Erlendir markaðir upp en sá íslenski niður í nóvember

Nokkuð kröftugar hækkanir voru á hlutabréfamörkuðum helstu viðskiptalanda Íslands í nóvember og lá hækkunin á bilinu 3,1-8,9% en meðalhækkunin var 6,4%. Þróunin hér heima skar sig verulega frá en íslenski hlutabréfamarkaðurinn lækkaði um 0,4% í mánuðinum. Hagstæðar verðbólgutölur í Bandaríkjunum höfðu mikil jákvæð áhrif á verðþróun í Bandaríkjunum og komu þau áhrif einnig fram hér á landi, en þó ekki með jafn afgerandi hætti.

6. desember 2022 - Hagfræðideild

2/3 félaga lækkaði í verði

Vísitala Aðallista Kauphallarinnar lækkaði um 0,4% í nóvember og kom sú lækkun í kjölfar 5,2% hækkunar í október. Um 14 félög af 22 á Aðallistanum, eða 2 af hverjum 3 félögum, lækkuðu í verði. 7 félög hækkuðu í verði og 1 félag stóð í stað. Mesta lækkunin var hjá Iceland Seafood eða 8,2% en félagið er með verstu 12 mánaða ávöxtun í kauphöllinni eða -55%. Næstmesta lækkunin var hjá Icelandair Group eða 6,9%. Þar á eftir kom Skel fjárfestingarfélag með 6,7% lækkun. Þrátt fyrir þá lækkun er 12 mánaða ávöxtun Skeljar sú næstmesta eða 22,1%. Stærsta félagið í Kauphöllinni, Marel, hækkaði mest eða um 8,3% en Marel hefur hins vegar lækkað næstmest í Kauphöllinni á eftir Iceland Seafood á síðustu 12 mánuðum eða um 33,4%. Næstmesta hækkunin var hjá Brim eða 7,8%. Þriðja mesta hækkunin var svo hjá Kviku banka eða 3,9%. Bréf Sýnar stóðu í stað í mánuðinum.

Rúmlega helmingur þeirra félaga sem hafa verið skráð lengur en 12 mánuði á hlutabréfamarkaðnum hér heima (10 félög) eru með jákvæða ávöxtun á síðustu 12 mánuðum. Mesta hækkunin hefur verið á Origo (28,6%), Skel fjárfestingarfélagi (22,1%) og Síldarvinnslunni (18,4%). Mesta lækkunin er sem fyrr segir á bréfum Iceland Seafood (-54,9%), Marel (-33,4%) og Kviku banka (-24,8%).

Íslenski markaðurinn lækkaði en aðrir markaðir hækkuðu

Verðþróunin á íslenska markaðnum skar sig verulega frá verðþróun hlutabréfamarkaða helstu viðskiptalanda. Þannig hækkuðu markaðir á bilinu 3,1-8,9% og var hækkunin að meðaltali 6,4%. Íslenski markaðurinn lækkaði hins vegar um 0,4%. Verðþróun hlutabréfa í Bandaríkjunum var mjög kaflaskipt í nóvember. Tölur um verðbólgu í Bandaríkjunum í október birtust 10. nóvember og voru þær nokkuð hagstæðari en markaðurinn hafði gert ráð fyrir. Áhrif þess voru mikil og jákvæð á markaðinn. Frá upphafi nóvembermánaðar og fram að birtingu verðbólgutalna lækkaði bandaríski markaðurinn um 3,2%. Frá því tölurnar birtust og fram að mánaðamótum hækkaði markaðurinn um 8,8%. Heildarhækkunin yfir mánuðinn var því 5,4%. Íslenski markaðurinn, sem hefur fylgt þeim bandaríska töluvert náið eftir á síðustu misserum, lækkaði um 3,4% fram að verðbólgutölunum og hækkaði svo um 3,4% eftir verðbólgutölurnar. Íslenski markaðurinn virðist hafa elt þann bandaríska með ákveðnari hætti en aðrir markaðir en ekki urðu jafn kaflaskiptar breytingar á þeim eins og þeim íslenska fyrir og eftir þessar verðbólgutölur.

Norski markaðurinn sá eini með jákvæða ávöxtun á síðustu 12 mánuðum

Síðustu 12 mánuði hefur ávöxtun hlutabréfamarkaða verið neikvæð víðast hvar á meðal viðskiptalanda okkar. Sé litið til helstu viðskiptalanda Íslands mælist jákvæð ávöxtun einungis á norska, japanska og breska markaðnum á síðustu 12 mánuðum. Ávöxtunin er mest í Noregi (8,2%) en síðan kemur Japan (3%) og Bretland (2,8%). Mesta lækkunin er í Þýskalandi (-20,1%), Svíþjóð (-18,5%) og í Bandaríkjunum (-10,7%). Lækkunin hér á landi er -11,2%.

Fyrirvari

Innihald og form þessarar greiningar er unnið af starfsfólki Hagfræðideildar Landsbankans hf. (hagfraedideild@landsbankinn.is) og byggist á aðgengilegum opinberum upplýsingum á þeim tíma sem greiningin var unnin. Mat á þeim upplýsingum endurspeglar skoðanir starfsfólks Hagfræðideildar Landsbankans á þeim degi þegar greiningin er dagsett, en þær geta breyst án fyrirvara.

Landsbankinn hf. og starfsfólk hans taka ekki ábyrgð á viðskiptum sem byggð eru á þeim upplýsingum og skoðunum sem hér eru settar fram, enda eru þær ekki veittar sem persónuleg ráðgjöf fyrir einstök viðskipti.

Bent skal á að Landsbankinn hf. getur á hverjum tíma haft beinna eða óbeinna hagsmuna að gæta, ýmist sjálfur, dótturfélög hans eða fyrir hönd viðskiptavina, s.s. sem fjárfestir, lánardrottinn eða þjónustuaðili. Greiningar eru engu að síður unnar sjálfstætt af Hagfræðideild Landsbankans og innan Landsbankans eru í gildi reglur um aðskilnað starfssviða sem eru aðgengilegar á vef bankans.

Þú gætir einnig haft áhuga á

25. sept. 2023

Vikubyrjun 25. september 2023

Vísitala íbúðaverðs á höfuðborgarsvæðinu hækkaði um 0,7% milli mánaða í ágúst, samkvæmt gögnum sem HMS birti í síðustu viku. Vísitalan lækkaði þó nokkuð í júní og júlí og hækkunin kom því nokkuð á óvart. Í næstu viku ber hæst birting Hagstofunnar á vísitölu neysluverðs á fimmtudag.

20. sept. 2023

Vísitala íbúðaverðs hækkar lítillega og verðbólguspáin með

Vísitala íbúðaverðs hækkaði um 0,7% milli mánaða í ágúst. Árshækkun vísitölunnar fór úr 0,8% í 2,0%. Undirritaðir kaupsamningar á höfuðborgarsvæðinu voru 9,6% færri í júlí en í sama mánuði í fyrra. Vísitalan er hærri en við gerðum ráð fyrir við gerð verðbólguspár fyrir septembermánuð og því færum við hana upp og spáum 7,8% ársverðbólgu í stað 7,7%.

18. sept. 2023

Aukinn þjónustuútflutningur skýrist allur af vexti ferðaþjónustu

Um 282 þúsund erlendir ferðamenn fóru um Keflavíkurflugvöll í ágúst. Ef sumarmánuðirnir eru teknir saman hafa aðeins einu sinni komið fleiri ferðamenn að sumri, árið 2018. Samkvæmt nýjustu þjóðhagsreikningum Hagstofunnar jókst þjónustuútflutningur á fyrstu tveimur fjórðungum ársins um 21%, og má rekja allan þann vöxt til ferðaþjónustunnar.

18. sept. 2023

Vikubyrjun 18. september 2023

Í síðustu viku komu tölur um brottfarir frá Leifsstöð, skráð atvinnuleysi og veltu greiðslukorta. Í þessari viku ber hæst vísitala íbúðaverðs, sem kemur á þriðjudag, og yfirlýsing fjármálastöðugleikanefndar Seðlabanka Íslands, sem gefin verður út á miðvikudaginn.

15. sept. 2023

Frekari merki um hægari takt

Nýjar kortaveltutölur bera með sér frekari vísbendingar um að verulega sé að hægja á innlendri eftirspurn. Heildarkortavelta íslenskra heimila dróst saman um 3,4% milli ára í ágúst. Kortavelta Íslendinga innanlands var 4,3% minni en í ágúst í fyrra á föstu verðlagi og hefur nú dregist saman sex mánuði í röð. Erlendis jókst kortavelta Íslendinga um 0,7% á milli ára og kortaveltujöfnuður er jákvæður um 19,2 milljarða.

14. sept. 2023

Spáum 7,7% verðbólgu í september

Við spáum því að vísitala neysluverðs hækki um 0,07% milli mánaða í september og að ársverðbólga standi í stað og verði áfram 7,7%. Útsölulok hafa aftur mest áhrif til hækkunar milli mánaða í september samkvæmt spánni. Það sem helst dregur spána niður er árstíðabundin lækkun á flugfargjöldum til útlanda. Við gerum ráð fyrir að verðbólga lækki áfram næstu mánuði og verði 6,6% í desember.

11. sept. 2023

Vikubyrjun 11. september 2023

Í síðustu viku birti Seðlabankinn fundargerð peningastefnunefndar. Samkvæmt henni greiddi einn nefndarmaður atkvæði gegn tillögu seðlabankastjóra um að hækka vexti um 0,50 prósentustig á síðasta fundi nefndarinnar og hefði heldur kosið að hækka þá um 0,25 prósentustig. Í þessari viku berast gögn yfir fjölda brottfara um Leifsstöð, skráð atvinnuleysi og kortaveltu.

4. sept. 2023

Mánaðaryfirlit yfir sértryggð skuldabréf - ágúst 2023

Meðfylgjandi er mánaðarlegt yfirlit um sértryggð skuldabréf.

4. sept. 2023

Vikubyrjun 4. september 2023

Verðbólga jókst úr 7,6% í 7,7% samkvæmt ágústmælingu Hagstofunnar. Hagvöxtur mældist 4,5% á öðrum ársfjórðungi samkvæmt nýjum þjóðhagsreikningum sem Hagstofan birti í vikunni, en hagvöxtur á fyrsta ársfjórðungi mældist 7,1%. Minni vöxtur einkaneyslu skýrir að stórum hluta minni hagvöxt á öðrum ársfjórðungi.

31. ágúst 2023

Hægir á hagvexti og einkaneysla á mann dregst saman