30. janúar 2023
Vikan framundan
- Í dag birtir Hagstofan verðbólgutölur fyrir janúar og við eigum von á að verðbólgan lækki úr 9,6% í 9,4%.
- Á þriðjudag birtir Hagstofan tölur um gistinætur í desember.
- Á miðvikudag birtir Seðlabankinn niðurstöður úr væntingakönnun markaðsaðila sem fór fram í síðustu viku. Erlendis er vaxtaákvörðun í Bandaríkjunum.
- Á fimmtudag birta Landsbankinn, Origo og Icelandair uppgjör. Erlendis er vaxtaákvörðun hjá Evrópska seðlabankanum og Englandsbanka.
Mynd vikunnar
Nýjum, fullbúnum íbúðum fjölgaði minna í fyrra en á árunum 2019 til 2021. Við sjáum samt ýmis merki þess að það sé nokkuð kröftug uppbygging í kortunum, m.a. þau að ófullgerðum íbúðum og starfsfólki í byggingariðnaði er að fjölga og velta í byggingariðnaði samkvæmt VSK-skýrslum er að aukast. Nánar er farið í þetta í Hagsjá um byggingarmarkaðinn sem við birtum í síðustu viku.
Það helsta frá vikunni sem leið
- Vísitala launa hækkaði um 4% milli mánaða í desember. Hækkunin skýrist af launahækkunum í nýgerðum kjarasamninga á almennum vinnumarkaði. Í þeim var samið um afturvirka hækkun frá 1. nóvember, en launagögnum Hagstofunnar er ekki breytt afturvirkt þannig að launahækkunin kemur inn í vísitöluna í desember í stað nóvember.
- Seðlabankinn birti gögn um bankakerfið í desember. Úr þeim mátti m.a. lesa að hrein ný íbúðalán innlánastofnana til heimila námu einungis 7,1 ma.kr. í desember og hafa ekki verið lægri í stökum mánuði síðan í desember 2019. Öll hrein ný íbúðalántaka var í formi verðtryggðra lána, sem er ný staða. Uppgreiðslur voru meiri en ný útlán á meðal óverðtryggðra íbúðalána í fyrsta sinn síðan í desember 2016.
- Samkvæmt vinnumarkaðsrannsókn Hagstofu Íslands var árstíðaleiðrétt atvinnuleysi 3,3% í desember og lækkaði um 1,6 prósentustig milli mánaða. Þar sem þetta er úrtakskönnun eiga tölurnar það til að sveiflast nokkuð milli mánaða og því betra að horfa á langtímaleitni, sem hefur haldist stöðug í 3,8% í um hálft ár.
- Hagdeild HMS birti mánaðarskýrslu fyrir janúar.
- Á skuldabréfamarkaði tilkynntu Lánamál ríkisins um niðurstöðu viðbótarútgáfu RIKB 26 1015 og Útgerðarfélag Reykjavíkur hélt lokað skuldabréfaútboð. Landsbankinn birti útgáfudagatal.
- Á hlutabréfamarkaði fengu Alvotech og Bioventure markaðsleyfi fyrir AVT02 í Sádi-Arabíu.
Hagtölur og markaðsupplýsingar
Þú gætir einnig haft áhuga á
15. apríl 2024
Verðbólga hjaðnar þó nokkuð í apríl, úr 6,8% í 6,1%, en breytist lítið næstu mánuði þar á eftir og verður 5,9% í júlí, samkvæmt okkar nýjustu verðbólguspá. Þótt vaxtahækkanir hafi slegið nokkuð á eftirspurn má enn greina kraft í hagkerfinu og spennu á vinnumarkaði. Þá mælast verðbólguvæntingar enn vel yfir markmiði.
11. apríl 2024
Við spáum því að vísitala neysluverðs hækki um 0,61% á milli mánaða í apríl og að ársverðbólgalækki töluvert, eða úr 6,8% í 6,1%. Mest áhrif til hækkunar í spá okkar hafa reiknuð húsaleiga, flugfargjöld til útlanda og matarkarfan. Apríl í fyrra var stór hækkunarmánuður og þar sem við gerum ráð fyrir töluvert minni mánaðarhækkun nú lækkar ársverðbólga töluvert. Á móti gerum við ekki ráð fyrir því að verðbólga lækki mikið næstu mánuði þar á eftir og búumst við því að hún verði 5,9% í júlí.
8. apríl 2024
Um 14% fleiri ferðamenn fóru um Keflavíkurflugvöll í febrúar síðastliðnum en í febrúar í fyrra. Ferðamenn gistu þó skemur en áður, því skráðum gistinóttum fækkaði um 2,7% á milli ára í febrúar.
3. apríl 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
2. apríl 2024
Um 30% fyrirtækja vilja fjölga starfsfólki á næstu sex mánuðum, samkvæmt nýjustu könnun Gallup meðal 400 stærstu fyrirtækja landsins sem var framkvæmd í mars. Hlutfallið eykst úr 23% frá síðustu könnun sem var gerð í desember.
26. mars 2024
Vísitala neysluverðs hækkaði um 0,8% milli mánaða í mars og við það jókst ársverðbólga úr 6,6% í 6,8%. Langmest áhrif til hækkunar í mælingunni má rekja til hækkunar á íbúðaverði, og þá sérstaklega utan höfuðborgarsvæðisins. Verð á nýjum bílum hafði mest áhrif til lækkunar í mars.
25. mars 2024
Peningastefnunefnd Seðlabankans tilkynnti á miðvikudag að stýrivöxtum yrði haldið óbreyttum í 9,25%. Ákvörðunin var í samræmi við spá okkar, en tónninn í yfirlýsingunni var harðari en við bjuggumst við.
18. mars 2024
Gögn síðasta árs benda til þess að þeir ferðamenn sem hingað komu hafi að meðaltali dvalið skemur en árið á undan en aftur á móti eytt meiru á dag.
15. mars 2024
Útflutningur hefur alltaf verið mjög mikilvægur fyrir Íslendinga og íslenskan efnahag. Lengst af var fiskurinn okkar aðal útflutningsvara, svo bættist álið við og nú síðasta áratuginn eða svo hefur ferðaþjónusta rutt sér til rúms og er orðin stærsta einstaka útflutningsvara Íslendinga. Á síðustu árum hefur annar útflutningur, þ.e. útflutningur sem ekki heyrir undir neinn þessara flokka, vaxið hratt og raunar hraðar en ferðaþjónustan, þó faraldurinn torveldi samanburðinn aðeins.
14. mars 2024
Við spáum því að vísitala neysluverðs hækki um 0,57% milli mánaða í mars og að ársverðbólga verði óbreytt í 6,6%. Mest áhrif til hækkunar í spá okkar hafa reiknuð húsaleiga, flugfargjöld til útlanda, föt og skór og matarkarfan. Við eigum enn von á að verðbólgan hjaðni rólega næstu mánuði og verði komin niður í 5,4% í júní.