21. febrúar 2020
Vikan framundan
- Í dag birtir Ferðamálastofa mánaðarlega skýrslu sína, Ferðaþjónustan í tölum.
- Á þriðjudag birtir Iceland Seafood uppgjör.
- Á miðvikudag birtir Hagstofan vöru- og þjónustujöfnuð við útlönd. Sýn birtir uppgjör.
- Á fimmtudag birtir Hagstofan vísitölu neysluverðs. Við búumst við 0,4% hækkun milli mánaða. Brim, Eimskip, Festi, Kvika banki og VÍS birta uppgjör.
- Á föstudag birtir Hagstofan þjóðhagsreikninga fyrir 2019.
Mynd vikunnar
Einkaneysla er um helmingur af landsframleiðslu hér á landi og hefur þróun hennar því mikil áhrif. Verulega hefur hægt á vexti einkaneyslu frá árinu 2017 samhliða hægari kaupmáttaraukningu launa. Upplýsingar um kortaveltu á 4. ársfjórðungi. síðasta árs benda hins vegar til þess að nokkur aukning hafi orðið á einkaneyslu á þeim fjórðungi. Á föstudag birtir Hagstofan síðan fyrsta mat á landsframleiðslunni, og því einnig einkaneyslu, á 4. ársfjórðungi.
Það helsta frá vikunni sem leið
- Samkvæmt fundargerð peningastefnunefndar vegna síðustu vaxtaákvörðunar greiddi einn nefndarmaður atkvæði gegn tillögu seðlabankastjóra um að lækka vexti um 0,25 prósentustig og vildi halda vöxtum óbreyttum.
- Vísitala íbúðaverðs hækkaði um 0,5% milli mánaða í janúar.
- Reitir og Síminn birtu uppgjör.
- Arion banki birti árs- og samfélagsskýrslu og áhættuskýrslu.
- Hagstofan birti skammtímahagvísa ferðaþjónustu.
- Íslandsbanki lauk víxlaútboði, Lánasjóður sveitarfélaga lauk skuldabréfaútboði og útboði á grænum skuldabréfum, Lánamál ríkisins luku útboði ríkisbréfa og Arion banki gaf út skuldabréf sem flokkast sem viðbótar eiginfjárþáttur 1.
Hagtölur og markaðsupplýsingar
Hagtölur 24. febrúar 2020 (PDF)
Þú gætir einnig haft áhuga á
19. júní 2025
Kortavelta jókst um 6,8% á milli ára í maí að raunvirði þar af jókst hún um 21% erlendis. Það sem af er ári hefur kortavelta aukist um 5,5% frá sama tímabili í fyrra, að teknu tilliti til verðlags og gengis. Íslendingar hafa aldrei farið í fleiri utanlandsferðir í maímánuði en nú í ár. Greiðslukortajöfnuður var neikvæður um 4,2 ma.kr. sem er töluvert meiri halli en í maí í fyrra.
16. júní 2025
Í síðustu viku fór fram uppgjör við eigendur HFF-bréfa. Erlendum ferðamönnum fjölgaði aðeins á milli ára í maí og atvinnuleysi jókst á milli ára. Í vikunni fram undan birtir HMS vísitölu íbúðaverðs, vísitölu leiguverðs og mánaðarskýrslu.
12. júní 2025
Við spáum því að verðbólga aukist lítillega í júní og mælist 3,9%. Verðbólga helst líklega nær óbreytt í sumar en eykst svo aðeins með haustinu, þegar einskiptisliðir vegna skólagjalda og skólamáltíða detta út úr tólf mánaða taktinum. Við gerum áfram ráð fyrir 4,0% verðbólgu í árslok.
11. júní 2025
Eftir hægagang í bílaviðskiptum á síðasta ári virðast þau hafa færst í aukana í byrjun þessa árs. Um 53% fleiri fólksbílar hafa verið nýskráðir til einkanota á fyrstu fimm mánuðum ársins en á sama tíma í fyrra. Um 21% þeirra bíla sem hafa verið nýskráðir á þessu ári eru hreinir rafmagnsbílar.
10. júní 2025
Viðskiptahalli Íslands hefur aldrei verið jafnmikill og á síðustu tveimur fjórðungum. Þá hefur halli á vöruviðskiptum aldrei verið meiri en í maí og hið sama má segja um innflutningsverðmæti, samkvæmt Hagstofu Íslands. Í næstu viku verða birtar atvinnuleysistölur og brottfarir um Keflavíkurflugvöll í maí.
6. júní 2025
Alls var 59,5 ma.kr. halli á viðskiptum við útlönd á fyrsta fjórðungi ársins. Viðskiptahalli Íslands hefur aldrei verið jafnmikill og á síðustu tveimur fjórðungum. Hann skýrist að verulegu leyti af stórfelldum innflutningi á tölvubúnaði vegna uppbyggingar á gagnaverum. Erlend staða þjóðarbúsins breyttist lítið á fjórðungnum.
5. júní 2025
Útgjöld til hernaðar- og varnarmála hafa stóraukist á síðustu árum, einkum í Evrópu og Mið-Austurlöndum. Leiðtogafundur NATO verður haldinn í Haag í lok mánaðarins og talið er að viðmið um útgjöld aðildarríkja til varnarmála verði hækkað til muna. Enn er óljóst upp að hvaða marki Ísland gæti þurft að auka varnartengd útgjöld. Aukin hernaðaruppbygging litar hagvaxtar- og verðbólguhorfur á heimsvísu og getur haft margþætt efnahags- og samfélagsleg áhrif.
2. júní 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. júní 2025
Verðbólga hjaðnaði úr 4,2% í 3,8% í apríl og landsframleiðsla jókst um 2,6% á milli ára á fyrsta ársfjórðungi. Gistinóttum fjölgaði alls um 11,6% á milli ára í apríl. Í vikunni birtir Seðlabankinn viðskiptajöfnuð við útlönd og fundargerð peningastefnunefndar.
30. maí 2025
2,6% hagvöxtur mældist á fyrsta ársfjórðungi þessa árs, samkvæmt fyrsta mati Hagstofunnar sem var birt í morgun. Samkvæmt endurskoðuðum þjóðhagsreikningum mældist 0,7% samdráttur á síðasta ári en ekki 0,5% hagvöxtur eins og áður var áætlað.