Aldrei of snemmt að byrja að spara
Þegar kemur að því að taka bílpróf eða kaupa bíl, hefja framhaldsnám, ferðast eða jafnvel kaupa fyrstu íbúðina getur sparnaðurinn skipt verulegu máli. En það getur verið erfitt að komast í gang. Hér eru nokkur einföld sparnaðarráð til að koma sparnaðarmálunum á hreyfingu.
- Ef þú veist fyrir hverju þú ætlar að spara er gott að setja sér markmið. Hvað þarf ég að spara mikið og hve lengi til að ná markmiðum mínum?
- Þú getur byrjað að spara reglulega og látið það gerast sjálfvirkt í hverjum mánuði í appinu og netbankanum. Það er aldrei of snemmt að byrja að spara og engin fjárhæð er of lág.
- Getur þú hjólað eða gengið í vinnu eða skóla í stað þess að borga í strætó eða eiga og reka bíl?
- Ertu í námi? Getur þú farið með nesti í skólann frekar en að kaupa mat í skólanum eða sjoppunni? Svo getur þú líka sparað með því að drekka vatn með nestinu.
- Þú getur líka ákveðið að setja allar peningagjafir eða tiltekinn hluta af þeim, t.d. helminginn, alltaf í sparnað. Peningagjafir geta t.d. verið fermingar-, afmælis- eða útskriftargjafir, eða eitthvað slíkt.
- Frá 16 ára aldri geta allir sem eru í vinnu nýtt sér viðbótarlífeyrissparnað. Ef þú greiðir 2-4% af heildarlaunum í viðbótarlífeyrissparnað þá færðu aukalega 2% af laununum þínum frá vinnuveitanda sem mótframlag. Þessi 2% eru peningar sem þú fengir annars ekki. Þú getur síðan nýtt þér viðbótarlífeyrissparnaðinn til þess að kaupa þína fyrstu íbúð. Það getur því margborgað sig að skrá sig sem fyrst í viðbótarlífeyrissparnað.
- Tilboð og fríðindakerfi eru góð leið til að kaupa hluti eða greiða fyrir þjónustu á lægra verði. Hefurðu athugað hvaða fríðindakerfi bjóðast?
2.500 krónur á viku = 650.000 krónur á fimm árum
Það á við um sparnað eins og svo margt fleira að margt smátt gerir eitt stórt. Ef þú getur sparað 2.500 krónur (u.þ.b. andvirði einnar skyndibitamáltíðar) á viku í eitt ár hefur þú sparað samtals 130.000 krónur. Á fimm árum hefur sú upphæð hækkað í 650.000 krónur.
Þegar byrjað er að spara og fjárhæðin hækkar verður það oftast til þess að maður vill gera enn betur; fara að eyða í sparnað frekar en að kaupa sér hluti sem maður þarfnast ekki eða eyða í óþarfa. Vantar mig virkilega hlutinn? Vil ég eyða peningnum núna, frekar en að nota hann seinna í eitthvað sem nýtist betur og veitir meiri ánægju?
Finnum réttu sparnaðarleiðina fyrir þig
Við bjóðum upp á margar leiðir til að hjálpa þér að spara. Þú getur líka pantað tíma í ráðgjöf þegar þér hentar.
Hvort sem þú vilt spara til lengri eða skemmri tíma getur þú fundið reikning sem hentar þér. Við bjóðum verðtryggða, óverðtryggða, bundna og óbundna reikninga.
Í netbankanum er einfalt að gerast áskrifandi að verðbréfasjóðum.
Það er auðvelt að byrja að spara í appinu. Þar getur þú líka stofnað sameiginlegan sparnaðar með fjölskyldu eða vinum og saman getið þið fylgst með sparnaðnum vaxa.
Þú getur stofnað viðbótarlífeyrissparnað hjá Íslenska lífeyrissjóðnum á vefnum okkar.
