Vikubyrjun 26. ágúst
Vísitala fyrirhugaðra húsnæðiskaupa, sem Gallup mælir á þriggja mánaða fresti, hækkaði á milli mars og júní í ár. Hefur þessi vísitala ekki mælst hærri síðan í september 2007. Nýjustu tölur af fasteignamarkaði benda til þess að enn sé nokkuð í land með að þessar væntingar raungerist.
23. ágúst 2019
Vikan framundan
- Klukkan 9 í dag birtir Hagstofan tölur um þjónustujöfnuð við útlönd.
- Á þriðjudag birta Síminn og Skeljungur hálfsársuppgjör.
- Á miðvikudag verður vaxtaákvörðun peningastefnunefndar kynnt en við búumst við 0,25 prósentustiga lækkun. Samhliða vaxtaákvörðuninni birtir Seðlabankinn Peningamál 2019/3 með uppfærðri verðbólgu- og þjóðhagsspá. Eik, Festi og Sýn birta hálfsársuppgjör.
- Á fimmtudag birtir Hagstofan vísitölu neysluverðs. Við búumst við því að hún hækki um 0,2% milli mánaða. Kvika, Eimskip, Heimavellir og Brim birta hálfsársuppgjör.
- Á föstudag birtir Hagstofan þjóðhagsreikninga fyrir annan ársfjórðung ásamt fyrstu endurskoðun á 2018 tölunum.
Mynd vikunnar
Vísitala fyrirhugaðra húsnæðiskaupa, sem Gallup mælir á þriggja mánaða fresti út frá könnun sem fyrirtækið gerir um væntingar neytenda, hækkaði verulega á milli mars og júní mælinga í ár. Hefur þessi vísitala ekki mælst hærri síðan í september 2007. Nýjustu tölur af fasteignamarkaði benda til þess að enn sé nokkuð í land með að þessar væntingar raungerist. Mögulega eru margir að bíða eftir nánari útfærslum á þeim aðgerðum sem stjórnvöld boðuðu í tengslum við undirritun kjarasamninga í vetur.
Það helsta frá vikunni sem leið
- Seðlabankinn birti niðurstöður úr könnun á væntingum markaðsaðila sem fór fram fyrr í mánuðinum.
- Seðlabankinn birti á vef sínum skýrslu peningastefnunefndar til Alþingis um störf nefndarinnar á fyrri hluta ársins.
- Dr. Ásgeir Jónsson tók við embætti seðlabankastjóra.
- Fasteignaverð á höfuðborgarsvæðinu hækkaði um 0,1% á milli mánaða í júlí.
- Milli F2 2018 og 2019 hefur fasteignaverð hækkað mest í nágrenni höfuðborgarsvæðisins.
- Hægt hefur á vexti greiðslukortanotkunar Íslendinga.
- Samkvæmt vinnumarkaðsrannsókn Hagstofunnar var atvinnuleysi 3,1% í júlí.
- Vísitala leiguverðs á höfuðborgarsvæðinu í júlí lækkaði um 0,1% á milli mánaða.
- Reitir (uppgjör), VÍS (uppgjör, fjárfestakynning), Origo (uppgjör, fjárfestakynning) og Sjóvá (uppgjör, fjárfestakynning) birtu hálfsársuppgjör.
- Sýn birti afkomuviðvörun.
- Lánasjóður sveitarfélaga hélt skuldabréfaútboð, Landsbankinn útboð sértryggðra skuldabréfa, Kópavogsbær skuldabréfaútboð, Arion banki víxlaútboð og Lánamál ríkisins útboð verðtryggðra ríkisbréfa.
Hagtölur og markaðsupplýsingar
Þú gætir einnig haft áhuga á
29. maí 2026
Landsframleiðsla jókst um 2,7% á milli ára að raunvirði á fyrsta fjórðungi ársins. Mest var framlag utanríkisviðskipta til hagvaxtar sem skýrist að mestu af auknum umsvifum gagnavera. Einkaneysla jókst einnig á fjórðungnum þó hægt hafi á vexti hennar.
