Krafturinn í hagkerfinu var lítillega meiri á síðasta ári en áður var talið. Hagstofan áætlar að hagvöxtur hafi verið 0,6% fyrir árið í heild, aðallega drifinn áfram af aukinni fjárfestingu í atvinnuvegum og íbúðarhúsnæði. Í nýjustu hagspá okkar frá því í október spáðum við 0,1% samdrætti á árinu og flestir aðrir greiningaraðilar spáðu einnig lítils háttar samdrætti. Hagstofan uppfærði landsframleiðslu á fyrstu þremur fjórðungum ársins 2024 og árið 2023 upp á við.
Verðbólga þróaðist áfram í rétta átt í febrúar og fór úr 4,6% í 4,2%. Hjöðnunin var nokkurn veginn í takt við spár, þótt matvöruverð hafi hækkað umfram okkar væntingar og föt og skór minna en við bjuggumst við. Við gerum ráð fyrir áframhaldandi hjöðnun í mars og að verðbólgan komist niður í 3,9%.
Peningastefnunefnd tilkynnir um vaxtaákvörðun 19. mars og febrúarverðbólgan verður sú nýjasta sem nefndin hefur í höndunum. Þótt hagstæð þróun verðbólgu gæti opnað á möguleikann á að nefndin lækki vexti um aðra 50 punkta í mars gæti krafturinn í hagkerfinu og síaukin kortavelta landsmanna vegið á móti. Í því samhengi er einnig vert að minnast á veglegt stökk í vísitölu íbúðaverðs í janúar, sem þó mátti rekja til verðhækkunar á sérbýli og gefur því takmarkaða vísbendingu um undirliggjandi þrýsting.
Kennarar undirrituðu kjarasamning í lok mánaðarins eftir harða deilu við samninganefnd sveitarfélaganna. Samkvæmt samningnum fá kennarar um 24% launahækkun á fjórum árum, þó nokkuð umfram aðra hópa, og segja má að viðbrögð forsvarsmanna annarra hópa á vinnumarkaði hafi verið eftir því. Raski samningarnir þeirri sátt sem náðst hefur á vinnumarkaði gæti það haft í för með sér aukna óvissu og jafnvel aukna verðbólgu til lengri tíma. Opinber gögn bera þess merki að áfram slakni á spennu á vinnumarkaði og eftirspurn eftir vinnuafli hefur gefið eftir. Atvinnuleysi jókst töluvert í janúar, í 4,2%, og gæti haldið áfram að aukast í febrúar og mars.
Lesa fréttabréfið í heild:
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
