4. júlí 2022 - Greiningardeild
Vikan framundan
- Á miðvikudag birtir Seðlabankinn fundargerð Peningastefnunefndar.
- Á fimmtudag birtir Seðlabankinn útreikning á raungengi í júní.
- Á föstudag gefur Vinnumálastofnun út nýjustu tölur um atvinnuleysi.
- Í vikunni birta bæði PLAY og Icelandair flutningstölur fyrir júní.
Mynd vikunnar
Vísitala neysluverðs hækkaði um 1,4% milli maí og júní og nam 12 mánaða verðbólga 8,8% í júní. Verðbólga án húsnæðis mældist 6,5%. Enn sem fyrr eru það miklar verðhækkanir á fasteignamarkaði sem eru megindrifkraftur verðbólgunnar. Á myndinni sést svokölluð samræmd vísitala neysluverðs fyrir Norðurlöndin, en samræmd vísitala neysluverðs fylgir staðli Hagstofu Evrópu (Eurostat) og er því sambærileg milli landa. Einn helsti munur íslensku neysluverðsvísitölunnar og hinnar samræmdu er að eigið húsnæði er ekki með í þeirri samræmdu. Síðastliðinn maí mældist samræmd vísitala neysluverðs lægst hér á landi en hæst í Danmörku í samanburði við hin Norðurlöndin.
Efnahagsmál
- Vísitala neysluverðs (VNV) hækkaði um 1,4% milli maí og júní og VNV án húsnæðis hækkaði um tæpt 1,1%. Verðbólgan mælist nú 8,8% og hefur ekki verið hærri síðan í október 2009 en við teljum að hún muni ná hámarki í ágúst næstkomandi, verði þá 9,5% en taki svo að hjaðna.
- Seðlabankinn birti Hagvísa, ársfjórðungslegt yfirlit yfir þróun efnahagsmála, safn hagvísa og stöðu fjármálakerfisins.
Fjármálamarkaðir
- Hagar og Ölgerðin birtu ársfjórðungsuppgjör fyrir fyrsta ársfjórðung.
- Lánamál ríkisins birtu ársfjórðungsáætlun.
Hagtölur og markaðsupplýsingar
Þú gætir einnig haft áhuga á
27. ágúst 2026
Vísitala neysluverðs hækkaði um 0,20% á milli mánaða í ágúst og verðbólga hækkar því úr 5,3% í 5,6%. Við spáðum 5,5% verðbólgu í ágúst. Áhrif sólmyrkvans á verðmælingar í mánuðinum voru hóflegri en við höfðum spáð. Verðhækkanir í mánuðinum voru því á breiðari grunni en við gerðum ráð fyrir í spánni. Það er óheppileg þróun, haldi hún áfram.
26. ágúst 2026
Velta í flestum útflutningsreinum jókst í maí og júní að ferðaþjónustu undanskilinni, samkvæmt nýjum VSK-skýrslum. Aukna veltu útflutningsgreina má að miklu leyti rekja til hagfelldrar þróunar á heimsmarkaðsverði frekar en meiri framleiðslu. Á sama tíma sjást merki um kólnun í innlenda hagkerfinu, einkum í greinum sem reiða sig meira á innlenda eftirspurn.
24. ágúst 2026
Peningastefnunefnd hækkaði vexti um 0,25 prósentustig í síðustu viku, eins og við spáðum. Á fimmtudag birtir Hagstofan verðbólgutölur fyrir ágúst, en við spáum því að verðbólga hækki í 5,5%.
21. ágúst 2026
Vísitala íbúðaverðs hækkaði um 0,09% á milli mánaða í júlí. Árshækkun vísitölunnar mælist nú 1,6%, hefur ekki mælst lægri í þrjú ár og er töluvert minni en hækkun á almennu verðlagi. Raunverð íbúða hefur lækkað um 3% á milli ára. Umsvif á íbúðamarkaði hafa einnig dregist saman og velta það sem af er ári hefur verið töluvert minni en á sama tímabili í fyrra.
19. ágúst 2026
Peningastefnunefnd hækkaði meginvexti um 0,25 prósentustig þriðja fundinn í röð og standa þeir nú í 8%. Hægt hefur á efnahagsumsvifum og vísbendingar eru um að undirliggjandi verðbólga sé tekin að hjaðna að mati nefndarinnar. Tónninn var því mun mildari en á síðustu tveimur fundum.
18. ágúst 2026
Kortavelta Íslendinga, að teknu tillit til verðlags og gengis, jókst lítillega í júlí. Íslendingar eyddu þó minna innanlands en í fyrra en kortavelta erlendis jókst. Aldrei hefur hærra hlutfall af kortaveltu Íslendinga farið fram erlendis.
17. ágúst 2026
Á miðvikudag tilkynnir Seðlabankinn um vaxtaákvörðun og við spáum því að stýrivextir verði hækkaðir um 0,25 prósentustig. Um 3,1% færri ferðamenn komu til landsins í júlí en í sama mánuði í fyrra. Utanlandsferðum Íslendinga fjölgaði aftur á móti á milli ára í fyrsta sinn á árinu. Skráð atvinnuleysi mældist 4,0% í júlí.
13. ágúst 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga hefur reynst þrálát og verðbólguhorfur versnað. Á sama tíma hefur hagkerfið sýnt merki um kólnun, en þau eru að okkar mati ekki nægilega skýr til að koma í veg fyrir vaxtahækkun.
13. ágúst 2026
Við spáum því að verðbólga mælist 5,5% í ágúst. Heimsmarkaðsverð á olíu hefur hækkað aftur síðastliðinn mánuð og við gerum því ekki ráð fyrir lækkun á eldsneytisverði eins og áður. Við gerum jafnframt ráð fyrir að aukin eftirspurn í tengslum við sólmyrkvan hafi áhrif á flugfargjöld til útlanda, gistiþjónustu og á bílaleiguverð. Hækkun skráningargjalda í opinbera háskóla hefur einnig áhrif til hækkunar í mánuðinum.
10. ágúst 2026
Störfum í Bandaríkjunum fækkaði á milli mánaða í júlí. Í þessari viku verða meðal annars birtar tölur um brottfarir um Keflavíkurflugvöll og skráð atvinnuleysi í júlí. Þá munu nokkur félög einnig birta uppgjör.