Ýmis bankaþjónusta er í boði fyrir börn og unglinga og skýrar reglur gilda um fjármál þeirra.
- Börn 9-13 ára geta fengið aðgang að appinu og netbankanum með samþykki foreldra eða forsjáraðila. Slíkur aðgangur veitir þeim aðgengi að öllum sínum reikningum og kortum.
- Börn og unglingar eiga peningana sína sjálf og því er mikilvægt að fjármunir þeirra séu geymdir á reikningum í þeirra nafni. Börn og unglingar geta fengið veltureikning og sparireikning í eigin nafni.
- Börn og unglingar geta fengið debetkort sem er tengt við veltureikninginn þeirra og fyrirframgreitt kort sem er í eigu forsjáraðila en þau eru handhafar að.
Foreldrar barns, sem fara með forsjá þess, eða aðrir þeir sem falin hefur verið forsjá barns samkvæmt barnalögum fara með fjárhald þess samkvæmt lögræðislögum nr. 71/1997. Því fá forsjáraðilar sjálfkrafa skoðunaraðgang að reikningum barna sinna. Þegar barn nær 18 ára aldri verður það fjárráða og þá fellur aðgangur forsjáraðila sjálfkrafa niður.
Almennt um meðferð fjármuna ófjárráða barna
Hvernig stofna ég reikning og kort fyrir barn?
Ef barnið á rafræn skilríki er einfalt að stofna til viðskipta í Landsbankaappinu en þá stofnast samhliða debetkort og reikningur. Til að stofna bankareikning í nafni barns getur forsjáraðili, sem er í viðskiptum hjá bankanum, stofnað reikning í gegnum netbankann eða í appinu. Einnig er hægt að koma í næsta útibú og fá aðstoð við að klára málið en þá þarf forsjáraðili að hafa með sér vegabréf eða ökuskírteini. Ef forsjáraðilar vilja stofna fyrirframgreitt kort fyrir barnið er einfalt að gera það í appinu.
Unglingur sem hefur náð 13 ára aldri getur stofnað reikninga og debetkort í gegnum appið og netbankann á einfaldan hátt.
Fjármálalæsi
Það er mikilvægt er að börn læri snemma að umgangast peninga af ábyrgð t.d. með því að halda utan um spariféð á sparireikning sem ber hærri vexti en veltureikningar. Því leggjum við mikla áherslu á að kenna þeim fjármálalæsi, m.a. í gegnum Klassa, þjónustu sem er sérsniðin að þörfum barna og unglinga á aldrinum 9-15 ára. Svo eru Sprotarnir vinsælt app sem Landsbankinn gaf út til að leiðbeina yngri börnum í fjármálum.
Fáðu ráðgjöf
Þú getur alltaf pantað tíma hjá ráðgjöfum okkar, hvort sem er í næsta útibúi eða með því að panta símtal frá okkur. Við getum þá farið yfir fjármálin þín og svarað spurningum. Þjónustuverið aðstoðar líka með alla helstu bankaþjónustu í síma 410 4000 og í gegnum netspjallið hér á vefnum.
Greinin birtist fyrst í desember 2020 og var síðast uppfærð í mars 2023.
