5. febrúar 2018
Vikan framundan
- Á morgun birtir Hagstofan bráðabirgðatölur um vöruskipti við útlönd.
- Á miðvikudag er vaxtaákvörðun ásamt útgáfa Peningamála, við gerum ráð fyrir óbreyttum vöxtum. Sama dag birtir Eimskip ársuppgjör fyrir 2017.
- Á föstudag birtir Icelandair ársuppgjör.
Mynd vikunnar
Sem hluti af útreikningi á vísitölu neysluverðs reiknar Hagstofan annars vegar kostnað við að búa í eigin húsnæði (reiknuð húsaleiga) og hins vegar kostnað við að leigja (greidd húsaleiga). Reiknuð húsaleiga er reiknuð út frá fasteignaverði og vöxtum á fasteignalánum á meðan greidd húsaleiga er reiknuð út frá þinglýstum leigusamningum. Eins og sést þá hefur kostnaður við að búa í eigin húsnæði og kostnaður við að leigja þróast með mjög ólíkum hætti síðustu ár.
Það helsta frá vikunni sem leið
- Vísitala neysluverðs lækkaði um 0,09% milli mánaða.
- Samkvæmt vinnumarkaðsrannsókn Hagstofu Íslands var 2,6% atvinnuleysi á 4. ársf.
- Samkvæmt bráðabirgðatölum var 178 ma.kr. halli á vöruskiptum við útlönd í fyrra.
- Gistinóttum á hótelum í desember fjölgaði um 3% milli ára.
- Seðlabanki Evrópu hóf að skrá gengi íslensku krónunnar að nýju, en því var hætt í desember 2008.
- Origo birti ársuppgjör.
- VÍS birti afkomuspá fyrir 2018.
- Landsbankinn hélt víxlaútboð.
- Í vikunni sendum við út Hagsjár um vinnumarkaðinn og þróun launa.
Hagtölur og markaðsupplýsingar
Þú gætir einnig haft áhuga á
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.
7. sept. 2026
Hagkerfið dróst saman um 1,1% á milli ára á öðrum ársfjórðungi. Samkvæmt fundargerð peningastefnunefndar ræddi nefndin að hækka vexti um 0,25 prósentustig eða halda þeim óbreyttum á fundi sínum í ágúst.
1. sept. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. ágúst 2026
Landsframleiðsla dróst saman um 1,1% á milli ára á öðrum ársfjórðungi. Samdráttur í vöruútflutningi, sér í lagi áli og sjávarafurðum skýrir samdráttinn að mestu. Minni vöxtur var í einkaneyslu. Fjárfesting, önnur en atvinnuvega, dróst saman.
31. ágúst 2026
Verðbólga mældist 5,6% í ágúst. Samkvæmt VSK-skýrslum jókst velta í helstu útflutningsgreinum í maí og júní, að ferðaþjónustu undanskilinni. Mörg félög í kauphöllinni birtu uppgjör í síðustu viku. Í dag birtir Hagstofan þjóðhagsreikninga fyrir annan ársfjórðung.
27. ágúst 2026
Vísitala neysluverðs hækkaði um 0,20% á milli mánaða í ágúst og verðbólga hækkar því úr 5,3% í 5,6%. Við spáðum 5,5% verðbólgu í ágúst. Áhrif sólmyrkvans á verðmælingar í mánuðinum voru hóflegri en við höfðum spáð. Verðhækkanir í mánuðinum voru því á breiðari grunni en við gerðum ráð fyrir í spánni. Það er óheppileg þróun, haldi hún áfram.
26. ágúst 2026
Velta í flestum útflutningsreinum jókst í maí og júní að ferðaþjónustu undanskilinni, samkvæmt nýjum VSK-skýrslum. Aukna veltu útflutningsgreina má að miklu leyti rekja til hagfelldrar þróunar á heimsmarkaðsverði frekar en meiri framleiðslu. Á sama tíma sjást merki um kólnun í innlenda hagkerfinu, einkum í greinum sem reiða sig meira á innlenda eftirspurn.
24. ágúst 2026
Peningastefnunefnd hækkaði vexti um 0,25 prósentustig í síðustu viku, eins og við spáðum. Á fimmtudag birtir Hagstofan verðbólgutölur fyrir ágúst, en við spáum því að verðbólga hækki í 5,5%.
21. ágúst 2026
Vísitala íbúðaverðs hækkaði um 0,09% á milli mánaða í júlí. Árshækkun vísitölunnar mælist nú 1,6%, hefur ekki mælst lægri í þrjú ár og er töluvert minni en hækkun á almennu verðlagi. Raunverð íbúða hefur lækkað um 3% á milli ára. Umsvif á íbúðamarkaði hafa einnig dregist saman og velta það sem af er ári hefur verið töluvert minni en á sama tímabili í fyrra.
19. ágúst 2026
Peningastefnunefnd hækkaði meginvexti um 0,25 prósentustig þriðja fundinn í röð og standa þeir nú í 8%. Hægt hefur á efnahagsumsvifum og vísbendingar eru um að undirliggjandi verðbólga sé tekin að hjaðna að mati nefndarinnar. Tónninn var því mun mildari en á síðustu tveimur fundum.