3. september 2018
Vikan framundan
- Klukkan 16 í dag birtir Seðlabankinn tölur um greiðslujöfnuð á 2. ársfjórðungi og erlenda stöðu þjóðarbúsins.
- Á fimmtudag birtir Seðlabankinn tölur um gjaldeyrismarkað, raungengi og krónumarkað í ágúst.
- Á föstudag birtir Hagstofan tölur um landsframleiðslu á 2. ársfjórðungi, ásamt endurskoðuðum tölum fyrir árið 2017.
Mynd vikunnar
Á miðvikudaginn birti Seðlabankinn Peningamál 2018/3 með uppfærðri verðbólgu- og þjóðhagsspá, en bankinn birtir slíka spá ársfjórðungslega. Gerir bankinn núna ráð fyrir 3,6% hagvexti í ár. Bankinn hefur gert tiltölulega litlar breytingar á spám sínum um hagvöxt í ár og á næsta ári frá því að hann spáði 3,1% hagvexti í febrúar í fyrra. Við erum nokkuð bjartsýnni en Seðlabankinn en í maíspá Hagfræðideildar er gert ráð fyrir 4,1% hagvexti í ár.
Það helsta frá vikunni sem leið
- Peningastefnunefnd tilkynnti um óbreytta vexti, eins og við höfðum spáð.
- Samhliða vaxtaákvörðuninni gaf Seðlabankinn út Peningamál 2018/3 með uppfærðri spá.
- Hagstofan birti vísitölu neysluverðs.
- Hagstofan birti tölur um þjónustujöfnuð við útlönd á öðrum ársfjórðungi.
- Landsbankinn gaf út víkjandi skuldabréf í evrum.
- Lánamál ríkisins voru með útboð ríkisvíxla.
- Skeljungur, Síminn, Sýn, N1, HB Grandi, EIK og Eimskip birtu hálfsársuppgjör.
- Icelandair sendi frá sér lækkun á afkomuspá.
- Reykjavíkurborg, RARIK, Kópavogsbær og ÍLS birtu hálfsársuppgjör.
- Seðlabankinn birti rannsóknarritgerð um mælikvarða á undirliggjandi verðbólgu.
- Hagstofan birti tölur um verðmæti sjávarafla í maí, vísitölu framleiðsluverðs í júlí og endurskoðaðar tölur um vöruskipti við útlönd á fyrstu 7 mánuðum ársins.
Hagtölur og markaðsupplýsingar
Hagtölur 3. september 2018 (PDF)
Þú gætir einnig haft áhuga á
9. nóv. 2026
Fjöldi starfandi samkvæmt skrám hélst óbreyttur á milli ára í september. Verðbólga jókst á evrusvæðinu og hefur ekki mælst hærri í þrjú ár. Englandsbanki hækkaði vexti.
5. nóv. 2026
Eftirspurn eftir vinnuafli hefur minnkað, atvinnuleysi hefur aukist og vinnumarkaðurinn sýnir skýr merki kólnunar. Kólnun í hagkerfinu hefur dregið úr hækkunartakti launa og í nýlegri hagspá gerum við ráð fyrir hóflegri launahækkunum næstu árin. Þrátt fyrir það teljum við að kaupmáttur aukist áfram, samhliða minni verðbólgu og meiri uppgangi í atvinnulífinu á síðari hluta spátímans.
4. nóv. 2026
Útflutningsmagn sjávarafurða hefur dregist saman undanfarin ár, en hátt afurðaverð hefur að miklu leyti vegið upp samdráttinn. Í fyrra jukust útflutningsverðmæti sjávarafurða þrátt fyrir að útflutningsmagnið hefði minnkað. Í nýlegri hagspá gerum við ráð fyrir áframhaldandi samdrætti í útflutningi sjávarafurða í ár og á næsta ári. Ef lokaráðgjöf fyrir loðnu verður nær upphafsráðgjöfinni gæti samdráttur þó snúist í vöxt og hagvaxtarhorfur batnað.
2. nóv. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. nóv. 2026
Verðbólga hélst óbreytt í 5,9% í október, í samræmi við væntingar. Mikil hækkun á eldsneyti er áfram helsti drifkraftur verðbólgunnar. Gistinóttum erlendra ferðamanna fjölgaði á milli ára í september.
29. okt. 2026
Vísitala neysluverðs hækkaði um 0,44% á milli mánaða í október og verðbólga mælist áfram 5,9%, í takt við okkar spá. Verðbólga án húsnæðis mælist nú einnig 5,9%. Mikil hækkun á eldsneyti er áfram helsti drifkraftur verðbólgunnar.
26. okt. 2026
Íbúðaverð hækkaði um rúmlega 1% og leiguverð lækkaði um tæplega 1% á milli mánaða í september. Í næstu viku birtir Hagstofan verðbólgumælingu októbermánaðar og ýmis félög birta uppgjör.
21. okt. 2026
Framboð íbúða hefur aukist og dregið hefur úr eftirspurn. Við gerum ráð fyrir að íbúðamarkaður verði rólegur og að verðhækkanir verða hóflegar á næstu misserum. Raunverð íbúða hefur lækkað ellefu mánuði í röð miðað við vísitölu neysluverðs án húsnæðis. Við gerum ráð fyrir samdrætti í íbúðafjárfestingu í ár og á næsta ári.
19. okt. 2026
Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.