Viðskiptavinir Landsbankans tóku Apple Pay fagnandi

Apple Pay fór fyrst í loftið í Bandaríkjunum í október 2014. Fyrir um einum mánuði, í byrjun maí 2019, þegar Landsbankinn og Arion banki buðu viðskiptavinum sínum að nota lausnina, varð Ísland 38. Apple Pay-landið. En hvað er Apple Pay og af hverju var lausnin svo lengi að ná Íslandsströndum?

11. júní 2019

Bretar voru fyrsta þjóðin utan Bandaríkjanna til að taka Apple Pay í notkun, strax sumarið 2015. Löndin bættust svo við hvert af öðru: Kanada, Ástralía og Kína komu næst. Danmörk, Finnland og Svíþjóð bættust við 2017 og Noregur 2018. Ísland var því síðast Norðurlandanna en þó á undan ýmsum töluvert stærri Evrópuríkjum, s.s. Portúgal og Hollandi (enginn metingur samt, eða þannig).

Seinagangurinn, ef svo má segja, við að innleiða Apple Pay hérlendis var ekki vegna áhugaleysis innlendra fyrirtækja, síður en svo. Landsbankinn hafði t.a.m. sent Apple nokkur skilaboð til að lýsa áhuga á greiðslulausninni allt frá árinu 2014 og það hafa örugglega fleiri íslensk fyrirtæki gert. Fátt var þó um svör fyrr en haustið 2018 þegar tölvupóstur kom frá Apple um að það hygðist hefja undirbúning að innleiðingu Apple Pay í samvinnu við áhugasama samstarfsaðila hér á landi. Byggðist ákvörðun Apple m.a. á því hversu hátt hlutfall greiðslukortafærslna eru gerðar með snertilausum hætti og útbreiðslu posa með snertilausa virkni.

Ekkert mátti leka út um Apple Pay

Um leið hófst mikil vinna við undirbúning. Gæta þurfti þess að ekkert læki út um fyrirætlan Apple og bandaríska stórfyrirtækið krafðist algjörs trúnaðar um að opna ætti fyrir Apple Pay hér á landi. Ekkert mátti fréttast um málið fyrr en lausnin yrði sett í loftið. Í viðtali við mbl.is í maí 2019 lýsti Helgi Teitur Helgason, framkvæmdastjóri Einstaklingssviðs, undirbúningnum og þeim stífu kröfum sem Apple gerir til samstarfsfyrirtækja. Ekki er kveikt á Apple Pay fyrr en samstarfsfyrirtæki hafa uppfyllt allar kröfur Apple.

Viðtalið við Helga Teit á mbl.is

Það var síðan þann 8. maí 2019 sem Landsbankinn varð annar tveggja banka á Íslandi sem bauð viðskiptavinum sínum upp á að greiða með Apple Pay. Óhætt er að segja að viðtökurnar hafa verið góðar og greinilegt er að margir Apple-notendur höfðu beðið óþreyjufullir eftir að geta nýtt sér þennan möguleika.

Hvað er Apple Pay?

Apple Pay gerir Apple-notendum kleift að greiða með Apple-tækjum, þ.e. iPhone, iPad, Apple-úri og Apple-tölvu, á sama hátt og með greiðslukorti.Eigendur Apple-tækja þurfa að skrá greiðslukort í Apple Wallet, app sem fylgir öllum Apple-tækjum. Hægt er að ljúka skráningu á tvo vegu, annars vegar með tengingu úr Landsbankaappinu og hins vegar í gegnum Wallet með því að taka mynd af korti. Þegar greiðslukort hefur verið skráð er hægt að nota greiðslulausnina Apple Pay til að greiða í posa, í vafra eða í gegnum öpp eins og Best Buy, Starbucks, Instacart og Target. Auðkenning við greiðslu með farsíma á sér stað í símtækinu sjálfu en ekki með innslætti á posa og fjárhæðin sem hægt er að greiða ræðst af heimildinni á greiðslukortinu sjálfu. Það eru því engin fjárhæðartakmörk líkt og á við um snertilausar greiðslur með greiðslukortum.

Apple Pay öruggara en greiðslukort

Apple Pay er þægileg greiðslulausn sem virkar í Apple-tækjum og er öruggari greiðslulausn en notkun á plastkorti og greiðslukortanúmeri. Við skráningu greiðslukorts í Apple Wallet er útbúið sýndarnúmer (e. token) sem notað er í staðinn fyrir kortanúmer þegar greitt er með Apple Pay. Engar upplýsingar um kortanúmer eru vistaðar á tækinu eða hjá Apple. Þetta er gert til að auka öryggi og gerir óprúttnum aðilum ómögulegt að komast yfir kortanúmer viðskiptavina. Samskipti snjalltækis og posa vegna greiðslunnar byggist á sýndarnúmerinu sem er einkvæmt og útbúið með breytilegum hætti.

Hvorki korthafar sem borga með Apple Pay né kaupmenn sem taka við greiðslum með Apple Pay bera neinn viðbótarkostnað þess vegna. Kostnaðurinn er sá sami og þegar greitt er með hefðbundnu greiðslukorti.

Þegar þetta er ritað hafa um 13% af korthöfum Landsbankans skráð kortin sín í Apple Pay og þeim fjölgar með degi hverjum. Það er því ljóst þetta er Íslendingum kærkomin nýjung.

Apple gefur ekki upp hversu margir notendur eru að Apple Pay greiðslulausninni en árið 2016 sendi Apple frá sér þær upplýsingar að um milljón nýir notenda bættust við hópinn í hverri viku. Einnig var gefið upp að Apple-notendur hefðu greitt milljarða Bandaríkjadala með Apple Pay og greiðslumagnið hefði tvöfaldast á milli seinni hluta ársins 2015 og fyrri hluta ársins 2016. (Skv. Wikipedia).

Guðlaug er sérfræðingur á Einstaklingssviði Landsbankans.

Þú gætir einnig haft áhuga á

2. sept. 2026

Afnemum verðtrygginguna - skref fyrir skref

Verðtrygging íbúðalána er mannanna verk og það er hægt að hverfa frá henni með því að bjóða upp á fjölbreyttari valkosti án verðtryggingar.

7. ágúst 2026

Öryggi og frelsi til að vera

Hinsegin félagsmiðstöðin fékk hæsta styrkinn sem úthlutað var úr Gleðigöngupotti Landsbankans og Hinsegin daga í ár. Miðstöðin hefur verið styrkþegi áður og haldið merkjum hinsegin ungmenna á lofti í gleðigöngunni. Í ár gefst tvöfalt tilefni til að mæta í gönguna með læti, glimmer og kæti, því Hinsegin félagsmiðstöðin fagnar líka 10 ára starfsafmæli sínu!

5. júní 2026

Fasteignamarkaður milli steins og sleggju

Í nýrri skýrslu sem unnin var fyrir Landsbankann af Reykjavík Economics kemur fram að fasteignamarkaðurinn er á milli steins og sleggju. Vextir eru háir, óvissa er í efnahagsmálum og lengri tíma tekur að selja eignir.

8. maí 2026

Fermingar háannatími í hraðbönkum

Það kemur líklega fáum á óvart að meira sé um að fólk taki út peninga í hraðbönkum í kringum fermingar, enda er algengt að fermingarbörn fái reiðufé í fermingargjöf. En hversu mikið meira?

26. mars 2026

Minna flækjustig og fleiri tækifæri í grænum útlánum

Áhrifaríkasta aðferðin sem fjármálafyrirtæki hafa til að auka sjálfbærni er að beina fjármagni á rétta staði.

4. mars 2026

Sýnum stuðning okkar í verki

Okkur í Landsbankanum þykir vænt um að auglýsingaherferðin sem við settum í loftið til að vekja athygli á góðum árangri íslenska landsliðsins í knattspyrnu fyrir EM kvenna skuli hafa fengið þrjár tilnefningar til Lúðursins. Úrslit verða tilkynnt föstudaginn 6. mars og við bíðum spennt!

13. jan. 2026

Sögulegir atburðir komast ekki alltaf í sögubækurnar

Dagatal Landsbankans fyrir árið 2026 er tileinkað ýmsum sögulegum atburðum á Íslandi sem skiptu ekki endilega stórmáli í efnahags- og stjórnmálasögu landsins en eru samt sem áður bæði merkilegir og mikilvægir. Við fengum myndlistarmanninn Þorvald Jónsson til að gera nokkrum slíkum atburðum skil.

4. des. 2025

Sparnaðarráð Grýlu

Það er svo ótalmargt sem gerir tilkall til okkar um jólin að tíminn er af skornum skammti. Það tekur tíma að skipuleggja, versla, þrífa, baka, mæta á allar jólaskemmtanir og fylgjast nógu vel með jólabókaflóðinu til að vera gjaldgeng á kaffistofunni eða í saumaklúbbnum ... Hvernig eigum við að finna tíma fyrir þetta allt? Við hringdum í vin – Grýlu.

6. nóv. 2025

Hamborgartréð - saga samfélagsbreytinga og þakklætis

Saga Hamborgartrésins er hógvær, en á vissan hátt bæði breytingasaga Reykjavíkur og falleg jólasaga gjafmildi og þakklætis.

28. okt. 2025

Íbúðalán Landsbankans og fyrstu kaupendur

Við í Landsbankanum kynntum föstudaginn 24. október 2025 breytingar á framboði bankans á íbúðalánum í kjölfar dóms Hæstaréttar í vaxtamáli gegn Íslandsbanka.