Rafræn skilríki eru persónuskilríki sem notuð eru í rafrænum viðskiptum. Þau eru einföld og örugg leið til innskráningar í netbanka einstaklinga og eru einnig notuð til undirritunar á netinu. Rafræn undirritun hefur sama lagalegt gildi og hefðbundin undirskrift.

Rafræn skilríki eru vistuð á SIM-kortum í farsímum og eru auðveld í notkun því einungis þarf farsíma og PIN-númer sem notandinn velur sjálfur við virkjun skilríkjanna.

Til að sækja um kort og reikning rafrænt þarf að hafa rafræn skilríki. Þú getur alltaf pantað tíma í næsta útibúi til að fá rafræn skilríki.

Það er hægt að staðfesta forsjá einstaklinga undir 18 ára á mitt.audkenni.is ef viðskiptavinur yngri en 18 ára vill mæta sjálft til að virkja rafrænu skilríkin sín án þess að forráðamaður komi með.

Sé veltureikningur til staðar getur forráðamaður eða viðskiptavinur 13 ára og eldri fengið debetkort með því að hafa samband við þjónustuver eða panta tíma. Plúskort eða fyrirframgreidd kreditkort eru líka í boði fyrir 16 ára og eldri.

Við mælum með að ná í Landsbankaappið til að fylgjast með stöðu kortsins.

Ákvarðanir um fjármál eru mikilvægur þáttur í lífi fólks óháð aldri en við höfum tekið saman reglur sem gilda um meðferð fjármuni barna hér.

Þú getur stofnað reikning í netbanka einstaklinga fyrir börn yngri en 18 ára ef þau eru í sama fjölskyldunúmeri. Ef ekki er búið að svara áreiðanleikakönnun fyrir barnið þá koma þær spurningar sjálfkrafa upp í netbankanum við stofnun reikningsins. Þar sem eingöngu má veita forráðamönnum upplýsingar um reikninga barna er ekki hægt að gera nýstofnaðan reikning sýnilegan í netbanka þess sem stofnar, þar sem ekki liggja fyrir upplýsingar um forræði barnsins innan fjölskyldunúmersins. Reikningsnúmerið birtist samt sem áður strax í Eftirlætis viðtakendum í Innlendum millifærslum í netbankanum. Þjónustuverið aðstoðar forráðamenn við að birta reikninginn í netbankanum.

Hafa samband

Ófjárráða einstaklingar hafa aðgang að öllum sínum reikningum og kortum í gegnum netbankann og appið.

Foreldrar barns eða aðrir sem fara með forsjá þess eru einnig fjárhaldsaðilar barnsins samkvæmt lögum. Við notum rafræna upplýsingaskrá Þjóðskrár um forsjá og vensl til þess að tryggja að bankinn sé með réttar upplýsingar hverju sinni. Forsjáraðilar fá sjálfkrafa skoðunaraðgang að bankareikningum barna sinna sem eru yngri en 18 ára og aðgangurinn fellur einnig sjálfkrafa niður við 18 ára aldur barns. Skoðunaraðgangurinn er sjálfgefinn og ekki er hægt að fella hann niður.