30. mars 2020
Vikan framundan
- Á þriðjudag birtir Hagstofan talnaefni um gistinætur í febrúar.
- Á miðvikudag birtir Seðlabankinn fundargerð Peningastefnunefndar vegna vaxtákvaðarinnar sem tilkynnt var um 18. mars.
Mynd vikunnar
Frá áramótum hefur úrvalsvísitalan lækkað um tæp 18%. Hún hefur lækkað aðeins minna en hlutabréfavísitölur helstu viðskiptalanda okkar, en þýska DAX vísitalan, breska FTSE100, bandaríska S&P500 og norræna OMXN40 hafa allar lækkað meira en úrvalsvísitalan frá áramótum.
Það helsta frá vikunni sem leið
- Peningastefnunefnd ákvað að Seðlabankinn myndi hefja bein kaup á skuldabréfum ríkissjóðs á eftirmarkaði.
- Seðlabankinn kynnti tvær sviðsmyndir um möguleg áhrif Covid-19 á efnahagshorfur í ár.
- Samkvæmt fundargerð peningastefnunefndar frá fundum nefndarinnar 9. og 10. mars voru allir nefndarmeðlimir sammála um að lækka stýrivexti um 0,5 prósentur, en tilkynnt var um ákvörðun þessa fundar miðvikudaginn 11. mars.
- Vísitala neysluverðs hækkaði um 0,23% milli mánaða í mars.
- Vinnumálastofnun áætlar að atvinnuleysi muni aukast í 10-11% í apríl og maí.
- Launavísitalan hækkaði um 0,14% milli mánaða í febrúar.
- Reykjavíkurborg tilkynnti um fyrstu aðgerðir í efnahagsmálum vegna Covid-19.
- Icelandair tilkynnti um aðgerðir vegna útbreiðslu Covid-19.
- Seðlabankinn hélt ársfund og birti ársskýrslu.
- Hagstofan birti skammtímahagvísa í ferðaþjónustu og niðurstöður úr mánaðarlegri vinnumarkaðsrannsókn sinni.
- Tilkynnt var um tvær hópuppsagnir í febrúar.
Hagtölur og markaðsupplýsingar
Þú gætir einnig haft áhuga á
8. júlí 2026
Við spáum því að verðbólga mælist 5,2% í júlí. Sumarútsölur og lægra bensínverð hafa áhrif til lækkunar í mánuðinum. Flugfargjöld til útlanda munu aftur á móti hafa mest áhrif til hækkunar gangi spá okkar eftir. Við teljum líklegt að verðbólga mælist yfir forsenduákvæði kjarasamninga í næsta mánuði.
6. júlí 2026
Gistinóttum erlendra ferðamanna fjölgaði milli ára í maí, en gistinóttum Íslendinga fækkaði. Færri ný störf urðu til í Bandaríkjunum í júní en búist var við og verðbólga á evrusvæðinu í júní var lægri en búist var við.
1. júlí 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
29. júní 2026
Verðbólga jókst úr 5,1% í 5,2% í júní. Flugfargjöld til útlanda hækkuðu töluvert meira en við gerðum ráð fyrir, en þau eru nú 28% hærri en á sama tíma í fyrra.
26. júní 2026
Vísitala neysluverðs hækkaði um 0,94% á milli mánaða og verðbólga hækkar því úr 5,1% í 5,2%. Við spáðum því að verðbólga myndi standa í stað. Hækkun á flugfargjöldum hafði mest áhrif til hækkunar á milli mánaða og skýrir sífellt stærri hluta ársverðbólgunnar. Vísbendingar um kólnun í hagkerfinu og minni eftirspurn verða sífellt skýrari.
22. júní 2026
Í vikunni fáum við verðbólgutölur fyrir júnímánuð, en við spáum því að verðbólga mælist 5,1% og standi í stað á milli mánaða. Í liðinni viku komu nýjar kortaveltutölur frá Seðlabankanum sem sýna að það hægir á vexti neyslunnar, en þó eru ekki merki um snöggkólnun líkt og fyrri gögn, sem nú hafa verið leiðrétt, höfðu bent til.
18. júní 2026
Vísitala íbúðaverðs lækkaði um 0,4% á milli mánaða í maí. Árshækkun vísitölunnar mælist nú 2,2% og er talsvert lægri en hækkanir á almennu verðlagi. Raunverð íbúða hefur því lækkað um 2,4% á milli ára og maí er sjötti mánuðurinn í röð þar sem raunverð lækkar á þann mælikvarða. Velta á íbúðamarkaði hefur jafnframt verið talsvert minni það sem af er ári en á sama tímabili í fyrra.
16. júní 2026
Kortavelta íslenskra heimila stóð nokkurn veginn í stað á milli ára í maí, að teknu tillit til verðlags og gengis. Tölur fyrir apríl voru jafnframt leiðréttar upp á við en þær höfðu sýnt töluverðan samdrátt. Gömlu apríltölurnar voru birtar daginn fyrir ákvörðun peningastefnunefndar og hafa mögulega haft áhrif á ákvörðunina. Uppfærðar tölur benda til þess að áfram hægi á vexti einkaneyslu, en ekki til snöggkólnunar eins og apríltölurnar gáfu til kynna.
15. júní 2026
Erlendum ferðamönnum fjölgaði í maí þrátt fyrir minna flugframboð en utanlandsferðir Íslendinga eru færri. Skráð atvinnuleysi mældist 4,2% í maí.
12. júní 2026
Fjölgun sumarhúsa hér á landi hefur haldist nokkuð stöðug síðasta áratug, en rúmlega helmingur sumarhúsa landsins er staðsettur á Suðurlandi. Kaupsamningum hefur fækkað lítillega frá því í fyrra og verðhækkanir hafa verið hóflegar.