26. febrúar 2018
Vikan framundan
- Í dag birtir Eik ársuppgjör.
- Á þriðjudag birtir Hagstofan vísitölu neysluverðs, við spáum +0,7% milli mánaða.
- Á miðvikudag birta Fjarskipti, HB Grandi og VÍS ársuppgjör.
- Klukkan 9 á fimmtudag birtir Hagstofan þjónustujöfnuð við útlönd á fjórða ársfjórðungi síðasta árs.
- Eftir lokun markaða á föstudag birtir Seðlabankinn síðan greiðslujöfnuð og erlenda stöðu þjóðarbúsins.
Mynd vikunnar
Mikil umræða hefur spunnist um skort á íbúðum síðustu misseri. Það er viðtekin skoðun að stórir hópar, sérstaklega ungt fólk, bíði í röðum til þess að geta keypt íbúð. Sé hins vegar litið á meðalfjölda íbúa á hverja íbúð á höfuðborgarsvæðinu á árunum 2008 og 2017 má sjá að fjöldinn er nákvæmlega sá sami, 2,5 íbúar á hverja íbúð að meðaltali. Staðan hefur því ekkert breyst. Þetta er meðal þess sem skoðað er í Hagsjá sem við birtum í vikunni, en þar veltum við því fyrir okkur hvort eftirspurn eftir íbúðum sé hugsanlega ofmetin.
Það helsta frá vikunni sem leið
- Samkvæmt fundargerð peningastefnunefndar voru allir nefndarmenn sammála um að halda vöxtum Seðlabankans óbreyttum á síðasta fundi.
- Fasteignaverð á höfuðborgarsvæðinu hækkaði um 1,0% milli mánaða.
- Að okkar mati er ólíklegt að kjarasamningum verði sagt upp nú í lok mánaðar.
- Opinn fundur peningastefnunefndar með efnahags- og viðskiptanefnd Alþingis var haldinn í vikunni.
- Í nýuppfærðri þjóðhagsspá gerir Hagstofan ráð fyrir 2,9% hagvexti á þessu ári.
- Samkvæmt vinnumarkaðsrannsókn Hagstofunnar var atvinnuleysi 4,0% í janúar.
- Síminn, N1, Skeljungur og Eimskip birtu ársreikninga.
- Lánamál ríkisins héldu víxlaútboð og skiptiútboð óverðtryggðra ríkisbréfa. Íslandsbanki hélt útboð á sértryggðum skuldabréfum.
Hagtölur og markaðsupplýsingar
Hagtölur 26. febrúar 2018 (PDF)
Þú gætir einnig haft áhuga á
26. júní 2026
Vísitala neysluverðs hækkaði um 0,94% á milli mánaða og verðbólga hækkar því úr 5,1% í 5,2%. Við spáðum því að verðbólga myndi standa í stað. Hækkun á flugfargjöldum hafði mest áhrif til hækkunar á milli mánaða og skýrir sífellt stærri hluta ársverðbólgunnar. Vísbendingar um kólnun í hagkerfinu og minni eftirspurn verða sífellt skýrari.
22. júní 2026
Í vikunni fáum við verðbólgutölur fyrir júnímánuð, en við spáum því að verðbólga mælist 5,1% og standi í stað á milli mánaða. Í liðinni viku komu nýjar kortaveltutölur frá Seðlabankanum sem sýna að það hægir á vexti neyslunnar, en þó eru ekki merki um snöggkólnun líkt og fyrri gögn, sem nú hafa verið leiðrétt, höfðu bent til.
18. júní 2026
Vísitala íbúðaverðs lækkaði um 0,4% á milli mánaða í maí. Árshækkun vísitölunnar mælist nú 2,2% og er talsvert lægri en hækkanir á almennu verðlagi. Raunverð íbúða hefur því lækkað um 2,4% á milli ára og maí er sjötti mánuðurinn í röð þar sem raunverð lækkar á þann mælikvarða. Velta á íbúðamarkaði hefur jafnframt verið talsvert minni það sem af er ári en á sama tímabili í fyrra.
16. júní 2026
Kortavelta íslenskra heimila stóð nokkurn veginn í stað á milli ára í maí, að teknu tillit til verðlags og gengis. Tölur fyrir apríl voru jafnframt leiðréttar upp á við en þær höfðu sýnt töluverðan samdrátt. Gömlu apríltölurnar voru birtar daginn fyrir ákvörðun peningastefnunefndar og hafa mögulega haft áhrif á ákvörðunina. Uppfærðar tölur benda til þess að áfram hægi á vexti einkaneyslu, en ekki til snöggkólnunar eins og apríltölurnar gáfu til kynna.
15. júní 2026
Erlendum ferðamönnum fjölgaði í maí þrátt fyrir minna flugframboð en utanlandsferðir Íslendinga eru færri. Skráð atvinnuleysi mældist 4,2% í maí.
12. júní 2026
Fjölgun sumarhúsa hér á landi hefur haldist nokkuð stöðug síðasta áratug, en rúmlega helmingur sumarhúsa landsins er staðsettur á Suðurlandi. Kaupsamningum hefur fækkað lítillega frá því í fyrra og verðhækkanir hafa verið hóflegar.
11. júní 2026
Við spáum því að verðbólga standi í stað í júní og mælist aftur 5,1%. Ferðaþjónustutengdir liðir hækka alla jafna í júní og mun verð á flugfargjöldum til útlanda hafa mest áhrif til hækkunar, gangi spáin eftir. Við gerum einnig ráð fyrir hækkun á hótelum og veitingastöðum í júnímælingunni. Við gerum ráð fyrir að verðbólga aukist næstu mánuði og teljum nánast öruggt að forsendur kjarasamninga bresti í ágúst.
8. júní 2026
Á fyrsta ársfjórðungi mældist minni halli á viðskiptum við útlönd en á sama tíma í fyrra. Í síðustu viku birti HMS fasteignamat fyrir 2027, en fasteignamat lækkaði að raunvirði á milli ára.
1. júní 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. júní 2026
Samkvæmt fyrsta mati Hagstofunnar mældist 2,7% hagvöxtur á fyrsta ársfjórðungi. Vísitala neysluverðs hækkaði um 0,07% á milli mánaða og verðbólga lækkaði því úr 5,2% í 5,1%.