Vikubyrjun 14. október 2024
Í fyrramálið kynnum við nýja hagspá til ársins 2027 á morgunfundi í Hörpu. HMS birtir í vikunni vísitölu íbúðaverðs, vísitölu leiguverðs og mánaðarskýrslu um húsnæðismarkaðinn. Á miðvikudag birtist svo fundargerð peningastefnunefndar. Í síðustu viku bar hæst að erlendum ferðamönnum fjölgaði aðeins á milli ára í september á sama tíma og atvinnuleysi jókst lítillega.
14. október 2024
Vikan framundan
- Í fyrramálið kynnum við nýja hagspá til ársins 2027 á morgunfundi í Hörpu. Seinna sama dag birtir HMS vísitölu íbúðaverðs.
- Á miðvikudag birtir Seðlabankinn fundargerð peningastefnunefndar vegna vaxtaákvörðunarinnar 2. október og tölur um greiðslumiðlun í september. HMS birtir vísitölu leiguverðs og það koma verðbólgutölur frá Bretlandi.
- Á fimmtudag birta Hagar uppgjör.
Mynd vikunnar
Hlutfall innflytjenda á vinnumarkaði hefur farið úr því að vera um 7% í byrjun árs 2005 í 32% í ágúst í ár. Erlent vinnuafl flytur til landsins í uppsveiflum og að sama skapi fækkar hratt í þeim hópi í niðursveiflum. Þetta hefur þau áhrif að að atvinnuleysi eykst ekki jafn mikið og ella þegar illa árar og að sama skapi minnkar það ekki jafn mikið og mætti ætla í uppsveiflum. Sveiflur í atvinnuleysi verða þar af leiðandi minni. Nú hefur hægt á fjölgun innflytjenda á vinnumarkaði sem er í góðu samræmi við þá kólnun sem við sjáum í hagkerfinu um þessar mundir.
Það helsta frá vikunni sem leið
- Í síðustu viku fóru fram verðmælingar vegna októbermælingar vísitölu neysluverðs. Við spáum því að vísitalan hækki um 0,27% á milli mánaða í október og að ársverðbólga hjaðni úr 5,4% niður í 5,1%. Við búumst við áframhaldandi hjöðnun næstu mánuði og að ársverðbólga verði komin niður í 4,2% í janúar á næsta ári.
- Um 223 þúsund erlendir ferðamenn fóru um Keflavíkurflugvöll í september, sem er um 2% fleiri en í september í fyrra. Heildarfjöldi erlendra ferðamanna fyrstu níu mánuði ársins var 1.744 þúsund manns sem er 1% fleiri en á sama tímabili í fyrra. Í septembermánuði hafa brottfarir erlendra ferðamanna aðeins einu sinni verið fleiri en á þessu ári, en það var árið 2018 þegar brottfarir í september voru um 4% fleiri. Brottfarir á fyrstu níu mánuðum ársins voru 5% færri nú en á metárinu 2018.
- Skráð atvinnuleysi var 3,3% í september og jókst úr 3,2% frá því í ágúst. Atvinnuleysi er jafnan minnst á sumrin og færist í aukana þegar líður á vetur. Þessi hækkun á milli mánaða er því eðlileg árstíðarbundin breyting. Atvinnuleysi er aftur á móti 0,3 prósentustigum hærri nú en í september í fyrra, sem er svipuð þróun og hefur verið á allra síðustu mánuðum og bendir til aukins slaka á vinnumarkaði.
- Verðbólga í Bandaríkjunum hjaðnaði úr 2,5% niður í 2,4% í september. Þótt ársverðbólgan hafi lækkað á milli mánaða var mælingin aðeins hærri en búist var við og eykur líkurnar á að tekin verði minni skref til lækkunar vaxta við næstu ákvörðun, 6. nóvember nk. Ársbreyting kjarnavísitölunnar, þ.e. án matvöru og orkukostnaðar, hækkaði úr 3,2% í 3,3%.
- Ölgerðin (fjárfestakynning) birti uppgjör. Icelandair og Play birtu flutningstölur fyrir september.
- Landsbankinn hélt útboð á sértryggðum skuldabréfum ásamt skiptiútboð. RARIK, Hagar og Lánasjóður sveitarfélaga héldu skuldabréfaútboð. Lánamál ríkisins birtu Markaðsupplýsingar og tilkynntu um niðurstöðu viðbótarútgáfu. Reitir stækkuðu áður útgefinn skuldabréfaflokk.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.
28. sept. 2026
Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.
21. sept. 2026
Þrátt fyrir minna flugframboð til og frá landinu hefur ferðamönnum aðeins fækkað um 1%, það sem af er ári. Tengifarþegum hefur aftur á móti fækkað og Íslendingar hafa farið í færri utanlandsferðir í ár en í fyrra. Nýlegar kortaveltutölur benda til þess að neysla ferðamanna hafi tekið við sér yfir sumarið og að áhrif sólmyrkvans hafi fremur birst í aukinni neyslu en fjölgun gesta.
21. sept. 2026
Greiðslukortavelta heimilanna dróst saman um 1,2% á milli ára í ágúst, að teknu tilliti til verðlags og gengis. Íbúðaverð hækkaði lítillega í ágúst, en leiguverð lækkaði eftir að hafa hækkað sex mánuði í röð.