Áhrifa­rík leið til ávöxt­un­ar

Ef þú kaupir í sjóði er fjárfestingin þín ekki háð verðbreytingu á einu stöku verðbréfi, heldur safni verðbréfa - allra verðbréfanna sem eru í sjóðnum. Auk þess er skattalegt hagræði af því að fjárfesta í sjóði þar sem þú greiðir ekki fjármagnstekjuskatt af viðskiptum innan sjóðsins. Þú greiðir einungis fjármagnstekjuskatt þegar þú selur eign þína.

Það er einfaldast og ódýrast að kaupa í gegnum netbankann. Þú getur keypt þegar þér hentar eða skráð þig í mánaðarlega áskrift.

Þegar þú hefur valið sjóð smellir þú á „Kaupa“. Þú klárar kaupin í þremur einföldum skrefum. 

1.       Smelltu á „Kaupa“ fyrir aftan nafn sjóðs

2.       Skráðu fjárhæð, veldu stök kaup eða áskrift og veldu svo úttektarreikning

3.       Smelltu á „Kaupa í sjóði“

Nú birtist yfirlit yfir viðskiptafyrirmæli í vinnslu efst á verðbréfasíðunni.

Viðskiptin eru því næst gerð upp. Oftast er uppgjörstíminn tveir dagar en í Veltubréfum er hann einn dagur.

Þú getur einnig hringt í ráðgjafa okkar í Verðbréfa- og lífeyrisþjónustu í síma 410 4040 eða komið við í næsta útibúi.

Þú getur selt eign þína í sjóðum þegar þér hentar. Það er einfaldast að selja í netbankanum. Líkt og við kaup þá er ákveðinn uppgjörstími við sölu, oftast tveir dagar.  

Þú getur einnig hringt í ráðgjafa okkar í Verðbréfa- og lífeyrisþjónustu í síma 410 4040 eða komið við í næsta útibúi.

Lágmarksupphæð við kaup í sjóðum er 10.000 kr. Ef þú skráir þig í reglubundinn sparnað í sjóði, sem er mánaðarleg áskrift, þá er lágmarkið 5.000 kr. á mánuði.

Helsti munurinn á verðbréfasjóði og fjárfestingarsjóði er að það eru rýmri fjárfestingarheimildir í fjárfestingarsjóðum en verðbréfasjóðum. Fjárfestingu í sjóðum fylgir ávallt áhætta þar sem gengi þeirra getur bæði hækkað og lækkað, t.d. vegna verðbreytinga á eignum sjóðanna og vegna gengisflökts gjaldmiðla þegar eignir sjóða eru í erlendum gjaldmiðlum.  

Þú getur skoðað fjárfestingarheimildir hvers sjóðs í útboðslýsingu, upplýsingablaði og lykilupplýsingum sjóðsins.

Þú þarft ekki að hafa sérþekkingu til að kaupa í verðbréfasjóði. Verðbréfasjóðir flokkast sem einfaldir fjármálagerningar og fjárfesting í þeim stendur öllum til boða.  

Þú þarft að þekkja helstu áhættuþætti fjárfestingarsjóðs áður en þú kaupir í honum, samkvæmt lögum. Helstu áhættuþætti hvers sjóðs finnur þú í upplýsingablaði hans.

Helsti munurinn á verðbréfa- og fjárfestingarsjóðum er að fjárfestingarheimildir fjárfestingarsjóða eru rýmri.

Þú geta skoðað fjárfestingarheimildir hvers sjóðs í útboðslýsingu, upplýsingablaði og lykilupplýsingum sjóðsins.

Einfaldast leiðin til að spara reglulega í sjóðum er að skrá sig í mánaðarlega áskrift. Í mánaðarlegri áskrift er keypt fyrir ákveðna fjárhæð mánaðarlega og er reikningurinn þinn skuldfærður fyrir viðskiptunum. Ekkert gjald er við kaup þegar þú ert í mánaðarlegri áskrift, auk þess sem afsláttur er veittur af afgreiðslugjaldi.

Það eina sem þú þarft að gera er að stofna mánaðarlega áskrift í netbankanum og ákveða fjárhæð, við sjáum um rest.

Áður en þú kaupir í sjóði þarft þú að samþykkja viðskiptaskilmála um þjónustu á sviði verðbréfaviðskipta. Það er auðveldast að gera það í netbankanum, en þar birtist samþykktarferli þegar þú velur verðbréfaflipa netbankans. 

Þú getur einnig hringt í ráðgjafa okkar í Verðbréfa- og lífeyrisþjónustu í síma 410 4040 eða komið við í næsta útibúi.

Geymslusafn er verðbréfareikningur sem Landsbankinn geymir verðbréfaeign þína á.

Gjald við kaup og afgreiðslugjald er viðskiptaþóknun sem greidd er við kaup í sjóðum. Gjald við kaup er mismunandi eftir sjóðum, sjá nánar í gjaldskrá bankans.

Við veitum 25% afslátt af gjaldi við kaup og 50% afslátt af afgreiðslugjaldi þegar þú framkvæmir viðskipti í netbankanum.

Í mánaðarlegri áskrift fellum við niður gjald við kaup og afgreiðslugjald er 100 kr.

Afgreiðslugjald er einungis greitt við sölu.

Árleg umsýsluþóknun sjóða er einskonar árgjald sjóðanna sem dekkar kostnað við rekstur sjóðsins. Umsýsluþóknunin reiknast inn í gengi sjóðanna og er því ekki innheimt sérstaklega.

Vörsluþóknun er árgjald sem þú greiðir vegna vörslu verðbréfa. Þú greiðir ekki vörsluþóknun fyrir vörslu sjóða Landsbréfa.

Sjóðaviðskipti þín eru gerð upp einum til þremur viðskiptadögum eftir að þú sendir viðskiptafyrirmæli í gegnum netbankann. Uppgjörstími sjóða er oftast tveir viðskiptadagar. Fyrir Veltubréf er uppgjörstíminn þó einn viðskiptadagur og í erlendum hlutabréfasjóðum er hann þrír viðskiptadagar.

Landsbréf eru dótturfélag Landsbankans. Landsbréf reka meðal annars verðbréfa- og fjárfestingarsjóði sem Landsbankinn býður viðskiptavinum sínum að fjárfesta í. Sjóðirnir hafa allir mismunandi fjárfestingarstefnur og þar með mismunandi ávöxtun og áhættu. Landsbréf hafa starfsleyfi á Íslandi sem rekstrarfélag verðbréfasjóða og sem rekstraraðili sérhæfðra sjóða og lúta eftirliti Fjármálaeftirlits Seðlabanka Íslands.