Atvinnuleysi minnkaði áfram í júlí og sú þróun mun halda áfram

Almennt atvinnuleysi var 6,1% í júlí og minnkaði alls staðar á landinu milli júní og júlí. Mest dró úr atvinnuleysi á Suðurnesjum, um 2,8 prósentustig, og svo um 1,4 prósentustig á Suðurlandi. Atvinnuleysi er eftir sem áður mest á Suðurnesjum og á höfuðborgarsvæðinu, en það er ekki lengur tvöfalt meira á Suðurnesjum en á höfuðborgarsvæðinu eins og það var lengi vel.

13. ágúst 2021 - Greiningardeild

Samkvæmt tölum Vinnumálastofnunar var skráð atvinnuleysi í júlí 6,1% af áætluðum fjölda fólks á vinnumarkaði og hafði minnkað úr 7,4% frá því í júní. Um 12.500 manns voru á atvinnuleysisskrá í júlí. Almennt skráð atvinnuleysi náði hámarki í janúar 2021 þegar það var 11,6% (12,8% með skertu starfshlutfalli) og hefur þannig minnkað um 5,5 prósentustig síðan.

Ekki er lengur um að ræða atvinnuleysi sem tengist hlutabótaleið þar sem henni lauk í maí. Því var heildaratvinnuleysi í júní einnig 6,1% samanborið við 7,4% í maí og minnkaði þannig um 1,3 prósentustig milli mánaða. Í júlí 2020 var almennt atvinnuleysi 7,9% og það hefur því minnkað um 1,8 prósentustig á einu ári.

Almennt atvinnuleysi minnkaði alls staðar á landinu milli júní og júlí. Mest dró úr atvinnuleysi á Suðurnesjum, um 2,8 prósentustig, og svo um 1,4 prósentustig á Suðurlandi. Atvinnuleysi er eftir sem áður mest á Suðurnesjum og á höfuðborgarsvæðinu, en það er ekki lengur tvöfalt meira á Suðurnesjum en á höfuðborgarsvæðinu eins og það var lengi vel.

Vinnumálastofnun spáir því að áfram dragi úr almennu atvinnuleysi og að það verði í kringum 5,5% í ágúst, m.a. vegna aukinna umsvifa og sérstaks atvinnuátaks stjórnvalda. Atvinnuleysi hefur nú minnkað sex mánuði í röð og hefur lækkunin verið nokkuð hröð. Atvinnuleysið var hins vegar um 5% í upphafi ársins 2020 og því enn dálítið í land þar til við sjáum aftur svipað atvinnuleysisstig og þá.

Á síðustu árum hefur atvinnuleysi kynjanna þróast með svipuðum hætti sé litið á landið allt. Á árinu 2020 var meðalatvinnuleysi bæði karla og kvenna 7,9%, en árin tvö þar á undan var atvinnuleysi kvenna 0,2-0,3 prósentustigum meira en hjá körlum. Fyrstu sjö mánuði ársins 2021 hefur atvinnuleysi karla verið 9,5% að meðaltali og 9,7% meðal kvenna. Á milli júní og júlí minnkaði atvinnuleysi karla á landinu öllu um 1,2 prósentustig á meðan það minnkaði um 1,3 prósentustig meðal kvenna. Atvinnuleysi karla var 5,8% í júlí og 6,5% meðal kvenna.

Þrátt fyrir áföll í baráttunni við faraldurinn lítur áfram út fyrir að frekar dragi úr atvinnuleysi í þessari kreppu. Staðan hér innanlands hefur ekki enn haft mikil neikvæð áhrif á komur ferðamanna til landsins, hvað sem kann að verða. Eins og áður skiptir baráttan við faraldurinn í helstu viðskiptalöndum okkar miklu og má þar t.d. nefna hvenær yfirvöld í Bandaríkjunum opna á flug til og frá Evrópu.

Lesa Hagsjána í heild

Hagsjá: Atvinnuleysi minnkaði áfram í júlí og sú þróun mun halda áfram

Þú gætir einnig haft áhuga á

16. mars 2026

Vikubyrjun 16. mars 2026

Við spáum því að peningastefnunefnd hækki vexti á miðvikudaginn. Verðbólguhorfur hafa versnað upp á síðkastið sem sést meðal annars í niðurstöðum úr könnun á verðbólguvæntingum heimila og fyrirtækja sem Seðlabankinn birti í síðustu viku. Við hækkuðum einnig verðbólguspá okkar í síðustu viku.