28. maí 2026
Vísitala neysluverðs hækkaði um 0,07% á milli mánaða og verðbólga lækkar því úr 5,2% í 5,1%. Við höfðum spáð því að verðbólga myndi lækka í 4,9%. Hækkun á flugfargjöldum hafði mest áhrif til hækkunar á ársverðbólgu í mánuðinum en lækkun á virðisaukaskatti á eldsneyti hafði mest áhrif til lækkunar. Án lækkunarinnar á virðisaukaskatti hefði verðbólga mælst 5,5%. Athygli vekur að verð á mat og drykk lækkaði á milli mánaða, annan mánuðinn í röð.
27. maí 2026
Þrátt fyrir minna flugframboð um Keflavíkurflugvöll hafa jafn margir erlendir ferðamenn farið um flugvöllinn fyrstu fjóra mánuði ársins í ár og í fyrra. Á móti fara færri tengifarþegar um flugvöllinn og utanlandsferðir Íslendinga hafa dregist verulega saman. Þó sumarið líti ágætlega út er meiri óvissa um haustið.
26. maí 2026
Peningastefnunefnd hækkaði vexti bankans um 0,25 prósentustig í síðustu viku, líkt og við höfðum spáð. Nú í vikunni koma verðbólgutölur og þjóðhagsreikningar.
20. maí 2026
Peningastefnunefnd hækkaði stýrivexti um 0,25 prósentustig annað skiptið í röð og segist tilbúin til að hækka vexti enn frekar. Efnahagshorfur hafa þó versnað verulega að mati bankans, en verðbólguspá var hækkuð í nýútgefnum Peningamálum og hagvaxtaspá lækkuð auk þess sem gert er ráð fyrir auknu atvinnuleysi. Kólnunin í hagkerfinu mun þó gera það að verkum að hættan á aukinni verðbólgu fram á við er minni.
19. maí 2026
Kortavelta íslenskra heimila dróst verulega saman á milli ára í apríl, eða um alls 5,8% að teknu tilliti til verðlags og gengis. Svo mikill samdráttur hefur ekki mælst síðan í febrúar 2021. Peningastefnunefnd fundar í dag vegna vaxtaákvörðunar á morgun, en við gerum áfram ráð fyrir 0,25 prósentustiga hækkun vaxta.
18. maí 2026
Í vikunni fram undan er vaxtaákvörðun hjá Seðlabanka Íslands og við spáum 0,25 prósentustiga hækkun. Fjöldi ferðamanna á fyrstu fjórum mánuðum ársins var svipaður og á sama tímabil í fyrra samkvæmt tölum sem birtust í síðustu viku. Utanlandsferðum Íslendinga hefur aftur á móti fækkað töluvert. Atvinnuleysi heldur áfram að aukast á milli ára.
13. maí 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga er enn yfir markmiði og verðbólguvæntingar hafa reynst þrálátar. Að okkar mati mun það ráða mestu um að nefndin haldi áfram vaxtahækkunarferlinu sem hófst í mars.
12. maí 2026
Við spáum því að vísitala neysluverðs lækki um 0,13% á milli mánaða í maí. Gangi spáin eftir mun verðbólga lækka úr 5,2% í 4,9%. Lægra eldsneytisverð vegna lækkunar á virðisaukaskatti og lækkun flugfargjalda hafa mest áhrif til lækkunar á milli mánaða samkvæmt spánni. Við spáum að verðbólga mælist 4,9% í ágúst og kjarasamningar því mögulega í húfi.
11. maí 2026
Starfandi samkvæmt skrám fækkaði á milli ára. Frjósemi á Íslandi síðastliðin tvö ár hefur ekki mælst minni síðan mælingar hófust. Í þessari viku fáum við m.a. ferðamannatölur og atvinnuleysi ásamt uppgjörum frá félögum.