Vikubyrjun 9. mars
Þrátt fyrir veruleg áföll í útflutningsatvinnuvegum á síðasta ári jókst afgangur af viðskiptum við útlönd milli ára. Þar lagðist ýmislegt á eitt. Innflutningur dróst saman milli ára, einnig var útflutningur á skipum og flugvélum verulegur, en meðal annars seldi Wow air fjórar þotur til Air Canada áður en félagið fór í þrot.
6. mars 2020
Vikan framundan
- Eftir lokun markaða í dag birta Lánamál ríkisins mánaðarlegt rit sitt, Markaðsupplýsingar.
- Á þriðjudag birtir Ferðamálastofa talningu á fjölda erlendra ferðamanna um Leifsstöð.
- Á föstudag birtir Seðlabankinn tölur um greiðslumiðlun og Vinnumálastofnun tölur um skráð atvinnuleysi.
Mynd vikunnar
Þrátt fyrir veruleg áföll í útflutningsatvinnuvegum á síðasta ári jókst afgangur af viðskiptum við útlönd milli ára. Þar lagðist ýmislegt á eitt. Innflutningur dróst saman milli ára, einnig var útflutningur á skipum og flugvélum verulegur, en meðal annars seldi WOW air fjórar þotur til Air Canada áður en félagið fór í þrot. Mikil aukning var á tekjum af innlendum hugverkaréttindum erlendis, sem má líklegast rekja til tekna af innlendum lyfja- og rannsóknarleyfum. Loks var samdráttur á hagnaði af beinum erlendum fjárfestingum hér á landi, en slíkur hagnaður kemur til frádráttar við útreikning á viðskiptajöfnuði.
Það helsta frá vikunni sem leið
- Á síðasta ári var 172 ma. kr. afgangur af viðskiptum við útlönd og jókst afgangurinn um 86 ma. kr. milli ára.
- Íslenska krónan veiktist um 2,3% á móti evrunni í febrúar.
- Atvinnuleysi hefur aukist og ýmis merki eru um kólnandi vinnumarkað.
- Gistinóttum á hótelum hér á landi fjölgaði um 7,2% milli ára í janúar.
- Verð íslenskra sjávarafurða mælt í erlendri mynt hækkaði um 8% milli ára í fyrra.
- Fjármálaeftirlit Seðlabanka Íslands birti upplýsingar um heildareignir lífeyrissjóða miðað við árslok 2019.
- Raungengi íslensku krónunnar var 1,2% lægra í febrúar en sama mánuði árið áður.
- Aflaverðmæti íslenskra skipa jókst um 17 ma. kr. milli ára í fyrra.
- Tvær tilkynningar um hópuppsagnir bárust Vinnumálastofnun í febrúar.
- Heimavellir stækkuðu tvo skuldabréfaflokka, Orkuveita Reykjavíkur lauk útboði á grænum skuldabréfum og Arion banki lauk útboði sértryggðra skuldabréfa.
Hagtölur og markaðsupplýsingar
Þú gætir einnig haft áhuga á
29. apríl 2026
Vísitala neysluverðs hækkaði um 0,81% og lækkar verðbólga við það úr 5,4% í 5,2%. Við höfðum spáð því að verðbólga myndi hækka í 5,5%. Mestu munaði að flugfargjöld hækkuðu nokkuð minna í apríl en við höfðum spáð. Eldsneytisverð hefur áfram mest áhrif til hækkunar á milli mánaða. Mælingin eykur líkur á því að Seðlabankinn taki minna hækkunarskref í maí.
27. apríl 2026
Hátt vaxtastig, ströng lánþegaskilyrði og breytt lánaframboð hafa dregið úr verðhækkunum á íbúðamarkaði. Raunverð íbúða hefur nú lækkað nokkra mánuði í röð og við gerum ráð fyrir að sú þróun haldi áfram. Framboð íbúða til sölu hefur aukist hratt og birgðatími hefur lengst, sérstaklega á nýjum íbúðum.
27. apríl 2026
Árshækkun vísitölu íbúðaverðs mældist 2,6% og vísitölu leiguverðs 6,3% í mars. Velta skv. VSK-skýrslum dróst saman að raunvirði á milli ára á VSK-tímabilinu jan-feb. Á miðvikudag birtir Hagstofan aprílmælingu vísitölu neysluverðs. Við spáum því að verðbólga hækki úr 5,4% í 5,5%.
22. apríl 2026
Velta samkvæmt virðisaukaskattsskýrslum dróst saman um 5% að raunvirði í janúar og febrúar, samkvæmt nýbirtum gögnum Hagstofunnar. Þá sýna nýleg gögn um fjölda starfandi að verulega hefur dregið úr fjölgun starfa sem stóð í stað á milli ára í febrúar.
20. apríl 2026
Kortavelta jókst um 0,8% á milli ára í mars að raunvirði. Eins og síðustu mánuði jókst kortavelta erlendis talsvert en þetta var annar mánuðurinn í röð þar sem kortavelta innanlands dregst saman. Við spáum hægari vexti í einkaneyslu ásamt hóflegum launahækkunum á næstu árum.
20. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð, samkvæmt hagspá sem við birtum fyrir helgi. Við eigum von á hægfara hjöðnun verðbólgu og að stýrivextir haldi áfram að hækka á árinu.
17. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð. Við sjáum merki um slaka á vinnumarkaði með auknu atvinnuleysi og minni eftirspurn fyrirtækja eftir starfsfólki. Hærri stýrivextir munu valda því að sú staða vari lengur en ella.
16. apríl 2026
Við spáum því að vísitala neysluverðs hækki um 1,05% á milli mánaða í apríl. Gangi spáin eftir mun verðbólga hækka úr 5,4% í 5,5%. Hærra eldsneytisverð og hækkun flugfargjalda hafa mest áhrif á hækkun á milli mánaða samkvæmt spánni. Lægri virðisaukaskattur á eldsneyti mun skila tímabundinni lækkun á eldsneytisverði, en áfram er töluverð óvissa um þróun olíuverðs og heildaráhrifa á verðbólgu hér á landi.
13. apríl 2026
Erlendum ferðamönnum fjölgaði um 1,6% á milli ára í mars. Utanlandsferðum Íslendinga hefur fækkað á milli ára alla mánuði ársins. Skráð atvinnuleysi minnkaði um 0,1 prósentustig á milli mánaða og mælist nú 4,8% í mars. Verðbólga í Bandaríkjunum jókst úr 2,4% í 3,3% í mars.
1. apríl 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.