12. mars 2026

Spáum hækkun stýrivaxta í næstu viku

Við spáum því að í næstu viku muni peningastefnunefnd Seðlabanka Íslands hækka vexti um 0,25 prósentustig. Verðbólga hefur aukist meira en spár gerðu ráð fyrir og verðbólguvæntingar hafa einnig aukist. Ólga hefur aukist á alþjóðlegum mörkuðum vegnastríðsátaka í Mið-Austurlöndum sem eykur verðbólguþrýsting.

12. mars 2026

Spáum 5,4% verðbólgu í mars

Við spáum því að vísitala neysluverðs hækki um 0,55% á milli mánaða í mars. Gangi spáin eftir mun verðbólga hækka úr 5,2% í 5,4%. Hærra eldsneytisverð, sem rekja má til átakanna í Mið-Austurlöndum, skýrir að stærstum hluta þá hækkun verðbólgu á milli mánaða sem við spáum. Óljóst er hversu lengi átökin munu standa yfir og hversu langvinn áhrifin á verðbólgu hér á landi verða. Mikið er undir verðbólgumælingum næstu mánaða en forsendur í kjarasamingum á almennum vinnumarkaði byggja á að verðbólga mælist undir 4,7% í ágúst, eða að hún mælist að meðaltali undir 4,4% sex mánuði þar á undan. Auknar líkur eru á því að þær forsendur haldi ekki.

9. mars 2026

Verulegur halli á viðskiptum við útlönd í fyrra

Verulegur halli mældist á viðskiptum við útlönd í fyrra. Erlend staða þjóðarbúsins versnaði á síðasta ári, en er engu að síðar mjög sterk. Krónan veiktist á móti evru í fyrra, en styrktist á móti bandaríkjadal. Sterk staða útflutningsgreina gæti stutt við krónuna á þessu ári þó órói á alþjóðasviðinu auki óvissuna.

9. mars 2026

Vikubyrjun 9. mars 2026

Talsvert minni halli var á viðskiptum við útlönd á fyrsta ársfjórðungi ársins en á sama fjórðungi árið áður. Í vikunni fáum við ferðamannatölur og skráð atvinnuleysi.

6. mars 2026

Atvinnuleysi ólíkt eftir hópum

Atvinnuleysi mjakast upp, störfum er hætt að fjölga og minni eftirspurn er eftir vinnuafli en áður. Aukið atvinnuleysi síðustu mánuði má þó nánast eingöngu rekja til erlends vinnuafls. Atvinnuleysi hefur lítið breyst meðal Íslendinga og er lítið í alþjóðlegum samanburði. Þrátt fyrir kólnun á vinnumarkaði hefur kaupmáttur launa aukist og einkaneysla haldist sterk, en það hefur stutt við eftirspurn og viðhaldið verðbólguþrýstingi.

2. mars 2026

Mánaðamót 2. mars 2026

Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.

2. mars 2026

Vikubyrjun 2. mars 2026

Samkvæmt bráðabirgðatölum Hagstofunnar var hagvöxtur á síðasta ári 1,3%, en 0,6% samdráttur mældist á fjórða ársfjórðungi. Verðbólga hélst óbreytt á milli mánaða í febrúar og mælist 5,2%. Velta skv. VSK-skýrslum dróst saman á tímabilinu nóv-des í öllum þremur stóru útflutningsgeirunum.

27. feb. 2026

Hagvöxtur í fyrra drifinn áfram af einkaneyslu

Landsframleiðsla jókst um 1,3% á milli ára að raunvirði í fyrra, en dróst saman um 0,6% á fjórða ársfjórðungi. Einkaneysla var mjög sterk bæði á árinu í heild og á fjórða ársfjórðungi. Fjármunamyndun og innflutningur litaðist af uppbyggingu á gagnaverum, sem var þó nokkur á fyrri hluta árs, en minnkaði á þriðja ársfjórðungi og var lítil á þeim fjórða.

26. feb. 2026

Undirliggjandi þrýstingur eykst þrátt fyrir óbreytta verðbólgu

Verðbólga stóð í stað í febrúar og mælist áfram 5,2%. Vísitala neysluverðs hækkaði töluvert meira í febrúar en við spáðum. Mesta frávik frá okkar spá er vegna flugfargjalda til útlanda sem hækkuðu töluvert, en flestir liðir hækkuðu aðeins meira en við spáðum. Reiknuð húsaleiga hækkaði þó minna og Hagstofan leiðrétti verðmælingar á eldsneyti í janúar sem kemur til lækkunar nú, en hefði átt að þýða minni verðbólga í janúar.

Vefkökur

At­vinnu­leysi minnk­aði áfram í júlí og sú þró­un mun halda áfram

Lesa Hagsjána í heild

Atvinnuleysi minnkaði áfram í júlí og sú þróun mun halda áfram