Vikubyrjun 7. júní 2022
Vöxtur útflutnings reyndist vera 28,3% á fyrsta fjórðungi, borið saman við sama fjórðung í fyrra. Um er að ræða meiri vöxt en verið hefur á síðustu fjórðungum utan þriðja fjórðungs á síðasta ári þegar vöxturinn var tæplega þriðjungur. Vöxtinn má fyrst og fremst rekja til mikillar fjölgunar erlendra ferðamanna.
7. júní 2022 - Greiningardeild
Vikan framundan
- Icelandair og PLAY birta flutningstölur fyrir maí í þessari viku.
- Á miðvikudag birtir Seðlabankinn útreikning á raungengi í maí.
- Á fimmtudaginn munu Lánamál ríkisins birta markaðsupplýsingar.
- Á föstudaginn birtir Ferðamálastofa talningu á fjölda ferðamanna um Leifsstöð í maí.
- Í þessari viku heldur hlutafjárútboð Nova Klúbbsins hf. áfram og lýkur á föstudaginn.
Mynd vikunnar
Kröftugur vöxtur mældist á öllum lykilþáttum landsframleiðslunnar, einkaneyslu, fjárfestingu og útflutningi á fyrsta fjórðungi þessa árs. Ferðaþjónustan setur sitt mark á hagvöxtinn en samkvæmt bráðabirgðamati Hagstofu Íslands jókst landsframleiðslan um 8,6% á fyrsta ársfjórðungi borið saman við sama tímabil í fyrra og er þessi vöxtur að miklu leyti borinn áfram af fjölgun ferðamanna, en rúmlega 230 þúsund fleiri ferðamenn komu til landsins á fyrsta fjórðungi þessa árs samanborið við sama tímabil í fyrra. Þetta var fjórði ársfjórðungurinn í röð með jákvæðum hagvexti og er frekari staðfesting á því að hagkerfið sé á réttri leið.
Efnahagsmál
- Vísitala neysluverðs (VNV) hækkaði um 0,77% milli apríl og maí og VNV án húsnæðis hækkaði um 0,42%. Verðbólgan mælist nú 7,6% samanborið við 7,2% í apríl en við teljum að hún nái hámarki í ágúst næstkomandi og verði þá 8,5%.
- Hagstofan birti þjóðhagsreikninga fyrir fyrsta ársfjórðung. Ferðaþjónustan setur sitt mark á hagvöxtinn á fyrsta fjórðungi en fjöldi gistinótta í apríl ríflega fimmfaldaðist milli ára.
- Rúmlega 50 ma.kr. halli var á viðskiptajöfnuði við útlönd á fyrsta ársfjórðungi þessa árs sem er tæplega 6 ma.kr. lakari niðurstaða en ársfjórðunginn á undan, samkvæmt Seðlabankanum.
- Ferðamálastofa birti tölur um hlutfallslega skiptingu brottfarafarþega í maí.
Fjármálamarkaðir
- Lánamál ríkisins luku útboði ríkisvíxla og Arion banki lauk útboði á sértryggðum skuldabréfaflokki.
- Hagar gáfu út ársskýrslu og sjálfbærniuppgjör.
- S&P hækkaði lánshæfismat sértryggðra skuldabréfa Íslandsbanka úr A- í A, en lánshæfismatsfyrirtækið gerði slíkt hið sama við Landsbankann og Arion banka í þarsíðustu viku.
Hagtölur og markaðsupplýsingar
Þú gætir einnig haft áhuga á
26. jan. 2026
Vísitala íbúðaverðs lækkaði um tæplega 1,2% á milli mánaða í desember og á sama tíma lækkaði vísitala leiguverðs um 1,4%. Hagstofan birti vísitölu launa, sem hélst óbreytt á milli mánaða. Á fimmtudag verður vísitala neysluverðs í janúar birt.
19. jan. 2026
Kortavelta heimila heldur áfram að aukast á milli ára en velta erlendra korta hér á landi hefur tekið að dragast saman í takt við fækkun ferðamanna. Í vikunni birtir HMS vísitölu íbúðaverðs, vísitölu leiguverðs og mánaðarskýrslu.
15. jan. 2026
Við spáum því að vísitala neysluverðs hækki um 0,30% á milli mánaða í janúar. Gangi spáin eftir mun verðbólga aukast úr 4,5% í 5,1%. Janúarútsölur hafa mest áhrif til lækkunar í mánuðinum en breytingar á gjaldtöku ökutækja hafa mest áhrif til hækkunar, samkvæmt spánni. Mikil óvissa er þó um hvernig Hagstofan tekur breytingarnar inn í verðmælingar.
13. jan. 2026
Atvinnuástandið hefur versnað smám saman og eftirspurn eftir vinnuafli er minni en áður. Atvinnuleysi hefur aukist hratt og mældist 4,4% í desember, en svo mikið hefur atvinnuleysi ekki mælst í rúmlega þrjú og hálft ár. Þessi þróun styður við markmið Seðlabankans um að draga úr þenslu í hagkerfinu og vinna bug á verðbólgu. Á sama tíma heldur neysla landsmanna áfram að aukast með hverjum mánuðinum, en heildarkortavelta hefur aukist um 6% á fyrstu ellefu mánuðum síðasta árs frá sama tímabili árið áður.
12. jan. 2026
Breytingar á gjaldtöku hins opinbera af rekstri og kaupum ökutækja gætu aukið verðbólgu um 0,7 prósentustig. Óvíst er hvort áhrifin komi fram að öllu leyti í janúar eða dreifist yfir næstu mánuði, en telja má að það velti ekki síst á eftirspurn eftir bílum í byrjun árs.
12. jan. 2026
Skráð atvinnuleysi hélt áfram að aukast í desember og var 0,6 prósentustigum meira en á sama tíma árið áður. Álíka margir erlendir ferðamenn heimsóttu Ísland í fyrra og síðustu tvö ár á undan en utanlandsferðir Íslendinga voru 18% fleiri í fyrra en árið á undan. Þó nokkur óvissa ríkir um verðbólgumælingu janúarmánaðar, ekki síst í tengslum við breytta gjaldtöku á innflutningi og rekstri bíla. Við gefum út verðbólguspá næsta fimmtudag.
5. jan. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
5. jan. 2026
Verðbólgan kom aftan að landsmönnum stuttu fyrir jól og fór úr 3,7% í 4,5%. Verðbólga í desember var aðeins 0,3 prósentustigum minni en í upphafi síðasta árs þegar hún mældist 4,8%. Á sama tímabili lækkuðu stýrivextir um 1,25 prósentustig, úr 8,50% í 7,25%.
22. des. 2025
Verðbólga rauk upp í 4,5% í desember eftir að hafa hjaðnað verulega í nóvember og mælst 3,7%. Rífleg hækkun á flugfargjöldum til útlanda skýrir stóran hluta hækkunarinnar, en einnig töluverð gjaldskrárhækkun á hitaveitu í desember. Aukin verðbólga skýrist þannig af afmörkuðum, sveiflukenndum liðum og ekki er að greina merki um að undirliggjandi verðbólguþrýstingur hafi aukist að ráði.
22. des. 2025
Fasteignamarkaðurinn fer enn kólnandi, ef marka má skýrslu sem HMS gaf út í síðustu viku. Gistinóttum á hótelum fækkaði um 6,6% á milli ára í nóvember. Kaupmáttur ráðstöfunartekna jókst um 1,9% á milli ára á þriðja ársfjórðungi, samkvæmt Hagstofunni. Í dag birtir Hagstofan verðbólgutölur.