Atvinnuleysi jókst lítillega í janúar - í fyrsta skipti í langan tíma
![Gönguleið](https://images.prismic.io/landsbankinn/33cdc5f2-10ba-4d29-a88e-3db117f83c02_Gullfoss-gonguleid.jpg?fit=max&w=3840&rect=0,623,6000,3375&q=50)
Samkvæmt tölum Vinnumálastofnunar var skráð atvinnuleysi í janúar 5,2% af áætluðum fjölda fólks á vinnumarkaði og jókst um 0,3 prósentustig frá því í desember. Það voru 10.541 á atvinnuleysisskrá í lok janúar. Skráð atvinnuleysi náði hámarki í janúar 2021 þegar það var 11,6% og hefur því minnkað um 6,4 prósentustig á einu ári.
Vinnumálastofnun spáir því að atvinnuleysi muni verða svipað í janúarmánuði og verði rúmlega 5%. Atvinnuleysi er nú álíka og það var í upphafi ársins 2020, áður en faraldurinn skall á.
Atvinnuleysi jókst alls staðar á milli desember og janúar. Atvinnuleysi jókst mest um 0,4 prósentustig á Norðurlandi eystra. Atvinnuleysi er eftir sem áður langmest á Suðurnesjum og á höfuðborgarsvæðinu, en það hefur nú verið undir 10% á Suðurnesjum í sex mánuði, en hæst fór það í 24,5% í janúar 2021. Atvinnuleysi kvenna á Suðurnesjum var þó áfram 10,1% í janúar og jókst um 0,1 prósentustig milli mánaða.
Atvinnuleysi bæði karla og kvenna jókst á milli desember og janúar. Aukningin var eilítið meiri meðal karla. Atvinnuleysi karla í janúar var 5,4% á meðan það var 5,0% meðal kvenna. Atvinnuleysi meðal kvenna var meira en karla fram eftir árinu 2021, en í nóvember tóku karlarnir fram úr og hefur munurinn aukist lítillega síðan þá.
Munurinn á atvinnuleysi karla og kvenna er mestur á Suðurlandi, en þar er hann 1,5 prósentustig konum í óhag. Á höfuðborgarsvæðinu er atvinnuleysi karla 0,7 prósentustigum meira en kvenna og ráða þær tölur auðvitað miklu um niðurstöðuna fyrir landið allt.
Miðað við stöðuna í lok mánaðar fjölgaði atvinnulausum í flestum atvinnugreinum milli desember og janúar. Fjölgunin var mest í gisti- og veitingaþjónustu. Í öðrum atvinnugreinum var fjölgun atvinnulausra almennt á bilinu 1% til 4%. Atvinnulausum fækkaði aftur á móti í farþegaflutningum með flugi og lítilsháttar í sjávarútvegi milli desember og janúar.
Hlutfall erlendra ríkisborgara á atvinnuleysisskrá var um 42% í janúar og hefur aukist úr um 40% frá sumri 2021. Flestir almennir atvinnuleitendur sem hafa erlendan ríkisborgararétt komu frá Póllandi, eða um 48% allra erlendra ríkisborgara á atvinnuleysisskrá. Næstir í röðinni koma Litháar, Lettar, Rúmenar og Spánverjar.
Lesa Hagsjána í heild:
Hagsjá: Atvinnuleysi jókst lítillega í janúar - í fyrsta skipti í langan tíma
![](https://images.prismic.io/landsbankinn/a923b976-0b6c-45a6-b7b7-b7efbe46320a_Landsbankinn_Irma_Abstrakt_016.jpg?fit=max&w=3840&rect=397,396,745,559&q=50)
![](https://images.prismic.io/landsbankinn/028a0757-28f9-4183-b615-499104716808_Landsbankinn_Irma_Abstrakt_018.jpg?fit=max&w=3840&rect=0,140,1168,876&q=50)
![Litríkir bolir á fataslá](https://images.prismic.io/landsbankinn/0715ffd5-f0a2-446e-bbf1-561d88cd1730_Fataverslun-bolir-varasamt-kortagengi.jpg?fit=max&w=3840&rect=240,0,1440,1080&q=50)
![Flugvél á flugvelli](https://images.prismic.io/landsbankinn/c68d10e5-e50c-4447-8778-bd06a35cab8f_Jet-Brussels-iStock-1161966623.jpg?fit=max&w=3840&rect=1119,770,2455,1841&q=50)
![](https://images.prismic.io/landsbankinn/2fffc01a-44b7-44ee-bdc1-b8bd2c29c1ea_5.jpg?fit=max&w=3840&rect=55,0,1708,1281&q=50)
![Bílar](https://images.prismic.io/landsbankinn/135415c5-fb94-4d8d-8130-b0c165cf7c82_LB_Brimborg_Festi_V4A9178_1920.jpg?fit=max&w=3840&rect=94,295,1305,979&q=50)
![Paprika](https://images.prismic.io/landsbankinn/a06f0e51-f8d7-4614-95bf-d3f9a1b06eba_Paprika-iStock-518590344-2020.jpg?fit=max&w=3840&rect=210,0,1600,1200&q=50)
![Fjölbýlishús](https://images.prismic.io/landsbankinn/d1432608-ac46-49b6-b68a-6f93b661de51_Fjolbylishus-nylegt.jpg?fit=max&w=3840&rect=371,405,853,640&q=50)
![Krani með stiga](https://images.prismic.io/landsbankinn/77bfc8fa-18ef-4436-87e4-b0ba22c46e1b_Krani-med-stiga.jpg?fit=max&w=3840&rect=157,0,2493,1870&q=50)
![Strönd](https://images.prismic.io/landsbankinn/e7bb6ded-8c84-494c-9fab-7d306deb67ff_strandlengja.jpg?fit=max&w=3840&rect=1909,691,3185,2389&q=50)