta eykst lítillega á milli ára, velta í sjávarútvegi og álframleiðslu minnkar en velta í lyfjaframleiðslu eykst til muna.
Bílar
25. júní 2024
Merki um lítilsháttar kólnun á vinnumarkaði
Atvinnuleysi er nú aðeins meira en á sama tíma í fyrra og laun hækka minna. Nýbirt launavísitala sýnir 0,2% hækkun á milli mánaða í maí og hafa laun nú hækkað um 6,7% á síðustu tólf mánuðum. Allar líkur eru á að á þessu ári hækki laun mun minna en á síðasta ári, enda hafa nýir kjarasamningar minni hækkanir í för með sér en þeir síðustu.
Paprika
24. júní 2024
Vikubyrjun 24. júní 2024
Vísitala íbúðaverðs hækkaði um 1,4% í maí og vísitala leiguverðs um 3,2% samkvæmt gögnum sem bárust í síðustu viku. Englandsbanki hélt vöxtum óbreyttum á meðan svissneski seðlabankinn lækkaði vexti um 0,25 prósentustig. Eftirtektarverðasta innlenda hagtalan sem birtist í þessari viku er eflaust vísitala neysluverðs sem Hagstofan birtir á fimmtudaginn.
Fjölbýlishús
19. júní 2024
Vísitala íbúðaverðs á hraðri uppleið
Vísitala íbúðaverðs hækkaði um 1,4% á milli mánaða í maí. Nafnverð íbúða er 8,4% hærra en á sama tíma í fyrra og raunverð íbúða er 4% hærra. Undirritaðir kaupsamningar um íbúðir á höfuðborgarsvæðinu voru 150% fleiri í maí á þessu ári en í maí í fyrra.  
Krani með stiga
18. júní 2024
Vikubyrjun 18. júní 2024
Í síðustu viku fengum við tölur um atvinnuleysi, fjölda ferðamanna og greiðslukortaveltu hér á landi í maí. Seðlabanki Bandaríkjanna hélt vöxtum óbreyttum. Síðar í dag birtir HMS vísitölu íbúðaverðs.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur