Dró úr hagvexti á fjórða ársfjórðungi
Samkvæmt bráðabirgðamati Hagstofu Íslands jókst landsframleiðslan um 4,4% á fjórða ársfjórðungi borið saman við sama tímabil árið áður. Þetta var þriðji ársfjórðungurinn í röð með jákvæðum hagvexti og er frekari staðfesting á því að hagkerfið er að koma sér upp úr öldudalnum.
28. febrúar 2022 - Hagfræðideild
Hagvöxtur nam 4,3% á síðasta ári en það er nokkuð minna en við og Seðlabankinn höfðum spáð. Spá okkar frá því í október hljóðaði upp á 5,1% hagvöxt en spá Seðlabankans frá því fyrr í þessum mánuði hljóðaði upp á 4,9%.
Hagvöxturinn á fjórða fjórðungi var nokkuð minni en á öðrum og þriðja fjórðungi þegar hann lá á bilinu 6,6-6,8%. Minni vöxt en þá má skýra með minni vexti útflutnings og fjárfestingar og meiri vexti innflutnings. Framlag útflutnings til hagvaxtar jákvætt um 5,6% á fjórða fjórðungi en það lá á bilinu 8,8-11,4% á öðrum og þriðja fjórðungi. Framlag fjármunamyndunar var jákvætt um 2,9% á fjórða fjórðungi borið saman við á bilinu 3,3-5,1% á öðrum og þriðja fjórðungi. Framlag einkaneyslu reyndist 6,9% sem er mun meira framlag en á öðrum og þriðja fjórðungi.
Lesa Hagsjána í heild
Þú gætir einnig haft áhuga á
8. júlí 2024
Hátt vaxtastig hefur hvatt til sparnaðar og hægt á eftirspurn í hagkerfinu. Innlán heimila voru 20% meiri í maí síðastliðnum en í maí í fyrra, samkvæmt nýbirtum Hagvísum Seðlabanka Íslands. Óbundin innlán hafa aukist langmest.
1. júlí 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
1. júlí 2024
Vísitala neysluverðs hækkaði um 0,48% í júní. Verðbólga mældist því 5,8% og lækkaði úr 6,2%. Velta samkvæmt virðisaukaskattsskýrslum í mars og apríl dróst saman um 4,6% að raunvirði og launavísitalan hækkaði um 0,2% í maí, samkvæmt tölum sem Hagstofan birti í síðustu viku.
27. júní 2024
Vísitala neysluverðs hækkaði um 0,48% á milli mánaða í júní og við það lækkaði ársverðbólga úr 6,2% í 5,8%. Reiknuð húsaleiga, hækkandi flugfargjöld til útlanda og verðhækkun á hótelgistingu höfðu mest áhrif til hækkunar á vísitölunni. Á móti lækkaði verð á fötum og skóm, húsgögnum og heimilisbúnaði og ökutækjum á milli mánaða í júní.
25. júní 2024
Velta samkvæmt virðisaukaskattsskýrslum dróst saman um 4,6% að raunvirði í mars og apríl og um 2% í janúar og febrúar samkvæmt nýbirtum gögnum Hagstofunnar. Þróunin er ólík eftir útflutningsgreinum. Ferðaþjónusta eykst lítillega á milli ára, velta í sjávarútvegi og álframleiðslu minnkar en velta í lyfjaframleiðslu eykst til muna.
25. júní 2024
Atvinnuleysi er nú aðeins meira en á sama tíma í fyrra og laun hækka minna. Nýbirt launavísitala sýnir 0,2% hækkun á milli mánaða í maí og hafa laun nú hækkað um 6,7% á síðustu tólf mánuðum. Allar líkur eru á að á þessu ári hækki laun mun minna en á síðasta ári, enda hafa nýir kjarasamningar minni hækkanir í för með sér en þeir síðustu.
24. júní 2024
Vísitala íbúðaverðs hækkaði um 1,4% í maí og vísitala leiguverðs um 3,2% samkvæmt gögnum sem bárust í síðustu viku. Englandsbanki hélt vöxtum óbreyttum á meðan svissneski seðlabankinn lækkaði vexti um 0,25 prósentustig. Eftirtektarverðasta innlenda hagtalan sem birtist í þessari viku er eflaust vísitala neysluverðs sem Hagstofan birtir á fimmtudaginn.
19. júní 2024
Vísitala íbúðaverðs hækkaði um 1,4% á milli mánaða í maí. Nafnverð íbúða er 8,4% hærra en á sama tíma í fyrra og raunverð íbúða er 4% hærra. Undirritaðir kaupsamningar um íbúðir á höfuðborgarsvæðinu voru 150% fleiri í maí á þessu ári en í maí í fyrra.
18. júní 2024
Í síðustu viku fengum við tölur um atvinnuleysi, fjölda ferðamanna og greiðslukortaveltu hér á landi í maí. Seðlabanki Bandaríkjanna hélt vöxtum óbreyttum. Síðar í dag birtir HMS vísitölu íbúðaverðs.
14. júní 2024
Kortavelta íslenskra heimila jókst á milli ára í maí, bæði innanlands og erlendis. Síðustu mánuði hefur kortavelta nær alltaf dregist saman á milli ára en eykst nú meira en hún hefur gert frá því í janúar 2023. Þessi aukna kortavelta vekur athygli í þrálátu hávaxtastigi og samdrætti í hagkerfinu á fyrsta ársfjórðungi.